النصيحة please

**amruso** · 29-06-2008 04:12 AM

ياجماعة انا محتار بين اليارس و الصني
عاجبني في الياريس ال 1300,abs,ebd,التقفيل
ومش عاجبني الثبات (على كلام الاعضاء)
اما الصني طبعا الثبات
ومش عاجبني التقفيل برضو على كلام الاعضاء و مفيش abs.ebd
اعمل ايه
وهل تفرق قوي ex-salon or super salon

**Eng.Mohamed Amen** · 29-06-2008 05:27 AM

أخى الفاضل الثبات أهم حاجه فى العربيه ومن غيره هتلاقى العربيه بتعوم وإنت ماشى

يبقى ملوش لازمه التقفيل والشكل الأهم الثبات بعد كده التقفيل .

الصنى طبعا هيه حلوه لاكن تقفلها فعلا ردئ ولاكن يوجد بها ثبات أنا عندى فكره

يا إما تسلم أمرك لله وتشترى صنى وماتشغلش بالك من ناحيه التقفيل أو تشوف

بنفس المبلغ حاجه أحسن من ناحيه

الثبات والتقفيل والماركه والسعر وإستهلاك البنزين .والرأى يرجع ليك .

**Ramy.Gamal** · 29-06-2008 05:31 AM

انا شايف ان الياريس فى المجمل العام احسن فى انها تقفيل يابانى وامانها اعلى (2airbags,abs ) واستهلاكها فى البنزين اقل بكتير

**hazem_khidr** · 29-06-2008 05:51 AM

بص يا سيدي الفاضل
حضرتك بنيت ارائك علي كلام زملاء افاضل ما جربوش العربيه
اللي يقولك مش ثابته لانها صغير
و اللي يقيسهالك بمقياس غريب و يقولك اصل وزنها مش عارف كام كيلو و دي بالمنظر دا عمرها ما تكون ثابته.
بص انا معايا الياريس و بقالها 6 شهور و مفيش عندي شكوي كبيره منها
بالنسبه للثبات وصلت بيها ل 170 و علي طريق زراعي و حارتين و مكنتش خايف من حاجه
حيجي واحد يقولك اصل انت ما اخدتش غرز علشان تختبر ثباتها !!
طب بالله عليك غرزه ايه ولا زفت ايه اللي اعملها علي سرعه زي دي
دا لو بي ام الفئه التالته حتي ما اعملهاش .
خلاصه القول
الياريس عربيه شبابيه و عمليه جدا و استهلاك بنزينها حكايه و شكلها شيك و مش حيقدم دلوقتي
و انا بقولها و علي مسئوليتي ثباتها كويس بالنسبه للفئه بتاعها
يا راجل دا والدي كان راكب معايا و ماشي 140 و هو مش حاسس بحاجه و ما اخدش باله انا سرعتي كام الا بالصدفه.
الصني كويسه بس موديل خلاص انتهي و ما عدش بينزل بره من 2006 و استهلاك بنزينها اعلي من الياريس بكتير و قطع غيار اغلي.
لو مش محتاج حجم كبير هات الياريس و كمان الياريس مش حتحسسك ان حجمها صغير اطلاقا.
استخير ربنا و توكل علي الله و هات الياريس

**Eng.Mohamed Amen** · 30-06-2008 04:36 AM

أخى الفاضل أستاذ /حازم

بصراحه إنت كده جبت خلاصه الموضوع ونهيته وقصرت المسافه على الأستاذ عمر

لأنك وضحتله كل حاجه فى العربيه وبصراحه كده على راى المثل إسئل مجرب ولا تسئل

طبيب وبتفق معاك فى الرأى هيه عربيه ممتازه فعلا وفخمه وبرستيج عالى .بس معرفش

الأوبشن بتاعها إيه نظامه عموما يا أستاذ عمر إتوكل على الله وإشتريها وسيبك من كلام

الناس وإتمسك برأى الإخ الفاضل أستاذ حازم .وشكرا

**hazem_khidr** · 30-06-2008 04:53 AM

شكرا ليك اخي نوكيا علي كلامك الجميل
بالنسبه للكماليات
كل الموديلات فيها مرايات كهرباء و 2 اير باج و باور كهرباء و تكييف و امكانيه تحريك عجله القياده لاعلي و اسفل .
كده ماشي؟؟
الاتوماتيك سواء الهاف او الفول اوبشن يها abs+ebd اساسي و ايموبلايزر.
الفول اوبشن بقي بيزيد عن الهاف اوبشن سواء في المانيوال او الاتوماتيك ما يلي:
سنتر. زجاج كهرباء.و مسند وسطي خلفي و الكنبه الخلفيه قابله للانطواء و الكرسي الامامي للسائق قابل للرفع و الخفض.
الفول اوبشن اتوماتيك بس بتزيد عن دا كله السبويلر الخلفي
الاسعار بقي
هاف اوبشن مانيوال 88 الف
فول اوبشن مانيوال 94 الف
هاف اوبشن اتوماتيك 96 الف
فول اوبشن اتوماتيك 102 الف