الموضوع: استلام الصنى 2013

الحمد لله والفضل لله على كل شى فى السراء والضراء

اولا انا بعتذر جدا على التاخير وعدم المشاركة بس ظروووف الشغل والله انا ساعات بفتح المنتدى وانم وانا قاعد

الحمد لله استلمت الصنى يوم الجمعه اللى بعد العيد من اوتو ايجيبت المهندسين الناس متعاونة جدا وانا جايبها قسط من البنك عندى ا/ احمد المقدم وهيثم متعاونين جدا مع انى بلوم عليهم فى حاجه هاذكرها بعدين

الاستلام كان يوم الجمعه الساعه 5 عصرا الناس سلمونى العربيه وشرحوهالى كويس جدا وتعبوا معايا جدا استلمت المفتاحين و شنطة العدة والكتالوج والضمان وضمان البطاريه وضمان الكاسيت اه صحيح البطاريه عندى الجافة مش السائله ام عيون وده شى كويس جدا المهم كان فى هدايا نايل موتورز بس قالولى الجمعه مش هاينفع اتفقت معاهم واخدت العربية طلعت السبت بعون الله على مروووووور زفت فيصل ودى بقى الحاجة اللى بلومهم عليها المفروض حد ييجى معايا المرور علشان كمان ياخد صورة الرخصة علشان ياخد شيك البنك بس انا قلت اوفر عليهم وسلمتهم الشيك قبل كده اساسا فمبعتوش حد اساسا معايا واللى غاظنى ان معايا واحد صاحبى استلم من السبع الخميس ودخل معايا فيصل بس كان معاه واحد من هناك مشاه فى ساعتين وانا بقى طلعت الساعه 2 المهم بفضل الله رخصت وطلعت بقى قلت اجرب العربيه
فرامل هايله صوت مالوش حل واطى عربيه تعتبر ناعمة التجميع بطئ شوية بسيطة بس اشطة
العيوووب لحد يوم الاثنين مكانش فى حاجه
رحت امنت على العربية فى شركة التامين التكافلى الحمد لله

على اخر الاسبوع قلت ادووووووس شوية بقى رحت مشوار اكتوبر كانت العربية على 120 والله انا كنت مستغرب العربيه مالها فى ايه مش ماشية ليه فوجئت انها على 120 بسم الله ماشاء الله تمااااااام قلت طيب اديها كمان هيا اللى عايزة بقى بس الحمد لله افتكرت موضوع التلييين الامن بتاع الحاج احمد قلت اهدى يولا شوية
المهم فى يوم وانا طالع من الجراج وفية مطلع كده سمعت الصوت الرهيب بتاع المساعدين ورا تزيييييييييييييق رهيب ومش عارف السبب وكل ما ادوس على الفرامل وانا طالع او داخل الصوت موجود الحاجه التانية بقى دلوقتى العربية بقت فى العادى وانا ماشى ادوس فرامل على الD فى صوت التزييق حاسس بيه فى رجلى وبقى واضح حتى وانا واقف قلت اجرب على الN لقيت مفيش صوت

ثالثا وده اللى هايجنننى ام التكتكة بتاعه الكاوتش ورة وقدام كانة فى زلط وشلت كل الزلط برضوا موجود مش عارف اعمل

اه صحيح اوتو ايجيت سلمتنى هدايا نايل موتورز ودى المفاجاءة بصوا
غطا للعربية ....... شماسه امامية ............ شماسة خلفية .............. كويونات خصم ل 100000 كيلوا كل مرة 50جم ...............دواسات بس دى لسه مستلمتهاش ومستنى تليفونهم علشان استلمها ويارب يصدقوا معايا فيها لان دى اهم حاجه عندى وعلى فكرة دى لنايل موتورز الناس اللى كانت متاخرة

بصراحة العربية ممتازة ( بس يارب موضوع الفرامل والتكتكة ده يتحل فى الصيانة مش عارف اعمل ايه) فعلا نيسان مش بتعمل اى حاجة وخلاص واسعه جدا بصوا الحمد لله انا مبسوط بيها ومبسوط انى اول مرة اخد براى حد من على النت ويطلع ممتاز لانى كنت ناوى على حاجه تانيه خالص بس هنا على نايل موتورز خلونى اغير راى

انا بجد بعتزر على عدم الترتيب فى الكلام انا بكتب وانا نااااايم وجعان وبعتزر جدا على قله مشاركاتى انتوا عارفين فى البنوك بيعملولنا ايه انا مفحووووووووووت وباذن الله هاكون مجتمع معاكم فى اقرب تجمع

بخص بالشكر كل الناس بجد وبالاخص احمد مصطفى
انا شغال فى بنك تنمية الصادرات معندناش قروض سيارات ولا قروض شخصية مش هافيد فى ده باقى الحاجات بقى انا عندى واى استشارة او اى حاجة فى البنوك باذن الله هافيد رساله على الخاص باذن الله هاتلاقينى فوريييييييييييرة بس انتو اؤمرو على الاقل ارد الدين اللى عليا للمنتدى ده

المشاركة الأصلية كتبت بواسطة د.هشام

كلام الراجل مضبوط انا االلي عندي جافة برضه, واستغربت زيك كدة وانا باستلم العربية, واللي بيسلمني العربية لما قلتلوا هي البطارية جافة ليه؟ قالي لأطبعا مش جافة, وراح بص عليها واستغرب برضه.[/b]

[COLOR="Blue"أمال انا ليه واخد العربية ببطاريه سائلة و بدون ضمان ؟؟؟؟

حد عنده تفسير لده يا جماعة؟؟[/COLOR]