منظف رشاشات عمل مشكله مع فلتر البنزين وكان حايطير حساس الشكمان تجربه للاستفاده والمشو

ع فكرة متظلمش منظف الانجيشكن السبب ان حضرتك حطيت ع تنك فاضي و العربية دايرة كمان يعني عملت مصيبة بكل المقاييس المحلية و الدولية هههههههه الشوائب و البلاوي كلها شدت ع الفلتر و الموتور و عملت النكبة ديه
المفروض حضرتك تحطه ع تلت ارباع التانك ع الاقل لأن العلبة لــ40 جالون بنزين يعني حوالي 70 لتر بنزين

بالاضافة ان البوجهيات مش الأصلي و شكلها مش المناسبة للعربية يعني المهم الكود و الرقم كذلك ممكن يزيد او يقل درجة بس بيفرق اذا كان البوجيه سخن او بارد بس الافضل نفس الكود و الرقم

و بعد تنظيف الانجيشكن تغير البوجيهات لأن كل الهباب بيجي عليهم لما الرشاشات تتنضف و تغير فلتر البنزين او تنضفه كويس لو لسه جديد و نضف فلتر الهوا و و ممكن تنضف البوابة لو متنضفتش قبل كده هيفرق جامد معاك

هو العضو مقالش إنه حطه و العربية دايرة !!!! و بعدين كده الواحد يستخدمه و لا ميستخدموش و لا أنضف رشاشات بألترا سونيك و خلاص ؟؟؟!!

الغلط مش المنظف الغلط من عندك انت :-)
انا بستعمله دائما وفي مواعيدة كل 10 الالاف منظف الدورة كلها والحمد لله اداء العربية ممتاز
والافضل زي ما مكتوب تحطة وتطلع بيه سفرية او مشوار طويل يخلص ربع او نص التانك على ار بي ام 3 الالاف مثلا
الصح اننا نستخدم المنتج بتعليمات صح
احمد ربنا انه مازعلش الموتور

عارف زي ايه
زي المضاد الحيوي كدة
لازم تاخدة في مواعيده صح
ماينفعش تلخبط وترجع تقول اصله دوار وحش
او تاخد حبايتين تلاتة مع بعض وتقول عشان انجز واخف بسرعة :-)
عذرا للتشبية لكنه الاقرب

طيب انا عندي في العربية (لانسر بومة) نفس الاعراض وبطء في السحب ... اية اول حاجه افكر فيها ؟؟؟ بوجيهات ولا فلتر بنزين ولا تنضيف بوابة ولا تنضيف رشاشات ؟؟؟؟

قدر الله وما شاء فعل......إحنا بنستفيد من أخطاء بعض وبنتعلم مع بعض.
الأفضل كنت تغير الفلتر قبل إستخدامه.

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

اقتباس:

---

المشاركة الأصلية كتبت بواسطة axel

ع فكرة متظلمش منظف الانجيشكن السبب ان حضرتك حطيت ع تنك فاضي و العربية دايرة كمان يعني عملت مصيبة بكل المقاييس المحلية و الدولية هههههههه الشوائب و البلاوي كلها شدت ع الفلتر و الموتور و عملت النكبة ديه
المفروض حضرتك تحطه ع تلت ارباع التانك ع الاقل لأن العلبة لــ40 جالون بنزين يعني حوالي 70 لتر بنزين

بالاضافة ان البوجهيات مش الأصلي و شكلها مش المناسبة للعربية يعني المهم الكود و الرقم كذلك ممكن يزيد او يقل درجة بس بيفرق اذا كان البوجيه سخن او بارد بس الافضل نفس الكود و الرقم

و بعد تنظيف الانجيشكن تغير البوجيهات لأن كل الهباب بيجي عليهم لما الرشاشات تتنضف و تغير فلتر البنزين او تنضفه كويس لو لسه جديد و نضف فلتر الهوا و و ممكن تنضف البوابة لو متنضفتش قبل كده هيفرق جامد معاك

---

ده اللي التوكيل عملهولي في اللانوس مع الفارق في ترتيب الخطوه الأخيره و هي تنظيف البوابه و دي تمت أول خطوه .
و المعلومه الأكيده بالنسبه لبوجيهات ‏ngk‏ العاديه و البلاتينيوم و الأيريديوم .. الفرق بينهم في العمر الإفتراضي فقط ..
أحب أضيف معلومه هامه في موضوع تحسين الأداء و السحب و هيه بخصوص ضبط ثغره البوجيه (ال ‏gap‏) مهمه جدا و بتفرق في الأداء و السحب وإستهلاك البنزين و بتأثر علي عمر البوبينه .. فلازم تتظبط صح من واقع كتالوج السياره.

اقتباس:

---

المشاركة الأصلية كتبت بواسطة mero100

ده اللي التوكيل عملهولي في اللانوس مع الفارق في ترتيب الخطوه الأخيره و هي تنظيف البوابه و دي تمت أول خطوه .
و المعلومه الأكيده بالنسبه لبوجيهات ‏ngk‏ العاديه و البلاتينيوم و الأيريديوم .. الفرق بينهم في العمر الإفتراضي فقط ..
أحب أضيف معلومه هامه في موضوع تحسين الأداء و السحب و هيه بخصوص ضبط ثغره البوجيه (ال ‏gap‏) مهمه جدا و بتفرق في الأداء و السحب وإستهلاك البنزين و بتأثر علي عمر البوبينه .. فلازم تتظبط صح من واقع كتالوج السياره.

---

تمام يا باشا انا قصدي البوجيهات مش النوعية انا قصدي ع الكود ممكن تحط كود مش مناسب للعربية و متقوليش جبته من الموقع العربيات المواتير عندهم احيانا غير عندنا عندي مثلا التو هتلاقي كود مختلف تماما عن اللي بيركب ع العربية عندي ع سبيل المثال البوجيه dcpr7e هتلاقيه حاطط كود مختلف تمام بالاضافة ان مقاس البوجيه عندي 16 سن 14 هههههههه حاجات غريبة عندي هتلاقي الكود اللي محطوط كله مقاس 16 ازاي معرفش فبمشي ع الكتالوج بالظبط
بخصوص الخلوص فعلا المفروض بتتظبط ع مقاس معين ع سبيل المثال عندنا 8-9 ملم و اتفرج بعدها :)