الموضوع: رأيى فى إسبيرانزا a113 بعد طول بحث

عندما نزلت العربيات الكورى مصر حصل نفس الجدل ده وكان الناس واثقة فى الفيات واليابانى , بعد 5 سنوات ان عشنا سوف يشترى اولادنا الصينى بامان وثقة .... الحوار مطلوب وما خاب من استشار .......... شكرا

انا شوفت هنا واحد كاتب دول الصينيين مش بيعرفو يعملو اى حاجة رأيك ايه بعد اولمبياد بكين

صينى طيب وهوا اية مبقاش صينى بعدين هيا مش كل حاجة بتاخد وقتها كمان
دا بيبقى على حسب استخدامك للحاجة استخدمتها كويس بتعيش معاك استخدمتها وحش مش هتكمل معاك حتى لو معاك اسبوع :)

عندك حق يا malinoاومال الى كان فاولمبياد دا كان اية ولا صناعتهم الى بقت فكل حاجة وفكل حتة دا اسمو اية؟ ;)

انتو عارفين ان الصين عربياتها تكاد تقارب الكورى فى كل شئ .....انا هنا بتكلم عن العربيات المتصنعة فى الصين بأيدى صينية ...
انما لما نيجى هنا بلد الحضارة والتاريخ والعربية تيجى تتقفل هنا فى مصر بيطلع فيها 1000 عيب المشكلة يا جماعة ان احنا مغيرين فكرة الصينى ده بطريقة غريبة المشكلة فينا مش فى الصين...
المعيد بتاعى فى المعهد بكلمه على لاب توب يكون كويس قالى ابعد عن اى حاجة فى مصر لان مصر هنا بتنزل الحاجة فرز تالت يعنى زبالة المصانع قالى لو ليك حد فى السعودية خليه يجبلك صينى من السعودية لان الصينى اللى فى السعودية زيه زى اليابانى لافرق لانه فرز اول....
فاياريت يا شباب نغير فكرة الصينى دى ويا ريت احنا نبقى 1/10 منهم او من تفكيرهم فقط
اخوكم يوسف

السلام عليكم

أنا قرأت كل حاجة عن الاسبرانزا a113 في هذا المنتدى وفي منتدى اسبرانزا club وبصراحة العربية ممتازة شكلاً وموضوعاً.
وطبعاً قريت الشكاوي منها وبدأت أوقف سائقين ليها وأسألهم بنفسي رجال وسيدات الكل بيشكر فيها

متهيألي العربية دي مظلومة شوية ... بس انتشارها الكبير أكبر دليل على إنها ممتازة
والله المستعان

استاذ HusseinRamdan
هو الرود ده بتاعك
بصراحة تحفة و زى القمر :k10:
لو كان بتاعك ربنا يباركلك فيه و يا رب يكون للحراسة عشان ما يبقاش تربيته حرام
يا ما نفسى يبقى عندى فيللا عشان اقدر اجيب كلب و يبقى للحراسة و ما يبقاش حرام

و اسف مليون مرة لصاحب الموضوع لخروجى عن الموضوع الاساسى بس ما قدرتش اتمالك نفسى من جمال الرودفيلر اللى فى الصورة

المشاركة الأصلية كتبت بواسطة mero5005

برضوا صينى صينى صينى صينى
هقولك حاجه انا دكتور جبت فى الاول جهاز ضغط صينى فى سنه اولى ب75 جنيه والله ما افتكرله العافيه مقاسش الضغط غير 3 او 4 مرات صح وباظت البمب بتاعته وبعد ما جبتله واحده جديده برضوا مش بيقيس صح؟؟؟؟؟؟؟؟؟؟
ههههههههههه ضحيت وجبت الالمانى ب 850 جنيه (شوفت فرق السعر؟؟؟؟؟؟؟)
عرفت بقى يعنى ايه صينى؟؟؟؟؟؟؟؟؟
ونفس الكلام فى السماعات اى كلام
الصينين بكل بساطه بيعرفوا يدحكوا على الناس بقا هما هيصنعولكوا عربيه فيها كل ده ب 54 الف ليييييييييييييييييييييييي ييييه؟؟؟ بيريلوا؟؟؟
ارجو من الناس تفكر كويس احنا مش زباله علشان الصينيين يجربوا انتاجهم فينا لحد ما يوصلوا للعالميه على قفانا
اى واحد لو فكر معاه 70الف وعايز يجيب اسبرانزا 516 دى
ممكن بتمنهم يجيب لانسر مستعمله .. كورولا.. جولف مو2000 او اوبل مو2000
او كورى استعمال سنه او 2 بالكتير
ارجوكم لا تنبهروا بالامكانيات اللى بيحطوهالكو فى العربيات دول مبيعرفوش يعملو حاجه عدله