المعلومه اللى عندى يا باشا انه عادى تعمل اى صيانه فى اى مركز حنى ممكن كل صيانه فى مركز شكل مفيش مشكله
عرض للطباعة
عادي يعني انا اعرف واحد غير مساعدين خلفي في عربية مرسيدس c180 في الضمان و كان عامل 2700 كيلو فقط و دي مرسيدس بقي مش نيسان مع احترامي الكامل لنيسان
ده بيبقي عيب صناعه في المساعد بس لو الموضوع اتكرر في اكتر من عربية يبقي ساعتها يبقي فيه مشكله في المساعدين اللي نازله مع العربية
دكتور / يوسف
خالص تقديرى وأحترامى لمعاليك
لا أنكر انى استفيد من كل مشاركاتك واتتبعها واقرائها بكل عناية لأنها دائما تضيف لينا معلومات جديدة وتحترم
ولاكن اسمح لى ان اتحفظ على هذه المداخلة - وبسبب انه من خلال متابعتى على هذا المنتدى لفت نظرى كثرة الشكاوى من نيسان صنى 2013 على وجه الخصوص - فأرجو منك شخصيا الأهتمام بهذا الموضوع وطرح المشاكل والحلول بمنتهى الحيادية والموضوعية بعيد عن ان السيارة تحمل لقب نيسان
حتى تعم الفائدة على الجميع
سواء كده او كده .. المهم عند اى عميل ان اى عيب يتصلح ويتغير
امال يبقى ضمان ازاى ؟!!!
نيسان مش بتغير قطع غيار فى الضمان عشان سمعتها والكلام ده
بتغيرها لما تثبت انها فعلا بايظة ولازم تتغير وبيتعمل بيها تقرير وتتبعت المصنع وبتسترد ثمنها من الشركات المصنعة والمغذية لخط الانتاج بعد فترة
بالمناسبة انا معايا صنى قديمة 2010 وغيرت ضفيرة كهرباء وكلاكس (مرتين) ومقصات ومفاتيح باب السواق فى الضمان .. وغيرى ناس كتير اوى واللى برة المنتدى اكتر بكتير من الاعضاء فيه
روح بنفسك اى مركز خدمة واسمع العملاء بيقولوا ايه لمهندسى الاستقبال وشوف ايه اللى بيتغير فى الضمان بكل ادب واحترام لأنهم معترفين بوجود عيب حتى لو مش شائع برضه بيتأكدوا منه ويديله اهتمام ..
عكس ما بنسمع عن توكيلات كبيرة ليها صيت وبتبيع الاف العربيات كل شهر سواء كورى او فرنسى او حتى المانى ولما تروح تشتكى من اى حاجة فى العربية .. تدخل وتخرج بدون اى تغيير ويطلع عينك لما تاخد حقك منهم
من معارفى .. اعرف واحد غير موتور فولكس فاجن توران فى الضمان بعد 10 الاف كم وواحد تانى غير فتيس الرينو ميجان 2 مرتين خلال 60 الف كم و3 سنين !!!!
شكرا يافندم على كلامك الجميل ده اللى اكيد ما استهلوش للدرجة دى
بالنسبة لأبرز المشاكل المطروحة بالصنى الجديدة .. مشكلة التزييق من العفشة الخلفية او المساعدين تحديدا
والمعلومات اللى عندى عنها ذكرتها فى الموضوع التالى ومنتظرين فعلا يكون ليها حل ..
http://www.nilemotors.net/Nile/303597-2013.html
السلام عليكم
سيدى الفاضل / المنسق العام لقسم نيسان
انا لم اشتكى التوكيل بل بالعكس انا قلت انهم غيروا المساعدين بدون نقاش , انا كتبت الموضوع لانه غير منطقى ان سيارة زيرو و مساعدينها تتلف بهذه السرعة حتى لو محمل طوب بالشنطة و على فكرة لو حضرتك استعرضت المشاركات لهذا الموضوع لعرفت انها شكوى من بعض الناس مثل سماع تزييق من الخلف و ده اللى حصل معايا الاول , و شكرا