بنزين بينقط من العربيه كتير جدااا

**AboELsoud** · 26-08-2012 08:53 PM

السلام عليكم و رحمه الله

الحكايه بكل بساطه انه من 10 ايام كنت ماشي في طريق و خدت كام كحته من تحت العربيه شداد بس العربيه كانت بتمشي و ما فيش فيها اي حاجه
سافرت اسبوع و لسه راجع

جيت ادورها قعدت 3 دقايق بسخنها ........... شميت ريحه بنزين .......... قمت راجع بالعربيه عشان اطلع من الجراج ............. ولعت النور ببص على مكان ما كنت راكن لاقيت بنزين كتيــــــــــــــــــــــ ـــــــر قمت نازل جري اشمه اتأكدت انه بنزين ................ ببص على تحت المحرك لاقيت ماسوره بنزين مفتوحه قمت مرجع العربيه مكانها بسرعه و طافي .................. ببص لقيت البنزين وقف و مبقاش بينقط

ركنتها في مكان تاني بسرعه بعيد عن البنزين اللي على الارض الكتير و بعيد عن الناس

يا ترى ايه اللي حصل ؟؟؟
هل مثلا الماسوره اللي جايه من التانك للمحرك اتخرمت ؟؟؟؟ او فيه حاجه مفكوكه ؟؟
افيدوني افادكم الله

(للعلم ) الموضوع موجود برضه في قسم الورشه

**dragking** · 26-08-2012 09:28 PM

روح للميكانيكي بتاعك وشوف هايقلك ايه بالظبط واعمله

**buddha** · 26-08-2012 10:02 PM

مفيش حاجة ان شاء الله
هو صعب المواسير تتخبط اصلا عشان ليها بياتة

سنة الكونتاكت بتشغل الطرمبة فــ طبعا لو فى خرطوم مقطوع او ماسورة اتكسرت هتخر جامد

هات الكوريك وارفع العربية من قدام الناحية الشمال وانزل تحت العربية وبص على خط البنزين القادم من التنك وحددة كويس
وبعدين اطلع ودور العربية وانزل تحتيها تانى عشان تشوف فين الكسر او فين مكان التنقيط

**elsharief** · 26-08-2012 10:08 PM

هل مثلا الماسوره اللي جايه من التانك للمحرك اتخرمت ؟؟؟؟

ده فعلا اللى ممكن يكون حصل
حصلت مع واحد صاحبي قبل كده معاه شيروكى القديمة بس كان عنده خرطوم من كتر الاحتكاك اتخرم

**aboomar22** · 26-08-2012 11:11 PM

قطع فى خرطوم البنزين بعد الطرمبة طالما لما بتدور بينزل بنزين ولما بتبطل بيوقف يبقى بعد الطلمبة لانه لو قبلها هينقط فى الحالتين

**AboELsoud** · 27-08-2012 01:45 AM

انا متشكر ليكو جداااا يا جماعه
بكره ان شاء الله هاروح للميانيكي ( او اجيبه )
و اعرف ايه المشكله و اقولكم عليها و ان شاء الله تطلع بسيطه

**mrgamal** · 27-08-2012 11:19 AM

متقلقش قوى ان شاء الله خير حتى لو الماسورة او خرطوم البنزين اتخرم الطقم كامل مواسير بى الخراطيم من المحرك للتنك بى 280 فى التوكيل

**fineart607** · 27-08-2012 11:42 AM

انا عامل موضوع لتسريب البنزين من الفيرنا

المهم انت الموضوع بتاعك مختلف عن الى عندى لانه من الماسورة النحاس
بس الأستفاده واحده
لان التوصيله كامله من التانك الى الماتور شامله اجزاء الرابر والنحاس بيصنعها مصنع اسمه القاضى اول شارع جسر السويس هتلاقى شارع اسمه المصانع مشهور جدا اخرة مصنع القاضى بيعمل الوصلة دى الصليه لغبور افندى
انا اشتريتها ب180 جنيه هتلاقيها فى التوكيل اغلى بكتير وكمان هياخذو مصنعيات كتير ولو فى ميكانيكى فك لك الوصله كاملة الناس هناك ممكن تصلح لك الوصله القديمة وبسعر اقل من الجديده

متابع معك ان شاء الله وباذن الله خير

**AboELsoud** · 28-08-2012 01:46 PM

انا رحت النهارده للميكانيكي و جه شافها

قاللي انه الماسوره كلها اللي جايه من التانك للمحرك عايزه تتغير

و قاللي انه ده عيب مشهور في الفيرنا انه الماسوره بعد فتره بتتشقق من سخونه المحرك و بتتغير كل 30 الف كيلو !!!!!

قلتله اجيبها منين قاللي انزل شارع دمشق هتلاقيها بـ200 جنيه و تجيبها عندي تسيبها اليوم كله

ايه رأيكم في الكلام ده ؟؟؟

**fineart607** · 29-08-2012 04:06 PM

المشاركة الأصلية كتبت بواسطة aboelsoud

انا رحت النهارده للميكانيكي و جه شافها

قاللي انه الماسوره كلها اللي جايه من التانك للمحرك عايزه تتغير

و قاللي انه ده عيب مشهور في الفيرنا انه الماسوره بعد فتره بتتشقق من سخونه المحرك و بتتغير كل 30 الف كيلو !!!!!

قلتله اجيبها منين قاللي انزل شارع دمشق هتلاقيها بـ200 جنيه و تجيبها عندي تسيبها اليوم كله

ايه رأيكم في الكلام ده ؟؟؟

انا عامل موضوع لتسريب البنزين من الفيرنا

المهم انت الموضوع بتاعك مختلف عن الى عندى لانه من الماسورة النحاس
بس الأستفاده واحده
لان التوصيله كامله من التانك الى الماتور شامله اجزاء الرابر والنحاس بيصنعها مصنع اسمه القاضى اول شارع جسر السويس هتلاقى شارع اسمه المصانع مشهور جدا اخرة مصنع القاضى بيعمل الوصلة دى الصليه لغبور افندى
انا اشتريتها ب180 جنيه هتلاقيها فى التوكيل اغلى بكتير وكمان هياخذو مصنعيات كتير ولو فى ميكانيكى فك لك الوصله كاملة الناس هناك ممكن تصلح لك الوصله القديمة وبسعر اقل من الجديده

متابع معك ان شاء الله وباذن الله خير

الموضوع: بنزين بينقط من العربيه كتير جدااا

LinkBack

أدوات الموضوع

عرض

بنزين بينقط من العربيه كتير جدااا - انشر الموضوع فى :

-

-

-

-

-

المواضيع المتشابهه

العربيه حاسس انها بتاكل بنزين كتير

العربيه بتستهلك بنزين كتير

الحقوووني العربيه(128 1300cc) بتاكل بنزين كتير

تعديل بسيط للسيفيك 93 وفر بنزين كتير جدااا

هوه المفروض العربيه بتستهلك بنزين كتير اثناء ال1000 الاولى

الكلمات الدلالية لهذا الموضوع

المفضلات

المفضلات

ضوابط المشاركة