الموضوع: نفسي في e46 2004 نضيفة

المشاركة الأصلية كتبت بواسطة gooda

نفسي في E46 2003-2005نضيفة بس عندي كام سؤال

1- موتور N42 -2002-2004احسن ولا N46 2004-2005 سمعت الn46 مشاكلو اكتر و صيانتو اغللللللللي ؟؟؟؟؟

2- واحد صاحبي قالي استني شهر الF30- 318 نازلا و هتنزل الاسعار ؟؟؟؟الكلام ده بجد؟؟؟؟

3- لو 318 2004 فابريكه و عداد اقل من الف 100 تعمل كام تقريبأ؟؟؟؟

4- انا معايا لانسر سوبر اكشن 1600 2008 من الزيرو و مرياحاااااني جدأ---اجيب ال 2005 E46 ولا الأ؟؟؟؟ بألي شهرين بدور كول الي فل سوق تاعباااان

كأنك كتبت الموضوع اللي انا عايز اكتبه .. انا نفسي في نفس الموديل وتكون 2003-2005 فابريكة هاي لاين .. وآدينا بندور .. يا مسهل

السؤال رقم واحد .. مش عارف .. انا اعرف ان الاتنين نفس القوة ونفس عدد الهورس والسعة اللترية

السؤال الثاني .. اه طبعا .. طبيعي ان اي موديل جديد ينزل بينزل سعر كل اللي قبله وطبعا e90 هتنزل وطبيعي e46 تنزل هي كمان

السؤال الثالث بقي .. وده هرغي فيه شوية .. مشكلة العربية دي انك متعرفش تمسكها منين .. بمعني انها ملهاش سعر معين يكون محدد .. ليه .. اولا لأنها من 99 -2005 نفس الشكل .. وبعدين مقسومة نصين .. النص الأول (الفتيس القديم) والنص التاني (الفتيس الجديد) 2002-2005 .. والنص التاني في منه بيز لاين وهاي لاين .. وتلاقي حاجات رشة وحاجات فابريكة .. وحاجات تجميع مصري وحاجات يقولك دي ألماني .. حاجات متهانة وحاجات متحافظ عليها .. حاجات الكيلو بتاعها كتير وحاجات الكيلو بتاعها قليل .. لكن المواصفات اللي حضرتك بتتكلم فيها موديل 2004 فابريكة وعداد اقل من 100 الف مش هتعمل أقل من 130 ألف جنيه .. وممكن أكتر لو 2005 خصوصا انها فابريكة .. وده يخليني أفكر تاني طب ما انا ممكن اكملهم 140 أو 150 ألف واجيب 2007 e90 بس هتبقي مانيوال ولو 160 ممكن اجيب 320 2007 اوتو نص اول (من غير i drive)

السؤال الرابع .. نصيحة من اخ .. انت قولت الاجابة .. (مريحاااااااني) خلاص يبقي تغير ليه وتدخل في وجع قلب المستعمل .. خصوصا انها معاك من الزيرو .. انا عارف الفرق والاختلاف في الركوبة بس بردو اللانسر من وحشة ابدا خصوصا انها زيرو وانت مرتاح معاها .. خليك معاها ولو لاقيت حاجة وقعت قدامك ساعتها متفوتش الفرصة بس لو حالة نظيفة علشان متندمش

طبعا انا اسف للاطالة بس مشكلة حضرتك زي مشكلتي بالظبط