السلام عليكم

يوم الجمعة اللى فاتت كنت فى مشوار للقاهرة الجديده...وانا ماشى على الطريق هوب لقيت كباس التكييف فصل فقلت مش اشكال الكباس طار قوم بعديها هوب طرمبة الباور فصلت ولقيت الطارة تقيله جدا جدا فقلت كده بقى اقف على جمب اشوف فيه ايه..

طبعا لقيت سير الدينامو مقطوع فجبت كهربائى فقالى ان بلية الدينامو فرطت وهيا السبب

الكهربائى قعد ساعتبن ونص يفك البليه دى وساعتين يركبها انا مش فاهم ليه

المهم انا لاحظت بعد مامشيت ان لما بشغل التكييف مروحة التكييف مبتشتغلش ولما بتكون العربيه بارده خالص واشغله ان مروحة الردياتير هيا كمان مبتشتغلش (مع ان المفروض انى اول لما مبشغل التكييف المروحتين يشتغلوا على طول).

زى مايكون مفيش اشاره للمراوح ان الكباس بتاع التكييف اشتغل..

انا شفت العبقرى اللى كان شغال فيها بيفك حاجه من تحت العربيه عند العجلة اليمين قدام شبه كباس التكييف...

دى تبقى مشكلة ايه؟؟؟؟؟؟؟؟؟؟؟؟

انا عربيتى فيكترا بى 1997 اتوماتيك