خلى حمدي يبص لك على طلمبة المياه. لو بايظة تعمل كده برضه.
عرض للطباعة
خلى حمدي يبص لك على طلمبة المياه. لو بايظة تعمل كده برضه.
الاول تتاكد من موضوع الثرموستات
ثانيا تتاكد ان الموتور مجبش وش سلندر
ثالثا تغير طرمبة المياه
رابعا لو غيرت ريدياتير هات الالومنيا و بلاش النحاس و متجبش الاصلى من التوكيل
طيب اجيب منين ؟ و يعمل فى حدود كام ؟؟
و هو الالمونيوم افضل من النحاس ؟ و فيه منه مقاسات ؟ اجيب مقاس ايه ؟ و اجيب برضه واحد ماسورة عريض زى اللى فيها و لا فيه 3 ماسورة برضه ؟
الحمد لله وش السلندر سليم لانهم قالوا ما دام العربية فيها 150كم و 160كم يبقى الموتور سليم (صح كده و لا ايه ؟) و الموتور لسة جديد و متسقط فى العربية شهر 4 اللى فات
طرمبة المياه الجديدة منين و بكام ؟ لانى مش عاوز اروح للاستيراد ما دام القطعة فيه منها جديد
و كمان الشكمان ممكن يكون السبب ؟ عندى ترزيع فى الشكمان ع الاول فى اول الطلعة و ع الخامس لو قرصت ع العربية باحس برجة ناحية الفرن و من نص العربية ؟ هو ده ممكن يكون سبب السخونة ع السرعات العالية ؟؟
ادينى ماشى وراها واحدة واحدة لحد ما اشوف اخرها ايه
هى بصراحة العربية ممتازة بس موضوع السخونة الجديد ده محيرنى شوية و انا باسافر كتير و مش معقول اقضيها سفر على 90 و لا ايه ؟