هل المور اثناء القياده مضر للعربيه ؟؟؟

**amirboulos** · 23-08-2012 01:52 PM

يا جماعه كان حد كاتب معلومه قبل كده ان اللي بيمور العربيه في منازل الكباري مثلا او بعد ما تبقي واخده سرعه ويسيبها لغايه ما تهدي لوحدها لو داخل علي مطب مثلا ...ان الطريقه دي بتضر الموتور علي المدي البعيد وانا بعمل كده كتير ...حد عنده علم الموضوع ده مضر ولا لأ؟؟؟

**yaserbasha2000** · 23-08-2012 01:59 PM

مأظنش ان التموير علي السرعات يضر في حد ذاته لانك بتمور فعلا بين الغيارات

لكن الضرر ممكن يجي لو احتجت تفرمل مثلا لو العربيه واخده غيار بتقدر تسيطر عليها و توقفها اسرع من الفرمله و العربيه في وضع المور و بالتالي استهلاك التيل و الطنابير هيكون اكتر

**المنسي** · 23-08-2012 02:05 PM

متابع

**Egyzizo** · 23-08-2012 03:08 PM

بالعكس لما تكون العربية ماشية على المور فده بيوفر استهلاك البنزين وبيريح العفشة.

هى الفكرة بس ، فى موضوع المنازل بالذات ولو على سرعات عالية ، لما بتكون العربية معشقة بيكون التحكم فى وقوفها أحسن.

**buddha** · 23-08-2012 03:25 PM

اية دة .....
مور يا جميل يعنى اصلا المكنة مش موجودة اصلا خارج نطاق الخدمة دايرة مع نفسها بدون اى تحميل خالص
اية يا كبير

الضرر الجامد هو ضغط فرامل بدون فصل المكنة بالدبرياج وهى واخدة غيار
لان دة بيعجل بتسليخ الشمايز
والعربيات الهيدروماتيك اكثر عرضة لتلف المكنة اكثر من المانيوال

**alaaosmanakl** · 23-08-2012 11:02 PM

المور بالنسبة للمانيول راحة للموتور والفتيس وتوفير للبنزين

وضرره فقط علي الفرامل .

لكن المور بالنسبة للاتوماتيك محظووووووووووور
وممنوع مطلقا لإنه ضرر علي الفتيس الاتوماتيك

**Youssef.Awad** · 23-08-2012 11:50 PM

المشاركة الأصلية كتبت بواسطة alaaosmanakl

المور بالنسبة للمانيول راحة للموتور والفتيس وتوفير للبنزين

وضرره فقط علي الفرامل .

لكن المور بالنسبة للاتوماتيك محظووووووووووور
وممنوع مطلقا لإنه ضرر علي الفتيس الاتوماتيك

جبت من الاخر يا باشا ..
وازيد على كلامك بالنسبة للاتوماتيك ان الضرر الاكبر بيكون عند اعادة التعشيق والعربية ماشية على سرعة اعلى من السكون مش عند الفصل لأنه اكيد هايأثر على حساسات وتروس الفتيس
-----------------------------------
على سبيل الدعابة .. حركة التموير على منزل كوبرى دى بتفكرنى دايما بقصة عم دهب فى حكايات بطوط لما كان بيلاقى منزل وهو رايح لبنك من بنوكه يعوم فيها شوية كان بيطفى الموتور ويسيب العربية تنزل بالقصور الذاتى عشان يوفر بنزين هههههههههههههههههههههههه

**Youssef.Awad** · 25-08-2012 02:41 AM

المشاركة الأصلية كتبت بواسطة alaaosmanakl

هههههههه علي حكاية عم دهب

بس معلش محتاج شرح ابسط عايز افهم المعلومة دي :

((الضرر الاكبر بيكون عند اعادة التعشيق والعربية ماشية على سرعة اعلى من السكون مش عند الفصل لأنه اكيد هايأثر على حساسات وتروس الفتيس))

ببساطة يا باشا ..
الفتيس وظيفته نقل الحركة من الموتور للعجلات عن طريق الكبالن
لما تفصل الفتيس وهو ماشى يعنى العجلات بتلف بسرعة الارض والموتور نزل بلفاته من 3000 الى 800 لفة/دقيقة مثلا وتروس الفتيس بتتفصل وبتقل حركتها طبيعى
لما تيجى تعشق الفتيس تانى والعربية ماشية على 60 مثلا .. الفتيس هايتبرجل اساسا يدخل على اى سرعة حسب حساس كل نقلة وتلاقى الموتور نط لفاته من 800 الى 2500 على سبيل المثال طبقا لسرعة العجلات الملامسة للارض ويبدأ السرعة تتظبط حسب ضغطة دواسة البنزين
هنا بقى .. هايكون فيه ضرر ولا مفيش على اى مدى بالطريقة العجيبة دى فى السواقة
امال هما عملوا الاتوماتيك ليه .. عشان يفصل ويشغل وينقل لوحده حسب حساسات وضغطك للبنزين والفرامل

وبالنسبة للمانيوال التحكم فى القصة اللى فاتت دى بيكون اسهل حسب تمرس وخبرة السائق بعربيته ومعرفة مدى مردود مقدار ضغطة رجله على البنزين والفرامل والفصل والوصل بالدبرياج

الموضوع: هل المور اثناء القياده مضر للعربيه ؟؟؟

LinkBack

أدوات الموضوع

عرض

العرض المتطور

-

-

-

-

-

المواضيع المتشابهه

صورة اثناء نزوح السكان اثناء الاعصار ساندي

rbm عند وضع المور

هزة جامدة فى الفتيس فى وضع المور

عصاية الفتيس ليست فى المنتصف فى المور

حد يقولى عقوبة التحدث فى الموبايل اثناء القياده كام

الكلمات الدلالية لهذا الموضوع

المفضلات

المفضلات

ضوابط المشاركة