السلام عليكم
مرحبا بكل الاخوة الكرام
معايا 128 موديل 76 (علشان كده قلت عليها غلبانة ) لكنها مش مقصرة خالص
معنديش خبرة جيدة في الصيانة
لانها ماشية معايا كويس و فين وفين لما بلاقي فيها عيب واسال عليه الخبراء واعمله
فيها عيب جديد هوضحة بالبلدي
يعني انا وماشي علي الرابع
لما بشيل رجلي من البنزين علشان اهدي وقبل ما بدوس فرامل
العربية تروح يمين وشمال بس بسيط
قلت زوايا
(اوك هظبط زوايا)
واذا دوست علي الفرامل بسيط
الاقي العربية تحدف شمال
والدريكسيون يروح ناحية الشمال
روحت للميكانيكي
مش عارف عمل ايه
المهم جربها وقالي فيه عجله بتقفش قبل التانية
تقريبا هو ظبط تيل الفرامل وكان بيقولي دوس فرامل وارفع فرامل
بعدها فهمت انه كده بيخرج الهوا (هوا ايه مش عارف )
وغير زيت الفرامل اللي هو زيت الباكم
وقالي روح اظبط زوايا وجرب
المهم جربت ونفس القصة
انا عملت الموضوع قبل ما اروح اظبط زوايا
وبسال هل كده عيب تيل فرامل ولا ايه
ممكن اضافة
ايه الحاجات المسؤلة عن الفرامل
+
الحاجة اللي بتسبب العيب ده
اسف للاطالة بس ده للتوضيح
ولان معنديش خبرة حتي في اسماء القطع الداخلية