حد يعرف إزاي أركب عدة صوت في c4 ؟؟

**zeyad2010** · 23-08-2012 03:07 AM

إخواني أرجو مساعدتكم .. أنا نفسي اركب عدة صوت محترمة في عربيتي السي فور .. كل اللي قدرت أعمله إني أغير السماعات فقط لإني عرفت من التوكيل إن كود الأمان بتاع العربية مكان تواجده في الكاسيت لذلك ماينفعش يتغير .. طب يا جماعة بدل ما أروح فريسة للتجارب مع بتوع الكاسيت وكل ده هايبقي بفلوس كتير وكمان ممكن يعمل حاجة في الكمبيوتر ولا حاجة .. فا لو في حد مجرب حاجة معينة يا ريت يدينا خبرته عشان نستفيد كلنا .. بس أرجو إنها تكون خبرة واقعية في حاجة يكون الشخص نفسه هو اللي عملها في عربيته شخصياً .. يعني الواحد يكبر الصوت وينضفه إزاي في العربية دي ؟؟

**Hossam_hassan4** · 23-08-2012 08:11 PM

اسال ايهاب جلال او حد من الناس اللي فاهمه في العربيه و مش من التوكيل :)

لان واضح ان كهربه العربيات دي تجنن فعلا

**Mohab.Nabil** · 23-08-2012 09:16 PM

فعلا العربية فى النقطة ديه مش سهلة اوى بس اظن بالفهم و التجربة مفيش حاجة هتبقى صعبة ان شاء الله

طيب حضرتك غيرت السماعات اللى فى الابواب ولا ايه

لأن انا كنت بفكر اضيف سماعات ورا على الرف و حاولت اقرا شوية فى الموضوع كده اللى فهمته ان انا لازم اركب جى ام لأن الكاسيت الاصلى شايل 6 سماعات ( 4 فى الابواب و السماعات الصغيرة فى التابلوه ) فمش هيقدر يشيل سماعتين او 4 كمان ورا على الرف و فكيت الكاسيت و رحت لبتاع كاسيتات قالى ان الكاسيت مفيهوش مخرج للجى ام او الامبليافير

فلغيت الفكرة مع ان كان نفسى فى ساوند سستم جامد سماعتين و معاهم صب على الرف كده

و الكاسيت فعلا صعب جدا تغييره عشان الشاشة و المالتى فنكشن هيضيعوا

**rotanamasoud** · 26-08-2012 11:07 PM

لو المكان دبل دن حتحط الكاسيت الجديد فى المكان التانى وتوصله وتسيب الاصلى زى ما هو بس تفصل عنه السمعات وتوصلها بالكاسيت الجديد

**Mohab.Nabil** · 27-08-2012 09:34 PM

المشاركة الأصلية كتبت بواسطة rotanamasoud

لو المكان دبل دن حتحط الكاسيت الجديد فى المكان التانى وتوصله وتسيب الاصلى زى ما هو بس تفصل عنه السمعات وتوصلها بالكاسيت الجديد

للاسف التابلوه مفهوش مكان للكاسيت التانى

لازم فريم فوق و يتحط مكان الدرج

انا عندى سؤال لو حد يعرف .. هو الفريم ده مينفعش نعمله عمولة عند حد و لا يبقى صعب اوى ؟

**zeyad2010** · 22-09-2012 03:40 AM

على فكره يا جماعة .. أنا اللي نزلت الموضوع ده وخلاااااااااص . ركبت عده حكاية وقريب قوي هانزل موضوع كامل عن كل تفاصيل التركيب .. أنا ركبت كار كيت قوي نوعه باروت نضيف جداً وغالي + كاسيت بايونير ٦٨٥٠ + ٢ سماعة باب + ٢ سماعة بيضاوي وبورده خشب والشهر اللي جاي إن شاء الله الجي إم والصب ووفر .. ملحوظة : كل ده عملته بإيدي انا شخصياً والله العظيم ماعدا البورده الخشب .. وقريباً هانزل التفاصيل في موضوع منفصل وكمان رقم تليفوني لأي إستفسارات وشكراً

**haythamabo** · 22-09-2012 03:59 AM

المشاركة الأصلية كتبت بواسطة zeyad2010

على فكره يا جماعة .. أنا اللي نزلت الموضوع ده وخلاااااااااص . ركبت عده حكاية وقريب قوي هانزل موضوع كامل عن كل تفاصيل التركيب .. أنا ركبت كار كيت قوي نوعه باروت نضيف جداً وغالي + كاسيت بايونير ٦٨٥٠ + ٢ سماعة باب + ٢ سماعة بيضاوي وبورده خشب والشهر اللي جاي إن شاء الله الجي إم والصب ووفر .. ملحوظة : كل ده عملته بإيدي انا شخصياً والله العظيم ماعدا البورده الخشب .. وقريباً هانزل التفاصيل في موضوع منفصل وكمان رقم تليفوني لأي إستفسارات وشكراً

متابع

**Mohab.Nabil** · 22-09-2012 06:43 PM

المشاركة الأصلية كتبت بواسطة zeyad2010

على فكره يا جماعة .. أنا اللي نزلت الموضوع ده وخلاااااااااص . ركبت عده حكاية وقريب قوي هانزل موضوع كامل عن كل تفاصيل التركيب .. أنا ركبت كار كيت قوي نوعه باروت نضيف جداً وغالي + كاسيت بايونير ٦٨٥٠ + ٢ سماعة باب + ٢ سماعة بيضاوي وبورده خشب والشهر اللي جاي إن شاء الله الجي إم والصب ووفر .. ملحوظة : كل ده عملته بإيدي انا شخصياً والله العظيم ماعدا البورده الخشب .. وقريباً هانزل التفاصيل في موضوع منفصل وكمان رقم تليفوني لأي إستفسارات وشكراً

لو ممكن حضرتك تكتب رقم تليفونك هنا او تبعتهولى فى رسالة خاصة لأنى فعلا محتاج خبرة حضرتك فى الموضوع ده جدا ، الف شكر