الفلش أويل (Flush Oil) منظف الموتور

**momo20703** · 26-06-2008 05:45 PM

الفلاش اويل يا جماعة انا جبته بس مش عارف استخدمه ازاى والعلبة مش مكتوب عليها اى تعليمات ... ارجو من الأخوة اللى استخدموه قبل كدا يقولولنا الطريقة السليمة ليه .

انا الماتور عندى من جوا طينة

**معاذ الشرباصى** · 26-06-2008 06:01 PM

هو بتحطه فى الموتور على الزيت القديم

تخلى العربية شغالة لفترة بتبقى مكتوبة على العلبة ( من 10-15 دقيقة)

بعد كده بتنزل الزيت اللى كان فى العربية تماما

و تحط الزيت الجديد و طبعا فلتر جديد

**eldeplomasy** · 27-06-2008 02:21 AM

هو ده للموتور المفوت اللى بياكل زيت ولا لأي موتور حتى لو كان شبه جديده يعنى عامل مثلا 41000 كيلو؟؟؟

**smaw** · 27-06-2008 03:15 AM

ده للغسيل فقط وبتحط لاي عربيه مش فرقه

**Ghamrawy** · 27-06-2008 10:24 AM

بس ما حدش يحطه و يمشى بيه ،ده يتحط و تفضل العربية شغالة بيه زى ما قال اخونا معاذ

**Moh.Fahmy** · 27-06-2008 10:43 AM

لكن يفضل يا جماعة انك ما تعملش الموضوع ده بنفسك يعني في مركز خدمة الزيوت او التوكيل بس يكون تحت اشرافك عشان تتأكد ان الموضوع تم صح لان المفترض بعد كده انك حتغير الي زيت تخليقي

محمد فهمي

**amir_ezzat** · 27-06-2008 02:01 PM

يا جماعه انا سمعت ان كتر استخدامه غلط علشان ده بياكل اجزاء المتور خصوصا الجوانات من الداخل
يعنى حد اقصى مره فى السنه لو انت ع ايز تغسل موتورك من الداخل

**Ahmed Hassan** · 27-06-2008 03:13 PM

هوه اسمه Flush مش Flash

بيتحط على الزيت القديم.. و تسيب العربيه دايره من 3 الى 4 دقائق بالكتير و من غير ما تدوس بنزين. و بعد كده تصفي الزيت كويس و تغير الفلتر و تحط الزيت الجديد.

**eldeplomasy** · 27-06-2008 04:51 PM

والزيت الجديد لازم يكون تخليقي زي موبيل وان وشل هيلكس؟؟؟

وهل بيفرق في اداء الموتور وعمر الموتور الافتراضي ولا ايه؟؟؟

**momo20703** · 27-06-2008 05:48 PM

على فكرة دة فى منه انواع كتير وتلاقوه عند منير صليب فى التوفيقية فى شارع ذكى .. وبعدين كل نوع بيفرق عن التانى حسب التعليمات الموجودة عليه من حيث مدة التشغيل .. وبعدين المهندس نادر اخونا هنا فى المنتدى جزاه الله خيرا اضاف اضافة ممتازة جدا وهى انك تنزل الزيت القديم الأول وبعدين تقفل الطبة وتحط ال FLUSH وتحط معاه حوالى 2 لتر زيت نظيف وتشغل الماتور 3 - 5 دقايق حسب التعليمات وتنزل الكلام دة كله ..وبعد كدة تحط زيت جديد نظيف وطبعا تغير الفلتر وعلى فكرة هو للتغير من تخليقى لمعدنى والعكس مش شرط الى تخليقى فقط ( لانه مينفعش يتحط لوحده فى الماتور - ومينفعش ابدا انك تحطه فى الماتور وتمشى بالعربية ممكن تحصل كارثة ) والميكانيكى حذرنى من كتر استخدامه وان وقت استخدامه كمان يكون بحذر ..

الموضوع: الفلش أويل (Flush Oil) منظف الموتور

LinkBack

أدوات الموضوع

عرض

-

-

-

-

المواضيع المتشابهه

أويل سيل زيت الفتيس

أويل سيل الدريكسيون فى اللانوس

استخدام الفلش

استشاره بخصوص استخدام engine flush قبل تغير زيت الموتور

استفسار بخصوص منظف الرشاشات فى الموتور الانجيكشن ارجوا الرد

الكلمات الدلالية لهذا الموضوع

المفضلات

المفضلات

ضوابط المشاركة