الأصدقاء الأعزاء أعضاء المنتدى المحترمين وعلى رأسهم الأستاذ أحمد مصطفى منسق قسم نيسان

بالأمس أستلمت العربية من أتو إيجبت المهندسين الساعة 10 صباحا برونزى فرش غامق أتوماتيك وكنت فرحان جدااااا بعد طول أنتظار علما أنى كنت حاجز بتاريخ 11/06 والفضل لله وللمنتدى فى الأستلام وأتو إيجيبت طبعا كان المفروض أستلم قبل العيد بس للأسف ورق البنك أتأخر وأستلمت بعد العيد قدر الله وماشاء فعل

العربية ما شاء الله جميلة جدا بصراحة واسعة وتشعر انك واخد سلعة قيمة مقابل الفلوس المدفوعة فيها بس حصل موقف مش ظريف ان مفتاح التكييف السوستة بتاعتة تقريبا مفوتة وعايز يتظبط هو مش مأثر على التكييف فى حاجة بس طبعا لازم يتصلح عموما محطتش فى دماغى عشان مزعلش وأفسد فرحتى وقلت ممكن أعملها فى السبع فى المعادى بدل مدب مشوار لأبورواش فى أتو إيجيبت .

شيكت على العربية على قد مقدرت علما أنى أتكروت فى الأستلام ومشيت وعند اول بنزينة فولت التانك بنزين 92 وطلعت على المرور ورخصت وعلقت النمر بس أتفتشت صح فى الأكراميات فى المرور بصراحة حاجة فظيعة

الحمد لله مسمعتش الأصوات أللى الناس بتتكلم عليها العربية ما شاء الله ناعمة جدا وعملت بيها فى حدود 40 كم من المهندسين لمصر الجديدة والعودة لوسط البلد تانى حيث أسكن عشان كنت فى البنك بكمل بعض الورق.

ربنا يسهل عايز أعمل مفتاح التكييف بسرعة عشان مضايقنى بصراحة وعقبال كل الناس المتأخره متستلم أنشاء الله

وتحياتى لكم جميعا يا أحلى ناس فى الدنيا