كلام غير منطقى من العامل طبعا اللى بيتهرب لغزة بتاع سينا بس حتى اهل سينا حسوا ان مبقش فى اى زحمة نهائى على البنزين واسعار السلع المعمارية نزلت كتير بنسبة لباقى مصر حاجتين سرقة وبرضه السرقة :d
عرض للطباعة
كلام غير منطقى من العامل طبعا اللى بيتهرب لغزة بتاع سينا بس حتى اهل سينا حسوا ان مبقش فى اى زحمة نهائى على البنزين واسعار السلع المعمارية نزلت كتير بنسبة لباقى مصر حاجتين سرقة وبرضه السرقة :d
مش فهم قصد حضرتك...يعني إنت عايز تقول إن احنا ما بنستوردش بنزين وسولار وكمان غاز بوتاجاز؟؟؟والمفروض يبقى في إحتياطي ومخزون يكفي البلد لفترة طويلة أو لحد ما تجي شحنة جديدة...
بس إيه علاقة إن هما عارفين معدل استهلاكنا وامتى بيخلص بحقيقة إن احنا بنستورد أو ما بنستوردش؟؟؟
من اكتر الحاجات الى بتستهلك البنزين المعدات الثقيله والالات الزراعيه الاتنين دول بيستهلكو السولار بشراهه
طبعا المعدات الثقيله بتظهر بشكل كبير فى المشاريع الكبيره " ودي اغلبها متوقف حاليا "
والالات الزراعيه بتستخدم بشكل مكثف فى مواسم معينه فى السنه متعلقه بالزراعه " واليومين دول مش موسمهم "
الحاجتين دول هما الى ببعملو ازمة كل فتره واصحابهم الى بيدخلو البنزينه يعبو جركن سولار وبنزين
وطالما الاتنين دول مش شغالين بكثافه يبقى مفيش معنى لازمات البنزين او السولار
الا لو اتكلمنا عن السفن الخاصه الى بتتملى بالنزين والسولار وتروح لتجار فى بعض دول جنوب اوروبا الى بيتباع فيها الليتر الواحد بأكتر من دولار " طبعا الموضوع ده بيكسب ملايين الدولارات وليه مافيا خاصه بيه "
الكلام ده جد مش هزار.... أيوة يافندم متصدقش قصة استيراد البنزين دي، ولو حصل استيراد بيكون شيء ثانوي مش اعتيادي مش متكرر، وطبعا أنا مش بفتي وخلاص لأني في مجال البترول يعني مش محامي ولا دكتور وبيقول الكلام ده ولا مصدري جريدة من الجرايد أم 2 جنيه، اتهريت صحرا ومواقع وبقول لحضرتك كدة. إحنا مش دولة بترولية ولكن عندنا انتاج ومصافي وبيغطي... واحنا مش عضو في الأوبك بس محناش مش لاقيين بترول وبنشحت، وبالنسبة للغاز إحنا مصنف عالمي في انتاج الغاز الطبيعي بعد قطر والبحرين والجزائر وروسيا، وعندنا صناعات قائمة على انتاج الغاز ولو بلد مفيهاش غاز متعملش مصنع ألمنيوم زي نجع حماد عشان الألمنيوم بيحتاج غاز كتير زي مصنع ألبا في البحرين ثاني أكبر مصنع في العالم بعد سيبيريا في روسيا رغم إن الخام بتاع البوكسيت في استراليا.... وكمان اكيد حضرتك عارف إننا شطار وبنبيع غاز لإسرائيل والأردن يعيني عندنا وبنصدر كمان!!! وكما بيتصدر متكثفات (منتجات غاز طبيعي) لفرنسا وأسبانيا وإيطاليا زي الزر من ميناء الاسالة في غرب بورسعيد بواسطة LNG,LPG tanker يعني ناقلات الغاز اللي داخلة خارجة علينا..... أكمل كمان؟؟؟؟
وأقسم بالله إننا يافندم عندنا المقومات اللي تخلينا ننقب ونستخرج وننتج ونصفي ونصدر ونعمل مصانع مهولة تكرر وتصنع من الغاز ده كل أنواع الغاز الصناعية والطاقة ونصنع المتكثفات والبتروكيماويات، ونحولها ونعمل منتج تام كمان وتكون لينا الريادة ومحدش يقعد في بيته بسبب الغاز الطبيعي، وتبقى عندنا مصانع البوليمرات بداية من البولي بروبلين والإيثيلين والبولي كاربونات والفينيل كلورايد وغيرهم 500 منتج مش هقول زي ألمانيا وفرنسا لأ زي قطر والسعودية والإمارات اللي بقينا نستورد منهم المنتجات دي وبأعلى المواصفات والأسعار، وبتصنيع المشتقات دي يكون عندك بوابة ضخمة لصناعات تانية كتير بداية من الكيماويات والدهانات والراتنجات والألكترونيات والنسيج اللي اتضرب من زمان وغيره كتييييييييييير....
تاني حاجة بخصوص امتى يخلص والاستهلاكات، أنا قصدي إن الجهات المسؤولة والمتخصصة بتبقى عارفة معدلات الاستهلاك وكميات الانتاج وكميات المخزون وكميات الاحتياطي، وبيتم الربط بين النسب دي، الموضوع ده بيكون شبه يومي له تقارير واحصائيات، ولا كلامي مش منطقي؟؟؟؟
ده الاحصائيات والتقارير بتطلع بالتفصيل الممل على البلح في رمضان والتليفونات الصيني وشرايط شعبان عبد الرحيم، ويقولولنا باع كام نسخة والفئة العمرية اللي بتسمعله والأغنية اللي خلت البنات تعيط ودياولووووو... صح؟؟؟؟
كل المحروقات يتم انتاجها بالكامل في مصر وبواسطة شركات التكرير داخل مصر والقليل يتم استيراده وبشكل غير دوري وإنما يتم في بعض الأحيان بصفة ثانوية أو استثنائية، حتى وقود الطائرات Jet fuel أو ما يسمى hydrant يتم انتاجه بواسطة شركات وطنية. وحتى زيوت المحركات (زيت الموتور) ونواقل الحركة (زيت الفيتيس) والهيدروليك وغيرها يتم انتاجها في مصر حتى زيوت شركات ....l, mobil, وغيرها انتاج وتعبئة مصرية رغم إن الإضافات oil additivesو بعض الكيماويات التي تضاف للزيت لتحسين الجودة أو إكسابه بعض الخواص والمميزات الخاصة فإنها تستورد بمعرفة الشركة، يعني ببساطة زيت موبيل وزيت شل وتوتال وفوكس وغيره نفس زيت التعاون ومصر للبترول من نفس شركات التكرير والمصافي المصرية بس كل شركة بتطلب من معمل التكرير مواصفة معينة وتقوم بإضافة مواد خاصة بيها وتعبيها بمعرفتها وبرضه كل ده داخل وطننا الحبيب. إلا إنه القليل من شركات انتاج الزيوت والإضافات زي liqui moly, valvoline مثلا فهي مستوردة بالكامل من الخارج ولا يتم التصنيع ولا التعبئة هنا.
إيه دخل نقص البنزين والسولار بالغاز الطبيعي أنت ليه بتخلط المواضيع ببعضها...وبعدين غاز الانابيب( Butane ) مش هو إلغاز الطبيعي واحنا بنستورد غاز الانابيب (إلغاز بينزل في السويس و في خط واصل لحد القطاميه عشان فيه هناك مجمع لتعبئة أنابيب إلغاز)....أنا معاك في إن لازم يبقى في معرفة بمعدل الإستهلاك من قبل الجهات الحكومية (و أنا ماقلتش عكس كدة)...بس أنا باكدلك إن احنا بنستورد الحاجات دي ...المصافي إلي عندنا مش مغطية استهلاكنا...و إلحكومة من مصلحتها تعمم وصول إلغاز الطبيعي للمنازل بدل إستيراد غاز الانابيب...دور بس إنت على النت وفي كذا شخصية شغالة برضو في مجال البترول بتتكلم عن الموضوع ده
مصر تستورد 33 ألف طن بنزين كدفعة أولي لسد احتياجات الصيف
وده لنك كمان
فيديو عرب اون لاين: هانى ضاحى لـ "اليوم السابع": رفضت منصب وزير البترول وأتولى حاليا مسئولية أخطر.. ولا توجد أزمة فى السولار والمهربون سبب ر