سؤال مش في مكانه بس ساعدوني ارجوكم

**AHMED_HAMDY** · 27-08-2012 02:46 PM

هدخل في الموضوع صاحبي معاه بيجو 405 ايراني 2007 القنطره كانت ملحومه واحنا ماشيين النهارده
لقينا الطاره في الضياع والقنطره اتكسرت

سءلت في قسم بيجو بس لا حياه لمن تنادي حتى الان
لو حد يعرف رقم اي حد بيبيع حاجات بيجو او يعرف اي حد يعرف يا ريت يديني رقمه او يقولي نروح فين
احنا من الزقازيق
بس نتاكد انها عنده الاول والبيجو الايراني مش الفرنسي العربيه دفع خلفي

**AHMED_HAMDY** · 27-08-2012 04:10 PM

يا ابو حميد عارضه ولا ولا حد بيرد

**mohamedhagrass** · 27-08-2012 06:22 PM

مش عارف افيدك قوي بسي عامتا الزقازيق بشكل عام مفهاش حد بتوع غيار جامد غير في منطقتين الاولى التجنيد والتانيه على طريق هريه كدا بسي في الاول يعني مثلا 10 دقايق ولا حاجه من التجنيد بسرعه معقوله او اكتر ووانت واقف كدا اسال اي بتتاع تاكسي هيدلك انا عملت كدا لما كنت مزنوق في قطعه السوزوكي ركب التكسي وقلتله تعرف حد بيبيع وصلني ولو مش عارف هيدلك على المنطقه نفسها وهناك هتلاقي كمان صنايعيه الله ينور عليهم وفي في شارع وادي النيل صنايعيه برضو جامدين ولو عاوز بقى بجد حاجه تمام احسن ناس في البيجو المنصوره دول تديهم البيجو خرده يطلعوها عروسه

**SAMEH_FOUAD** · 27-08-2012 07:13 PM

المشاركة الأصلية كتبت بواسطة ahmed_hamdy

هدخل في الموضوع صاحبي معاه بيجو 405 ايراني 2007 القنطره كانت ملحومه واحنا ماشيين النهارده
لقينا الطاره في الضياع والقنطره اتكسرت

سءلت في قسم بيجو بس لا حياه لمن تنادي حتى الان
لو حد يعرف رقم اي حد بيبيع حاجات بيجو او يعرف اي حد يعرف يا ريت يديني رقمه او يقولي نروح فين
احنا من الزقازيق
بس نتاكد انها عنده الاول والبيجو الايراني مش الفرنسي العربيه دفع خلفي

شوف يا احمدنا اعرف بتوع بيجو كتيييييييييير قطع غيار وصيانة بس كلهم فى وسط البلد فى القاهرة لو عايز تسال الاول قولى انت محتاح اية بالظبط وموديل العربية وانا يوم الخميس بإذن الله اجيبلك ورقة بالاسعار

**AHMED_HAMDY** · 28-08-2012 12:05 AM

يا جماعه الزقازيق والمنصوره كلها 504

دي بيجو 405 ايراني غير الفرنسي العاديه فرق ان دي بتنزل العربيه دفع خلفي والفرنسي جر امامي فحاجات دي مش بتركب على دي خااالص

انا كل اللي عازينه قنطه قدام بيجو 405 موديل 2007 ايراني