الموضوع: لخبراء الرينو : محتاج مساعده ف موتور 1400

السلام عليكم و رحمه الله و بركاته

كل سنه و انتوا طيبين جميعا

من الاخر انا مش بفهم اوى ف العربيات بس الحاجات الاساسيه اعرفها بس الاعطال مليش فيها العربيه رينو 9 موديل 1985عطلت منى ع الطريق الزراعى و ف الاخر عرفت ان العربيه مفهاش و لا نقطه زيت و ناس قالولى المكنه كانت خفيفه و اكلت زيت بسرعه

دلوقتى ف حلين و انا محتار فيهم بصراحه الميكانيكى قالى حنودى الموتور للخراط و ممكن ياخد 400 جنيه مصنعيه و كمان انا حجيب حاجات للموتور بساتم و حاجات تانيه مش فاكرها و الموضوع حيعدى ال 1000 جنيه ده غير المصنعيه و حتاخد اسبوع لانها حتدخل ف عمره موتور

و الحل التانى بدل ما اوديها للخراط اجيب موتور جاهز و يكون فاضى بس المشكله ان اسعار محلات قطع غيار الرينو غالى جدا و بعدين قالى لو انت حتصرف ع الموتور القديم ما تجيب واحد مستعمل احسن

دلوقتى انا محتاج مساعدتكم رايكو ايه اعمل عمره ف الموتور و لا اشترى واحد مستعمل

و ياريت لو حد يعرف ناس بتبيع قطع غيار و اسعارهم كويسه و ياريت ارقامهم لانى بجد مش عارف اعمل ايه و الاسعار مثلا حتكون ف حدود كام

و اسف ع الاطاله و شكرا

سعادة الباشا موتور الريتو 9 هايروح يغمل ايه غند الخراط اولا موتور الرينو 9 على شميز متحرك بمعنى انك بتغير الشمايز و البساتم مع بعض وبعدها بتخرط الكرنك والموضوع ده عند الخراط مش مكلف بس العمرة هاتتكلف كتيير نصحتى ليكى انك تنزل عزبة شلبى تدور على موتور الرينو وعلى فكرة كتيير قوى وسعره من 2 الى 3 الالاف جنيه ومن بق البياع هايقول 3 وانت وشطارتك والماتور بالفتيس لو مش لاقى فى عزبة شلبى عندك فى الوكالة والماتور سعره قليل جدا متدفعش فيه اكتر من 2 بالكتيير قوى 2 وتص والباشا الميكانيكى يجى معاك علشان يشوف الماتور ويارب يامسهل وتغيير الماتور طبعا احسن