-
غلطة اللعب فى الوش مفيهاش معلشى
-
-
دى العمليه كانت جابت بعد اخرها يا باشا
-
عارف
هتقولوا ايه المجنون اللى حاطط صور من غير موضوع
اقولكم انا
صلوا على النبى
النهارده رحت الشغل بالعربية
و ركنتها
و الشغل جنب الميكانيكى
قلت لو مفتحشى
هاسيبها و الدنيا هناك امان عشان السفارة
و اتكلت على الله
باتصل بالميكانيكى
قللى فتحت
قلت يا فرج الله
رحت
ايه يا عم الحاج
هنفك
قاللى اه
بس هنشوف كام حاجة الأول
انا عارف ان فيها وش سلندر خلاص
و عامل حسابى على كده
يا كريم يارب
فك و طلعلى الطرمبة
و ياريت ما طلعها
الطرمبة دى بقالها سنة و شهرين
نوعها هيبو المانى
والله لما طلعت انا قلت العربية دى ماشية ازاى
قاللى هات طرمبة
نزلت عند سرور و امريكان و عادل حموده
المانى مفيش
كله صينى
هيبو صينى
جيبا مش جوبا بيقولوا المانى بس صينى
فيبى زى ما انتم عارفين
ماركة اسمها سى كى بس مش مريحه و برضوا تدى على صينى
يا ستار يارب
رحت لسرور
يا عم الحاج
قاللى بص فيه تركى و دى على الأقل عارفين اصلها و فصلها
شكلها مش وحش
و خامتها حلوه
اتكل على الله
و ادينى ترموستات كوعه
اللى عندى 82/97
و اللى فى السوق كله 92/105 مش هياكل معايا
ادانى ماركه اسمها ويهلر المانى و المفاجأة 82/97
يا كريم يارب
ادينى بقى خرطومها
و ادينا تيل فرامل
حسابنا كام
طلمبة ميه 150
كوعه المانى 100
خرطوم تركى بس كويس قوى 40
تيل ريمسا اصلى مش مضروب 120
الحساب 410
على خيرة الله
و للعلم
جوان وش سلندر اسبانى 60 جنيه بس تحفه
طقم كاوتش صباب 40 جنيه اسبانى او المانى مش فاكر
طلعت على الميكانيكى
ركب الطلمبة و ظبط التقسيمه و نضف التكسير مكان القديمه
و انا ركبت الكوعه الجديده
و خرطومها و افيازها
دور
الحمد لله
قاللى نجرب يومين على كده
ظبطت
خير وبركه
مش هنيجى ناحية الوش
و غيرت تيل الفرامل لأنه كما هو واضح ضايع خالص فى الصور
المصنعية --------- مبدفعشى للأسف بس اديت للى اشتغلى فيها وساب الورشة 20 جنيه
مواصلات و شاى و خرطوم 25 جنيه
اجمالى التكلفه 455 جنيه و مروح فى جيبى 5 جنيه
الحرارة احسن بس مش زى الأول برضوا
بس احسن بمراحل و الحمد لله
مفيش كبس فى الدايرة و قاللى احتمال الغطا عشان مفيش تسريب باين خالص
و ممكن ده برضوا اللى مخللى السخونية عالية شوية
عشان دايرتنا مقفوله
و جارى التجربة
و الله المستعان
-
اقتباس:
المشاركة الأصلية كتبت بواسطة amraction
طب الشرح امتى:tongue17:
وصل يا باشا
اقتباس:
المشاركة الأصلية كتبت بواسطة ahmed_fahmy
دى العمليه كانت جابت بعد اخرها يا باشا
تصدق بالله
الميكانيكى بيقولى بتوصل ل 100 بس
على فكرة غير العداد
-
معلش يا طنانى باشا.. كان الله ف عونك ...
المنتدى جميييييل.. كتبت الرد بتاع اكتر من مره .. يارب يوصل المرادى !!!!1
-
انا لسة جايبها , نوع المانى بس مش مشهور كان ب 150 و فى نوع ايطالى تانى ب 180 تقريبا .
انا لما طلعتها كانت بنفس الشكل دة ,,مصدية و دة بتهيئلى على شان انا بحط مية من الحنفية , لو بحط مية خصرا مكنتش صدت كدة
-
نفس الكلام بالنسبالى فى طرمبه الميا .. برضه طالعه بنفس المنظر وفيها حته مكسوره كمان متشعلقه فيها ... وبرضه بحط ميه حنفيه ..
بس انا جبت الهيبو الالمانى من المنصوره على 190
-
اقتباس:
المشاركة الأصلية كتبت بواسطة tananybasha
وصل يا باشا
تصدق بالله
الميكانيكى بيقولى بتوصل ل 100 بس
على فكرة غير العداد
بصراحه العداد الانالوج ده كفته يعنى انا عندى فى الفيكترا بتبقى ٩٢ ولمى بدخل على الدجيتال من الكبيوتر بتاع العربيه بلاقيها ١٠١ حتى عداد السرعه قرايتو مش دقيقه وبصراحه احنا عندنا مشكله رهيبه فى مصر كم قطع الغيار المضروبه ملوش حل
-
طب القياسات الغلط دى ضرر ع العربيه اكيد ... نعمل ايه !!
-
ماشاء الله
هى الاسعار اللى حضرتك كاتبها دى اسعار قطع غيار اوبل ؟؟؟؟؟؟؟؟
دا الفيات بتاعتى اغلى منها !!
امال ليه بيقولو الاوبل قطع غياره غالى ؟؟
-
اقتباس:
المشاركة الأصلية كتبت بواسطة misoalex
ماشاء الله
هى الاسعار اللى حضرتك كاتبها دى اسعار قطع غيار اوبل ؟؟؟؟؟؟؟؟
دا الفيات بتاعتى اغلى منها !!
امال ليه بيقولو الاوبل قطع غياره غالى ؟؟
والله الفاتورة موجوده
و مش كل اللى يتسمع يتصدق فى البلد دى
-
مين قال ان الاوبل حاجتها غاليه .. ف المتناول دايما يعنى !!! بس بلدنا الجميله بتاعت اشاعات مش حقايق
-
-ربنا يجعلها اخر الاحزان يا طناني
واضح ان طرمبه الميه هي السبب في اللي حصل مش بتقلب فعلت الحراره
يومين كده وارجع للميكانيكي يحرق علي مسامير وش السلندر
-في فرق 5 درجات علي الاقل بين قرايه عداد الحراره في التابلوه والحراره الفعليه للموتور والدليل ان رقم حراره الترموستات في السرعه الاولي مختلف عن حراره بدء تشغيل المروحه
-
انا مجتشى ناحية الوش اصلاً يا فادى
-
الحمد لله يا محمد ربك كريم
-
-
اقتباس:
المشاركة الأصلية كتبت بواسطة amraction
طب القياسات الغلط دى ضرر ع العربيه اكيد ... نعمل ايه !!
هو فى نسبه مسموح بيها والدوره المغلقه زى اللى فى الاوبل متصممه تعدى ال١٠٠ درجه عادى عشان كده مغلقه عشان متتبخرش لأنها بتكون عدت مرحلة الغليان
-
اقتباس:
المشاركة الأصلية كتبت بواسطة amraction
مين قال ان الاوبل حاجتها غاليه .. ف المتناول دايما يعنى !!! بس بلدنا الجميله بتاعت اشاعات مش حقايق
ده واقع اوبل ارخص قطع غيار عربيه المانى فى مصر زقارنه بالمثيل لنفس الموديل وحتى الجديد ارخص من اى عربيه يعنى الفيكترا والاسترا الجداد جميع قطع خيارهم ارخص من الايلانترا الجديده مثلاً والمازدا ٣ بس هى اشاعات هى دى مصر
-
-
يا جماعه فعلا انا كنت ناوى اشترى فكترا تسعينات
وحزرونى منها ومن قطع غيارها والصنايعيه وخلافه
واشتريت سيينا بس لو قطع الغيار زى ما استاز طنانى كاتب كده( مش مكذبه بس مستغرب ) دى ارخص من الفيات بتاعتى
-
الف مبروك يا طنانى باشا الحمد لله انه كانت بعيدة عن وش السلندر
-
-
اقتباس:
المشاركة الأصلية كتبت بواسطة misoalex
يا جماعه فعلا انا كنت ناوى اشترى فكترا تسعينات
وحزرونى منها ومن قطع غيارها والصنايعيه وخلافه
واشتريت سيينا بس لو قطع الغيار زى ما استاز طنانى كاتب كده( مش مكذبه بس مستغرب ) دى ارخص من الفيات بتاعتى
اخي الفاضل
لتجعل هذه قاعده في احياتك لا تستمع للأشاعات يعنى اى عربيه تفكر تشتريها او يعجب شكلها تنزل بنفسك على بتوع قطع الغيار وتسأل على فوانيس وسيور وخلافه من قطع وللأسف حضرتك اشتريت سينا ودى قطع غيارها من اغلى قطع الغيار فى الفئه دى وحتى مش كل الناس بتشتغل فيها وابل بتندرج تحت مظلة جى ام وده من اكبر مصانع السيارات فى العالم يعنى مثلاً فى قطع غيار مشتركه بين فيكترا a and b and c وده تسبب فى رخص قطع الغيار فى الوديلات الجديده لو اشتريت فيكتر b ١٩٩٧ مثلاً هتعرف ان السينا ملهاش علاقه بيها ودى انا بعتبرها افضل عربيه اتعملت من اوبل لو فكرت تغير من السينا لأوبل هتعرف الفرق
-
اقتباس:
المشاركة الأصلية كتبت بواسطة ahmed_fahmy
اخي الفاضل
لتجعل هذه قاعده في احياتك لا تستمع للأشاعات يعنى اى عربيه تفكر تشتريها او يعجب شكلها تنزل بنفسك على بتوع قطع الغيار وتسأل على فوانيس وسيور وخلافه من قطع وللأسف حضرتك اشتريت سينا ودى قطع غيارها من اغلى قطع الغيار فى الفئه دى وحتى مش كل الناس بتشتغل فيها وابل بتندرج تحت مظلة جى ام وده من اكبر مصانع السيارات فى العالم يعنى مثلاً فى قطع غيار مشتركه بين فيكترا a and b and c وده تسبب فى رخص قطع الغيار فى الوديلات الجديده لو اشتريت فيكتر b ١٩٩٧ مثلاً هتعرف ان السينا ملهاش علاقه بيها ودى انا بعتبرها افضل عربيه اتعملت من اوبل لو فكرت تغير من السينا لأوبل هتعرف الفرق
مهو المشكله انى دخلت هنا على قسم الاوبل وعملت بحث ولقيت ان فيه ناس عربيتها مغلباها والصنايعيه مش فاهمين فيها اوى ده غير انى لقيت اسعار حبه حجات غاليه ففكرت ان كل قطع غيارها كده
يعنى شوفت حد هنا بيقول انه جاب تيل الفرامل الاصلى ب 350 جنيه فطبعا اتخضيت بس للاسف معرف الفرق بين ال a ,b. c فعشان كده فكرى ان كل الفكترا قطع غيارها واحد واسعار غاليه
لكن السيينا قولت اهى من عيله الفيات ومننا وعلينا لكن اتضح ان الفيات الحديث حاجه تانيه خاااااالص تقريبا زيها زى الالمانى فى الصيانه وقطع الغيار فيه اقل وفيه اغلى من الالمانى كمان
-
انا ان شاء الله نازل قريب نص البلد اجيب قطع غيار للعربية عندى
هاحاول اعمل لسته بالجديد
-
انا ان شاء الله نازل قريب نص البلد اجيب قطع غيار للعربية عندى
هاحاول اعمل لسته بالجديد
-
مبروك يا كبير وربنا يجعلها اخر الاحزان
-
مفيش من طلمبة المياه دي استيراد .. تكون ألماني أصلي؟
-
الحمد لله و ربنا يكفيك شرها
-
بالتجربة النهارده
وجد الأتى
سخونه مع الجرى
و بقاليق فى القربة
كده هاغير جوان وش السلندر
بس كام يوم كده افوق
-
ربنا معاك يا محمد بس لازم هتعمل شغل في الوش ,الجوان مجرد عازل
املاه وففرزه وبلاش تحط جوانين علشان الموتور مايسقفش بعد كده
-
عديت على الميكانيكى قاللى تعالى بكرة و ربنا يسهل
-
معلش اتئل عليكم شوية ممكن رأيكم فى اللى عملتة بخصوص طلمبة الميا انا ماغيرتهاش جبت واحدة معمولها شغل خراطة والميكانيكى قاللى ماتقلقش منها أضمنها لك سنتين على الأقل
والسخونة الحمد للة اتظبتط معايا
-
استاذ محمود
ممكن اسألك ليه
على اساس انه هيعرف يظبط زوايا تقليب المية بالمخرطه
انا مش مع حضرتك
و شايف ان ده شغل عك
-
امسح الوش يا طنانى بلاش قصة جوانين دى هيضربو تانى فى الصيف
-
يا عم انت لسه فاكر
طلع تربيط الشجرة و كام خرطوم بعافيه شوية
و غيرتهم
اه النقص موجود
بس بنسبه لا تتعدى 1/4 لتر اسبوعى
-
اقتباس:
المشاركة الأصلية كتبت بواسطة tananybasha
استاذ محمود
ممكن اسألك ليه
على اساس انه هيعرف يظبط زوايا تقليب المية بالمخرطه
انا مش مع حضرتك
و شايف ان ده شغل عك
شكرا لردك وربنا يستر لحد لما
أفك كاتينه وأغيرها
-
ع البركه يا باشا, ربنا يعوض عليك
-
بص يا باشا ضروري تفرغ المية اللي فيها و تحط مية من بتاعة التكييف علشان دي مية ما فهاش املاح و مش هتعمل صداء