الموضوع: نوبيرا 2005 اوتوماتيك

السلام عليكم

عندي مشكله ف العربيه .. هاحكي لكم الحكايه من اولها و ياريت تساعدوني

كنت مسافر حوالي 200 كليو و العربيه فيها بنزين 92 المشكله ان العربيه مكانتش ساحبه و اخرها كان 140 او 150 بالعافيه و الـ Rpm كان على 4 قولت اكيد عاوز فلتر و نظافه البوابه
المهم و انا راجع من نفس المشوار العربيه شطبت بنزين و قعدت ادور و امشي عليها لحد ما لقيت واحد ع الطريق اشتريت منه 10 لتر 80 حطيتهم و تمام و مفيش مشاكل .. دخلت اول بنزينه ملقتش غير بنزين 80 بردوا .. فولت العربيه و مشيت عليها شويه بتاع 100 كيلو بس حاسس ان العربيه مخنوقه ..
بعدها سافرت تاني نفس المشوار الـ 200 كليو و انا رايح كانت على 140 بالعافيه بردوا
و انا راجع ابتديت العربيه تحط مني و تغيب ف المشي مهما تدوس ف بنزين مش ماشيه و لو دوست فرامل و هي ع الـ D بتكركب و تبطل ساسيتها و روحت للميكانيكي غير الفلتر و نظف الطرمبه و البوابه و الرشاشات كله تمام ... جربت و كل زي الفل

بعدها بشويه لقيت نفس المشكله تاني .. كان فيها حوالي 10-15 لتر من البنزين الـ 80
حطيت عليهم 25 لتر بنزين 92 و منظف رشاشات
العربيه اتظبط ظبطه محترمه اوي و سحبها بقي 10/10
المشكله بقي ان النقله بين التاني و التالت بقت غريبه و الـ Rpm بيعلي اوي لازم ارفع رجلي من دواسه البنزين و ازود تاني عشان ينقل من التاني للتالت و هي ع الـ D انما على 3 بينقل بانتظام و مفيش اي مشكله .. و كان عندي تكه ف الـ Over Drive ف الدواسه بتتقل فيها شوييه مبقتش موجوده و دواسه البنزين بقي اخف من الاول جدااا

تفتكروا المشكله دي من الفتيس ولا ايه الحكايه دي عشان قرفت
مع العلم ان زيت الفتيس كويس و الفلتر كمان تمام