كنت بفكر اشتري ماروتي بس قريت ان في شكل جديد نازل ايه رأيكوا أشتري ولا أستنى الجديد

**LORD.ADeL** · 29-08-2012 02:57 PM

اهلا بيك يبااشاا والف مبروك مقدما باذن الله

**Magoda** · 29-08-2012 03:02 PM

المشاركة الأصلية كتبت بواسطة Axel

كربراتير يا باشا

و لو استخدمت 92 هيحسسك انه انجيشكن و متفكرش في 80 لأنه هيؤدي لوجع دماغ و اللي هتوفره في تمن البنزين هتدفعه في الصيانات من حيث تغيير التالي ع فترات متقاربة اقل من المعتاد فلتر البنزين - بوجيهات - تنظيف الكربراتير و دورة البنزين - تنظيف التانك و ذلك لتجمع الرواسب في القاع مع الوقت

و هننتظر ردك ناوي ع ايه ان شاء الله

وخد بالك كمااان إنك 800cc فهتلاقى نفسك بتوفر بنزين يعنى لما تحط 92 هتقضى معاك اسبوع وأكتر كمان فبلاش تحط 80 وربنا يباركلك فيها إنشاء الله

**mohamedhagrass** · 29-08-2012 03:35 PM

بالتوفيق ان شاء الله وربنا يباركلك فيها وان شاء الله تلاقي نظام التقسيط المطلوب وتنضم لينا هنا بسي اوعى تنسانا بقى

**HaythaM_B** · 29-08-2012 03:36 PM

الله يبارك فيكوا بجد شباب زي الفل وجو المنتدى بجد كله اخوه وحاجه جميلة اوي
بشكركم تاني على اهتمامكم وعلى روحكم الجميلة وحبكم للنصيحة ده
وبجد بجد اللي خلاني خلاص اخد قرار نهائي اني اجيب الماروتي بعد ما دخلت هنا وحسيت اني هلاقي لكل مشكلة حل عشان الناس الجميلة الخدومة اللي هنا

**HaythaM_B** · 29-08-2012 03:39 PM

المشاركة الأصلية كتبت بواسطة mohamedhagrass

بالتوفيق ان شاء الله وربنا يباركلك فيها وان شاء الله تلاقي نظام التقسيط المطلوب وتنضم لينا هنا بسي اوعى تنسانا بقى

انسى ؟!
طيب ازاي ده انا حاسس لما اجيبها ان شاء الله طول ما انا في البيت هتابع وارد على اي استفسار بعد ما ابقى من ذوي الخبرة وابقا ماروتاوي اصلي

**Amr Axel** · 29-08-2012 04:06 PM

المشاركة الأصلية كتبت بواسطة HaythaM_B

معلومة بجد افادتني لاني كنت ناوي احط بنزين 80 في حالة الكاربراتير
بس فعلا الواحد يشتري دماغه احسن ويشتري وقت كمان اللي هيضيعه في طابور ال80 الطويل

ناوي على ايه
نويت ان شاء الله اجيبها خلاص بس كده مش ناقص غير اني الاقي نظام تقسيط اسلامي بجد
كان المفروض هجيبها اول شهر 9 بس حصل ظرف اتضريت اني أأجلها شهر واحد كمان يعني ان شاء الله اول شهر 10 هيكون معايا 20 الف ادفعهم مقدم واقسط الباقي لان دلوقتي معييش غير 10 بس
بس خلاص فعلا نويت ان شاء الله مفيش رجوع

اسمحلي اقولك حاجة يا أ \ هيثم كل التقسيط واحد بتفرق بس في النسبة اللي بياخدها البنك غير المصروفات الادارية

فيه فكرة تانية دايما بقترحها في حالة ان الشخص عايز يقسط لكن بدون فوايد جامدة او وجع دماغ الاوراق و حظر البيع و خلافه
ياما يستلف المبلغ المتبقي من شخص معرفة و يخلص العربية كاش و بعدين يقسطله كل شهر المبلغ بس اسرع بس هيكون بدون فوايد
ياما يشوف معرض عنده استعداد يقسط 5-10 الاف وهنا فيه ناس مبياخدوش فوايد لو المبلغ في حدود 5 الاف مثلا و يخلص في شهرين تلاتة و فيه بياخدوا فوايد قليلة جداا و فيه بياخد زي البنوك فوايد في حدود 9% لكن بيريحك من وجع دماغ الاجراءات

و اتمني الموضوع ده يفيدك عند استلام العربية

تعالوا نعرف نعمل ايه لما نيجي نستلم عربية جديدة او مستعملة
http://www.nilemotors.net/Nile/244408-a.html

و هننتظر تقرير ان شاء الله عن استلام العربية و انضمامك لنسور السوزوكي :)

**dr.hazem** · 30-08-2012 01:34 PM

بالنسبه لبنزين ال80
مفيش منه اي مشاكل واجهتني اطلاقا واستخدمته سنه كامله تقريبا وبيمشي نفس عدد الكيولمترات بالظبط وطالما مش هتركب التكييف خليك في ال 80 وادعيلي
انما لو ركبت التكييف متحطش غير ال 92 لان ال80 مع المكيف بيسخن العربيه

موضوع الشوائب والكلام ده قلنا ان ده له علاقه بالخزانات بتاعة المحطه مش نوع البنزين!!
موضوع تغيير القطع المتكرر مفيش غير هيا البوجيهات بدل مهتغيرها كل 20 هتطلعها كل 10 تنضفهم وترجعهم تاني او حتى لو حابب تغيهم الطقم ب 35 جنيه 4 بوجيهات...

موضوع تنظيف الكربياتي كده كده المفروض يتنضف كل 10...

تحياتي

**Magoda** · 01-09-2012 01:42 PM

أنا ليا سؤال هو بنزين ال 80 اليومين دول مغشووووووش ولا أنا اللى بيتهيألـــى أصى فولت من يومين 80 عملت 250ك معنها ف الاول كانت بتعمل 300ك

الموضوع: كنت بفكر اشتري ماروتي بس قريت ان في شكل جديد نازل ايه رأيكوا أشتري ولا أستنى الجديد

LinkBack

أدوات الموضوع

عرض

-

-

-

-

المواضيع المتشابهه

أيه رأيكوا بفكر أبيع الشارك !!!!!

بفكر اشتري سيريون تااااني ايه رأيكوا؟

نفسي اشتري ميجان بس لما قريت الاعطال اللي صادفت الساده الاعضاء

أشتري دلوقتي و لا أستنى .. ياريت تنصحوني

أشترى A5 بواقى 2008 و لا أستنى الشكل الجديد فى إبريل

الكلمات الدلالية لهذا الموضوع

المفضلات

المفضلات

ضوابط المشاركة