الكلام النهائي !! بازوكا ولا صب ؟؟ + مطلوب للشراء اللى عنده وهيبيع يتفضل

**Ahmod** · 28-08-2012 06:51 PM

السلام عليكم ورحمة الله وبركاته

انا كنت رافض فكرة الصب على اساس انه هياكل الشنطة

صحيح البازوكا برضوا كبيرة بس ممكن تتحط في اي ركن او في الجمب وبالتالي باقي مساحة الشنطة معاك !!

لكن قلت ممكن اجيب صب ووقت مااحتاج الشنطة او ابقى مسافر اشيل الصب خصوصا اني نادرا لما بسافر او ابقى محتاج الشنطة !!

فبدات افكر في الصب !! وبصراحة انا مش عارف ليه بحس ان الصب اقوى من البازوكا

بحس البازوكا بتدي بيز للى واقف برة العربية انما اللى جوة العربية مش بيديلك القوة اللى بيديهالك الصب

سمعتها في عربية واحد زميلي JBL 1000 وات وماعجبتنيش بصراحة

فياريت اللى جرب ده وده يقولي انهي الاقوى في البيز ؟؟ البازوكا ولا الصب

مع العلم اني هوصلهم على جم ام سيموفني 2 تشانيل

الكاسيت عندي سوني اكسبلود الخرج بتاعه 52*4

وعلى سماعات العربية اللى هسبها من غير جي ام وهفصل عنها البيز وهخلي البيز من ال Sub control !! ويمكن مستقبلا اغير السماعات واجيبلها جي ام منفصل

-----

انا ناوي برضوا اجيب مستعمل سواء الصب او البازوكا لان الميزانية حاليا مقصرة حبتين

اللى عنده صب او بازوكا بحالة كويسة وسعر مناسب انا جاد في الشراء

01000786222

**Ahmod** · 28-08-2012 07:04 PM

المشاركة الأصلية كتبت بواسطة ahmad--ezzat

البازوكا هتاخد حجم اكبر من الصب وهتقرفك ومش هطيقها شهرين
وصوتها شديد جدا بس ركبها على جى ام سيمفونى 400 وات غير كده مش هتشتغل بكفائه
اكيد صاحبك كان مش مقومها صح

هات صب ف صندوق صغير افضل من البازوكا لو بتفكر فى الحجم والانواع كتير

يعني الجي ام ال 2 تشانيل للبازوكا فقط مش هيقومها كويس ؟؟

ومعقول البيز بتاعها اشد من الصب ؟؟ وايه اللى هيخليها تقرفني ؟

ماهي بتتثبت في الشنطة في مكانها وشكرا على كدة وانا شفتها بعيني مش واخدة مساحة من الشنطة نهائيا !!!

وياريت تقولي كدة انواع الصبات والاسعار

**usama_esam** · 28-08-2012 10:05 PM

هات صب 10 انش في صندوق هيديك بيز محترم وصندوق صغير هيبقي زي البازوكا
البازوكة بلنسبة ليا اضعف بيز مقارنة بصب 12 انش بايونير في صندوق محترم مع امبليفير منفصل

**jory** · 29-08-2012 03:23 AM

م/احمد عزت قلنا على سماعات كويسة تغنى عن الصب والبازوكا

**ahmad--ezzat** · 29-08-2012 10:24 AM

كينوود 600 وات دبل بيز 150 rms سعرها 650 اظن

او جي بي ال 600 وات بس دى ب 1200 ج 120 rms

اللي عايز بيز اتقل بقي يبقي صب لان دى وظيفته الاساسيه

ةانا عن نفسي مركب كينوود 500 وات العادبه ومظبط الدنيا

**eldell** · 30-08-2012 01:37 AM

احمد باشا منووووور قسم الصوتيات بص ياحبى بالنسبه للصب والبازوكا حسب انت بتحب انى صوت يعنى صوت الصب بيبقى عميق بيز جوه العربيه تحفه وبره باين شويه البازوكا بترمى لبعيييييد والبيز بتاعها جوه العربيه ناشف يعنى بيفرهض هههههه حسب بقى انت حابب ايه ولو انت من محبى البيز والفرهضه وكده يبقى خليك فى البازوكا ومش هتاخد حجم كبييير من الشنطه وهتجيبلها جى ام 400 سيمفونى هيبقى تمااااااااام اووووووووووى

**HAITHAM1985** · 30-08-2012 09:35 AM

انا بقى هارشحلك حل وسط بين البوازيك والصبات ...... وهوا بازوكا بردوه بس sony explode سواء 1200 أو 1300 ........ إيه الفرق بقى بين البازوكا دى وباقى البوازيك ........ إن البيز بتاعها ناعم وعميق بس من هبل فى الجبل وخلاااااااص ..... لأ ........ بيز هادى وعالى فى نفس الوقت

البازوكا دى مش إسطوانية دى على شكل سداسى يعنى ممكن تتحط فى الشنطة من غير أحزمة

وبالتوفييييييييييييق