الفلاش اويل يا جماعة انا جبته بس مش عارف استخدمه ازاى والعلبة مش مكتوب عليها اى تعليمات ... ارجو من الأخوة اللى استخدموه قبل كدا يقولولنا الطريقة السليمة ليه .
انا الماتور عندى من جوا طينة
عرض للطباعة
الفلاش اويل يا جماعة انا جبته بس مش عارف استخدمه ازاى والعلبة مش مكتوب عليها اى تعليمات ... ارجو من الأخوة اللى استخدموه قبل كدا يقولولنا الطريقة السليمة ليه .
انا الماتور عندى من جوا طينة
هو بتحطه فى الموتور على الزيت القديم
تخلى العربية شغالة لفترة بتبقى مكتوبة على العلبة ( من 10-15 دقيقة)
بعد كده بتنزل الزيت اللى كان فى العربية تماما
و تحط الزيت الجديد و طبعا فلتر جديد
هو ده للموتور المفوت اللى بياكل زيت ولا لأي موتور حتى لو كان شبه جديده يعنى عامل مثلا 41000 كيلو؟؟؟
ده للغسيل فقط وبتحط لاي عربيه مش فرقه
بس ما حدش يحطه و يمشى بيه ،ده يتحط و تفضل العربية شغالة بيه زى ما قال اخونا معاذ
لكن يفضل يا جماعة انك ما تعملش الموضوع ده بنفسك يعني في مركز خدمة الزيوت او التوكيل بس يكون تحت اشرافك عشان تتأكد ان الموضوع تم صح لان المفترض بعد كده انك حتغير الي زيت تخليقي
محمد فهمي
يا جماعه انا سمعت ان كتر استخدامه غلط علشان ده بياكل اجزاء المتور خصوصا الجوانات من الداخل
يعنى حد اقصى مره فى السنه لو انت ع ايز تغسل موتورك من الداخل
هوه اسمه Flush مش Flash
بيتحط على الزيت القديم.. و تسيب العربيه دايره من 3 الى 4 دقائق بالكتير و من غير ما تدوس بنزين. و بعد كده تصفي الزيت كويس و تغير الفلتر و تحط الزيت الجديد.
والزيت الجديد لازم يكون تخليقي زي موبيل وان وشل هيلكس؟؟؟
وهل بيفرق في اداء الموتور وعمر الموتور الافتراضي ولا ايه؟؟؟
على فكرة دة فى منه انواع كتير وتلاقوه عند منير صليب فى التوفيقية فى شارع ذكى .. وبعدين كل نوع بيفرق عن التانى حسب التعليمات الموجودة عليه من حيث مدة التشغيل .. وبعدين المهندس نادر اخونا هنا فى المنتدى جزاه الله خيرا اضاف اضافة ممتازة جدا وهى انك تنزل الزيت القديم الأول وبعدين تقفل الطبة وتحط ال FLUSH وتحط معاه حوالى 2 لتر زيت نظيف وتشغل الماتور 3 - 5 دقايق حسب التعليمات وتنزل الكلام دة كله ..وبعد كدة تحط زيت جديد نظيف وطبعا تغير الفلتر وعلى فكرة هو للتغير من تخليقى لمعدنى والعكس مش شرط الى تخليقى فقط ( لانه مينفعش يتحط لوحده فى الماتور - ومينفعش ابدا انك تحطه فى الماتور وتمشى بالعربية ممكن تحصل كارثة ) والميكانيكى حذرنى من كتر استخدامه وان وقت استخدامه كمان يكون بحذر ..
انا متهيألى بلاش حد يحطه فى مكنه خفيفة علشان هتنضف ترسبات الزيت اللى حولين الشنابر و ممكن تاكل زيت بعد كده اكتر من الأول
بجد شكرا ليكم يا جماعة على المعلومات دي
شكرا يا جماعة
معلومات كويسةوالله اللى استنتجته انه يفضل ان يستخدم فى المواتير الجيدة لانه بيتعب المواتير الخفيفة
طب هو إية الفايدة بتاعتة
بعد اذنكو كنت عايز اعرف معلومتين بس
اول معلومة انا عايز استعمل موبيل وان لازم استعمل قبله فلاش اويل؟؟؟
ثانيا هل لو مشاويري قليله وال10000 كيلو همشيهم مثلا في اكتر من 6 شهور يعنى مثلا من 6-8 شهور فيها مشكلة ولا لازم كل 6 شهور سواء كملت او مكملتش ال10000 كيلو اغير الزيت؟؟؟
وشكرا جزيلا
الزيت التخليقي بيقعد 10000 كيلو او 6 شهور ايهما اقرب
المنتج ده كويس اوى بس لازم الناس تتبع التعليمات الى على العلبة بدقة متناهية لتجنب حدوث اى ضرر
يعنى مثلا حكاية انك :
تنزل الزيت القديم الأول وبعدين تقفل الطبة وتحط معاه حوالى 2 لتر زيت نظيف
تعتبر خطأ قاتل
لأن اول تحذير على طريقة استخدام المنتج إن يكون مقاس الزيت القديم فى المنسوب الامن قبل اضافة العبوة و2 لتر دى تبفى تحت ال min فى اى عربية.
على فكرة يا جماعة انا كان عندى عربية كورولا موديل 85 قعدت معايا 3 سنين والله العظيم انى عمرى ماشفت زيت الماتور دة اسود ابدا وكل ما اقيس الزيت او اغيره كنت بشوفه غامق بس مش طينة زى السيفيا كدا ومع العلم انا فى واحد صاحبى معاه فيرنا زيرو عاملة حوالى 5000 كيلو الزيت اسود طينة زى السيفيا
اللى بتفرق طريقة السواقة والجرى .. الحرق على الغيار وتسقيط غيار وكل الكلام دة وبردو الأنجيكشن والحساسات الخاصة بيه وكهرباء العربية ودورة البنزين كل دة لو مظبوط بيفرق وكمان الاتتظام فى مواعيد تغيير الزيت ونوع الزيت بيفرق.. يعنى متفتريش على الماتور وهو يفضل زى الفل معاك
اولا لاستخام الفلش لازم تتبع التعليمات اللى على العلبة بدقة شديدة و متسمعش كلام الميكانيكية لان دول معندهمش فكرة عن البتنجان و كل واحد بيالف بمزاجة... خللو بالكم ان معظم المنتجات دى امريكانى... يعنى اتصنعت فى بلد فيها قانون بجد و اللى حيحصل عندة مشكلة من منتج زى كدة يقدر يرفع قضية و يحاكم الشركة و ياخد تعويض بالملايين... يعنى محدش بيعمل منتج كدة اعتباطا و ينلة السوق... لازم حيكون مدروس و اتعمل عليه مليون اختبار
حكاية استخدام الفلش قبل التحويل من معدنى لتخليقى او من تخليقى لمعدنى او حتى زيت تموين مش صحيحة لان الفلش وظيفتة تنظيف الرواسب اللى فى الموتور و بالتالى الموضوع ملوش اى علاقة بالزيت اللى انت حاطة او اللى حتحطة فى الموتور
استعمال الفلش مع زيت جديد هى اهدار للفلوس و مش حتفرق فى عملية التنظيف على الاطلاق
استخدام الفلش فى المواتير القديمة اوى قد يكون خطر لان الرواسب اللى فى الموتور بتكون هى اللى حاكمة تسربات كتير حصلت نتيجة للتاكل و لما الفلش يزيل التراكمات دى حتلاقى الموتور انهار و فوت
استخدام الفلش مفيد للعربيات اللى فيها كستبانات لان الكستبانات من الاماكن اللى بتتجمع فيها الرواسب و بتاثر على اداءها مع الوقت و بالتالى استعمال الفلش بيساعد على الحفاظ على الكستبانات
الموضوع مش محتاج حد متخصص او فنى... الموضوع مش اصعب من انك تضيف الفلش و تدور من 3 الى 5 دقايق (او حسب اللى مكتوب على العلبة) و بعد كدة تفضى الزيت القديم و تغير الفلتر و تحط زيت جديد و شكرا
MMamdouh
أنا استخدمت البتاع دة قبل كدة مرة واحدة في الموتور القديم بتاع الانسر وكان نوع ممتاز
استفدت إيه
طلع كل الشوائب إلي في الموتور وسد الصمامات بتاع ال-MIVEC من كتر الاوساخ
وبقى ال-MIVEC مبيشتغلش يعني العربية بقت موتوسيكل
فكيت وش إلسليندر لقيت الكامات كأنها مغروسة في طين !
طبعاً اضطرينا نفك كل حاجة وفكينا منظومة ال-MIVEC قطعة قطعة علشان ننضفها كلها من الاوساخ إلي ملتها
Thanks
Eng.Sherif Shaker
وبعدها اداء العربية بقى ازاي هل حصل تغيير؟؟؟
this is why you should either use it on a regular basis or not use it at all
it simply removed all the build ups that was in your engine and apparently you had a lot and it caused the MIVEC mechanism to foul
i'd recommend using it on regular basis from now on to avoid the formation of such build ups once more
MMamdouh