حد يشوفلي حل لهذه المشكلة

**thegoodhacker** · 29-06-2008 12:13 AM

وفقني الله في سيارة 127 و الحمد لله العربية كويسة بس فيه مشكلة ساعة كتابة العقد ان نمرة الشاسيه اللي قي رخصة العربية فيها رقم فيه مشكلة ( اول رقم خالص علي الشمال كان مكتوب غلط و عليه تعديل بالازرق علي الرخصة نفسها تحت الغلاف التعديل ده مش واضح مكتوب الرقم" واحد" ولا شاطبين الرقم ده من اصله و حتي بالتعديل ده الرقم الاخير ده برضه مش مظبوط)......... اللي مخلانيش اوقف عملية الشراء ان بقية نمرة الشاسيه مضبوطة ماعدا الرقم الاخير ده و كمان بصيت علي ورق تجديد الرخصة لاقيته مكتوب بنفس نمرة الشاسيه مع الغاء الرقم الاخير ده خالص.......... لما بصيت علي نمرة الشاسيه بنفسي علي الكارتيرة والقائم الشمال لاقيت ان الرقم ده المفروض يكون "تسعة " .......... مع العلم ان العربية دي كانت بتاعة احد جيراني و معاه من الزيرو ........ ياريت حد يقولي الموضوع ده حله سهل في المرور ولا ايه .........
وكمان العربية لونها بترولي عادي مش ميتاليك لاقيت في الرخصة مكتوب ازرق / بترولي / ميتاليك ( مش عارف الصراحة ازاي مكتوبة 3 الوان )

**thegoodhacker** · 01-07-2008 01:26 AM

انا رفضت النهاردة استلام التوكيل لان رقم الشاسيه مش مضبوط لانهم راسمين نمرة الشاسيه من الرخصة و النمرة دي كده مش مضبوطة زي ما قلت و طبعا لسة لصاحب العربية القديم مبلغ متبقي مش حاديهوله غير لما يجيبلي شهادة بيانات سليمة للعربية و توكيل مظبوط بنمرة الشاسيه التي تطابق شاسيه السيارة .........
وبكرة انا في انتظار شهادة البيانات ان شاء الله......... ادعولي ربنا يسهلي اموري و تطلع الغلطة من الرخصة بس !!

**iBiZa** · 03-07-2008 01:55 PM

لازم شهادة بيانات

**thegoodhacker** · 03-07-2008 03:30 PM

الحمدلله صاحب العربية القديم جابلي شهادة بيانات و فيها نمرة الشاسيه و كل البيانات سليمة و جابلي توكيل بنمرة الشاسيه السليمة برضه .........
كان كابوس وانزاح الحمدلله
كنت عاوز دلوقتي اسال عن شوية حاجات ..... الرخصة بتاعة العربية بقالها سنين علي نفس المشكلة دي فهل في الفحص اللي جاي حيحلوا المشكلة دي و لا حيكرروا نفس الغلطة تاني ؟ و تنصحني اني امشي كده بالتوكيل لغاية ميعاد الفحص اللي جاي كمان سنتين و لا انقل ملكية دلوقتي تحسبا لاي مشكلة ممكن تظهر اثناء نقل الملكية ؟

**iBiZa** · 03-07-2008 03:45 PM

انا شايف انك تنقل تحسبا لاى مشكلة تظهر مش هتكلفك كتير بس تبقى فى السليم.
المفروض هيعملوا فحص عند النقل و يطلعوا رخصة جديدة و بالبيانات المظبوطة و لازم تراجعها و انت واقف لانها حصلت معايا فى عربية اختى طلعوا الرخصة مرتين غلط عشان الموظف بيقرا من الرخصة القديمة مش من ورق الفحص (عايز يريح نفسة طبعا)

على العموم دة رأى الشخصى و تجربتى الشخصية.