المشاركة الأصلية كتبت بواسطة youssef.awad
شكرا لذوقك ومحبتك لينا ..
بس حابب اوضح نقطة بخصوص دفاعنا عن النيسان انه من واقع تجربتنا العملية وخبرتنا الحياتية مع عربياتنا
وكل واحد فينا مدين لعربيته بالكتير ..
عن نفسى انا مهما ركبت عربيات تانية هاتفضل الصنى اللى معايا دى عزيزة عليا بالذات سواء بسبب مواقف اتعرضتلها معاها وعمرها ما كسفتنى وانا راكبها باكون حاسس بأمان وثقة غير لما باكون راكب اى عربية تانية خاصة ان طرقى كلها سفر ومشاوير طويلة ناهيك عن طرق فرعية ومدقات وطرق غير ممهدة تبوظ عفشة اى عربية مهما كانت والحمد لله العربية ما غيرتش غير جلب مقصات امامية وكاوتشات تراب مساعدين امامية وماشية 70 الف كم .. الاعطال لا تُذكر وعمرها ما حكت فى اى مطب مهما كان ومهما كانت حمولة العربية ..
يكفينى انى وقت جوازى من سنة نقلت فيه حاجات كتير جدااااا من بورسعيد والقاهرة ودمياط لبنها لدرجة انى نقلت بيها مشاية كهرباء trade mill
اتعرضت فيها لكذا موقف لو كنت راكب اى عربية تانية .. اقل ضرر كان وقع عليا وعليها كان ممكن يوصل لانقلابها لما اكون طالع كوبرى قها فى منحنى 50 درجة واخد نقرة فى الارض تتسبب فى انثناء حافة جنطين وفراغ الاطار الامامى الايسر ومرة ثانية الكاوتشتين اليمين فرقعوا بقطع جانبى لما دوست على قطعة حديد على الزراعى وفى ملف برضه 30 درجة على سرعة 90 كم/س
والعربية ما شاء الله فى المرتين .. مسمار فى الارض وزى الطوبة لا حدفت ولا عومت لحد اما اديت اشارة وعديت عربيات كانت طايرة من يمينى وركنت كمان يمين الطريق ..
وباقى الاعضاء كل واحد اتعرض لمواقف مشابهة او مختلفة ..
عاوز بقى بعد ده كله نسكت على عيب او اساءة لعربية محترمة من شركة محترمة ... :wink10: