بفتح غطاء الزيت عندى لقيت شكله عامل كده .. عربية a4
http://i1057.photobucket.com/albums/...9082012412.jpg
هل ده طبيعى !!
عرض للطباعة
بفتح غطاء الزيت عندى لقيت شكله عامل كده .. عربية a4
http://i1057.photobucket.com/albums/...9082012412.jpg
هل ده طبيعى !!
لا اكيد مش طبيعي
شكلها بدايه وش سليندر
العربيه عامله كام كم
ومياه التبريد اخبارها ايه
العربية عاملة 185.000 و مياه التبريد اليومين دول بقت تنقص كتير !!!!
العربية من 160.000 عملتلها جوان وش سلندر مرتين لحد دلوقتى !!!!
و الجوان الى فات كان عند 181.500 !!!!!!!!
شوف ياعزيزى انا حقلك على الحل السحرى انتا تشترى عبوة (بلوك سيل) ودى تلاقيها فى محطة التعاون او توتال او غيرهم وسعرها 35 جنيه تحطها فى قربةالمياه صباحا وادور العربية واليك الطريقة والشرح *
- تفتح الكبوت وتقول بسم الله
2- العربية لازم تكون باردة خالص، يعني تكون راكنها من بليل مثلا والتجربة في الصباح
3- تحضر جنبك شوية حاجات عشان متتلبخش زي جركن مياه أو اتنين، ومفك عشان تفك خرطوم الردياتير وتربط، وعلبة المادة،
(((( قبل ماتدور العربية)))
4- تيجي على قربة المياه بتاعت الردياتير تلاقي تحتها خرطوم تخين نازل منها متجه للردياتير تفكه خالص وتنزله لتحت لغاية ما تفضي المياه.
5- تركبه مرة تانية بإحكام
6- ترج علبة المادة رجا جيدا....
7- تفتحها وتفضي المادة كلها في قربة الردياتير وتدور العربية وخلال 3 ثواني تكون واقف جنب القربة وبتفض الجركن اللي معاك في القربة
8- هتلاقي طبعا المادة اتسحبت مع المياه للردياتير.. وإياك متفضيش الردياتير الأول لأنك لو معملتش كدة هتفض المادة في القربة ومش هتخش قي الردياتير ومش هتدور في الموتور ونعجن وتنشف وهتدوخك.
9- بعد إضافة المياه للمنسوب الطبيعي (( متملاش القربة على اآخر)) وده الطبيعي.
10- سيب الغطاء مفتوح والعربية دايرة على السلانسية لمدة 5-10 دقائق حسب حالة الجو مع متابعة مؤشر الحرارة لأن لازم العربية تسخن كويس والمادة عملة تدور مع دورة التبريد.
11- إغلق غطاء القربة جيدا بعد التأكد من منسوب المياه مظبوط وإن مفيش هواء في الدورة
12- بالنسبة لي مغيرتش ولا فضيت المياه اللي فيها المادة لغاية اللحظة دي، بس العبوة مكتوب عليها إنك تفضي المياه وتحط مياه جديدة، وبالنسبالي الموضوع مفيهوش مشاكل لأن الموضوع ده عملته قبل كدة في عربية إلانترا وسيبنا المياه برضه عادي.
13- إتحرك عادي بعربيتك مع ملاحظة الحرارة، وتاني يوم تكشف على مياه القربة وشوف المشاكل السابقة انتهت أم لا!!!
وربنا يوفقك وأنا تحت أمرك
الموضع حيغنيك عن تغيير جوان وش السلندر وتنساه تماما ....
انت بعد ما عملت الجوان رجعت ربط علي الوش بعد 500 كم
لو لا راجع الميكانيكي يربط عليه
وكشفت علي استواء سطح الوش لما غيرت الجوان اخر مره
لو لا جرب تربط علي الوش الاول لو مفيش نتيجه هتضطر تحل الوش وتوديه للخراط يكشف عليه
وبسيطه ان شاء الله
ياريت تجرب البلوك سيل الأول الموضوع مش مكلف مش حتخسر حاجه بس جرب........*