مشكلة في البوما !!!!

**nice_bird** · 27-08-2012 02:27 AM

السلام عليكم:-
انا عندي مشكلة في عربيتي (لانسر بوما 2006 1600 اوتو) انا غيرت السيور والزيت من اسبوعين تقريبا والعربية ماشية عادي مفيش مشكلة .... المشكلة اني يوم العيد روحت حطيت بنزين 90 وبعد ما مشيت من البنزينة حوالي كيلو لقيت العربية بتتقل وكل ما ادوس بنزين احس انها بتتصرف بالعكس ادوس بنزين الار بي ام ينزل واكبس كيك داون تشتغل عادي المهم ركنت علي جنب لقيت الار بي ام بيوطي وكل ما يقل عن 800 يرفع فجائة ل 1500 ويقل تاني بالراحة (العربية اتجتننت) والمهم معرفتش اعمل ايه روحت جايب منظف بوابة ونضفتها وشيكت عالمية والزيت ونضفت فلتر الهوا والعربية بقت طبيعية تقريبا والمشكلة قعدت يومين متظهرش وبعدين بقت تظهر عشوائي ساعات ساعات ومش عارف السبب ايه حتي مش عارف اروح لميكانيكي ولا كهربائي ومش عايز حد يشتغلني ويعمل نفسو صلحها وترجع المشكلة تاني لانها اصلا بتحصل عشوائي ياريت لو حد يقدر يساعدني

**mido_antouhh** · 27-08-2012 02:39 AM

نضف البوابه من الواضح ان البوابه فيها بلاوى وانصحك تستخدم بنزين 92

**nice_bird** · 27-08-2012 02:43 AM

المشاركة الأصلية كتبت بواسطة mido_antouhh

نضف البوابه من الواضح ان البوابه فيها بلاوى وانصحك تستخدم بنزين 92

انا غالبا بستخدم بنزين 92 بس لما بيكون في ازمة بحط الموجود 90 او 92 وكنت عايز لو في طريقة لتنظيف البوابة غير الاسبراي abro ولا لأ

**Optiplex** · 27-08-2012 02:44 AM

انشاء الله مشكلتلك كلها فى البنزين احتمال كبير انة مغشوش شكلة اصلا محصلشى 80 فول تفويلة محترمة خمسة و تسعين و حط المنظف و انشاء الله هاتبقى تمام

**eng.m7md.ali** · 27-08-2012 02:45 AM

هيا غطلتك انك حطيت 90
معلش
ان شاء الله بسيطة
واول باول حط 95 شوية لحد ماتتظبط وارجع ل 92 تاني

**eng.m7md.ali** · 27-08-2012 02:48 AM

المشاركة الأصلية كتبت بواسطة Optiplex

إن شاء الله مشكلتلك كلها فى البنزين احتمال كبير انة مغشوش شكلة اصلا محصلشى 80 فول تفويلة محترمة خمسة و تسعين و حط المنظف و إن شاء الله هاتبقى تمام

سبقتني :)

**nice_bird** · 27-08-2012 02:49 AM

طيب ايه رائيكو استني التفويلة تخلص للاخر ولا افول عالقديم كدا وبفكر احط منظف دورة البنزين مع التفويلة !

**Kefo_Honda** · 27-08-2012 03:27 AM

فول على قديم عشان تعلي الأوكتين بتاعه وحُط منظف الانجكشن, وياريت يبقى نوعه لكوي مولي

**د. علاء ابراهيم** · 27-08-2012 03:51 AM

المشاركة الأصلية كتبت بواسطة Optiplex

إن شاء الله مشكلتلك كلها فى البنزين احتمال كبير انة مغشوش شكلة اصلا محصلشى 80 فول تفويلة محترمة خمسة و تسعين و حط المنظف و إن شاء الله هاتبقى تمام

+1

**mina2210** · 27-08-2012 06:12 AM

المشكلة هتلاقيها في الايدل اير كنترول و ده راكب تحت البوابة ب 3 مسامسير متوزغين ذي المثلثة فكه ونضفه باسبراي البوابة و بعدين نظف مكان ما بيركب و ارجع زكبه تاني و بعد كده اقفل وافتح الكونتاكت كذا مره قبل ما تدور و انشاء الله هاتظبط معاك

الموضوع: مشكلة في البوما !!!!

LinkBack

أدوات الموضوع

عرض

مشكلة في البوما !!!! - انشر الموضوع فى :

-

-

-

-

-

-

المواضيع المتشابهه

عندى مشكلة لما بسخن البوما 1300 موديل 2007

تعديل في جير البوما

سحب البوما

عزل البوما

عندى مشكلة فى فتيس البوما الاوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة