لو سمحت انا اول مرة اشتريلى عربية وعجبتنى اوى الفورد فوكس هاتش باك كان فى واحد فى النت عرضها وانا خايف من سعرها هى تستاهل ولا لا ياريت حد يشوف ودى المواصفات حالة ممتازة - اتوماتيك - 4 زجاج كهرباء - فوج لايت - فرش جلد - جنوط - كاوتش جديد - ازرق سماوى - هاتش باك - فابريكة من الداخل و الخارج - جميع الصيانات بالتوكيل وماشية 168.000 ك طالب فيها 68000
السؤال
السعر كويس ؟
بص يا باشا لو تخلص على 63000-60000 تبقى كويسه لو حالتها فعلا فبريكه بره و جوه و الى مخلينى اقولك السعر ده لان الكيلومتر بتاعها عالى شويه لو هى موديلها 2006 و بردو الحاله تفصل
ازاى اعرف اكشف علية ؟
تاخد معاك سمكرى و يشوفلك العربيه بسرعه لو هى فبريكه كلها زى ما بيقول تاخد ميعاد فى توكيل فورد سواء العبور او 6 اكتوبر و بلاش بره لان عن تجربه كشف حاله التوكيل يفرق كتير عن اى محطه بنزين و اتاكد ان التكييف شغال تمام و الفتيس ميكونش فيه مشاكل و صوت العربيه كويس و لما تسوقها تحس انها بتنقل صح بدون اى مشاكل او اى اصوات او رجه
هل يوجد بالفوكس هاتش باك مشاكل ولا اية ؟
بص موديل ال mkII مفهوش اى مشاكل و خصوصا ان انا كان معايا الموديلين بتعوها فلا مفيش مشاكل مشهوره فى الموديل ده يعنى مش هاقولك مثلا خد بالك من حاجه معينه المهم حاله العربيه كلها
علما بانى لا افقة شىء فى العربيات غير انى هيا بتمشى بس
ياريت حد ينصحنى هل سعر العربية مناسب ولا اية علشان مش عايز يضحك عليا ؟ ودى اول مرة اشتريلى عربية فى حياتى و نصحونى
انا رديت عليك فوق لو العربيه 2006 و متوسط السنه 15000 كيلو يبقى مثلا العربيه تبقى عامله 100 الف
مثلا انما 170 الف كتير شويه بس بردو الحاله تفصل ممكن تكون احسن من واحده عامله 20 الف حسب الاستعمال طبعا
شكرا مستنى الردود
المفضلات