انا معاك يا بشمهندس احمد
انا معاك يا بشمهندس احمد
لعدة اسباب يا ابو حميد الاولى ان العربية مش منتشره وجديدة ونزلت مصر من شهر2 سنة 2012 يعني مش من زمان ليها 6 او 7 شهور بس وانا بحب اجيب حاجة مش مع حد ده اولاً
ثانياً اي قطع غيار هروح للتوكيل طبعاً لان العربية مشتريها توكيل ومريح دماغي من كل ده
اما ثالث حاجة ودي الاهم ان الريو هاي لاين احسن وارخص من الاكسنت rb هاي لاين غبور بصراحة بيغلي العربيات قوي على الفاضي يعني تشوف مثلاً الالنترا الـfully loaded تلاقيها تقريباً 156 الف على ايه ده ان شاء الله ؟
الاكسنت ABS بس انما الريو ABS و EBD في الهاي لاين وكمان ارخص منها وجديدة عنها يبقي اشتري ليه الاكسنت ؟ وكمان موتور 1400 يعني هيوفر في البنزين وبيولد 109 حصان يعني العربية هتبقي سريعة ومش هحس بفرق
بصراحة لقيتها معادلة موزونه ومش عايزه اوزنها من جديد ده رأيي في الريو مقابل الالنترا والاكسنت والسونك لاني كنت بقارن مابينهم لمده تقريباً شهرين
كانت ممكن تجيب سيراتو ممتازة بردو
الراجل ده بيقول كلام زى الفل
يسلم فمك يا باشا
بالنسبة يا د/ فريد انه ممكن يجيب سيراتو
السيراتو بقت منتشرة جدا جدا لدرجة مستفزة وكل الناس الى ركبوها على حد علمى مش بيشكروا فيها لاسباب عديدة
فبالنسبة لواحد عايز يشترى عربية جديدة اويحس انها جديدة والناس بتتفرج عليها زى السيراتو كدة اول ما نزلت
عتقد ان الريو ال ار بى هيبقوا اقرب لاختياراتوا
خصوصا انا السيراتو الشكل الجديد هينزل قريب
طبعا محدش يقدر ينكر الدور الكبير الى قامت بيه السيراتو
انا دايما بقول ان السيراتو هى الى رجعت كيا للحياة فى الشارع المصرى
بس زى ما حضرتك بتقول
خلاص الجيل التانى نزل وده الى الناس مش قادرة تفهمة
ان الريو بداية جيل جديد فبالتالى هى متطور كتييير جدا عن السيراتو مفينفعش يتقارنو
ثانيا دى التجربة الاولى فى الجيل الجديد فمن الطبيعى جدا انها يكون بيها بعض المشاكل
او على الاقل فى خطوط الانتاج
انا ليا صديق ليا مهندس انتاج كان شغال فى البافاريا بيقولى بنشوف مهازل ودى بى ام
وبالتالى والله كلمة صدق
الريو عربية محترمة جدا وهى استمرار لمسيرة نجاح السيراتو واعتقد انها هتنتشر بشل كتير بس مش زى السيراتو وانا متمناش كدة بصراحة
عمرو باشا انت مختلط عليك الامر
معاك ان السيراتو رجعت للكيا الحياه وانتشرت ف مصر بعد السيفيا والسيكترا والحجات دى
ولكن الريو عمرها مكانت بدايه لجيل جديد
الريو فئه والسيراتو فئه تانيه خالص...بمعنى ان السيراتو مخلصتش عشان الريو تكمل المسيره زى ما قلت
بدليل ان السيراتو الجديده نازله اهو
الريو مجرد شكل جديد نزل بعد ال 2011 فقط
لكنها ليست مسيره لفئه اعلى وهى السيراتو
زى بالظبط الاكسنت ار بى عمرها ما هتكون مسيره للانترا
انت عندك حق لما قلت انها احدث من السيراتو لانها لسا نازله...عايز تقارنها من حيث الحداثه
قارنها بالسيراتو الجديده بقى اللى هيا هتنزل خلاص كمان شهرين بالكتير طبقا لكلام اخبار اليوم
فدى فئه والتانيه فئه تانيه خالص والكارينز فئه غيرهم والبيكانتو حاجه تانيه
تحياتى
اذن احنا متفقين
انا فعلا بقارن من حيث التطور والحداثة وليست الفئة
فبالتالى احنا مينفعش نقارن الريو الحديثة شكلا (والاضافة موضوعا) بالسيراتو القديمة
من حيث تكنولوجيا المستخدمة فى السيارة والتصميم الحديث
بالفعل يجب الانتظار للجيل الثانى من السيراتو للمقارنة بينهم
وقصة ان الريو تكمل المسيرة دا شء لا يسئ بالمرة للسيراتو سياسة اى شركة عندها نظام وفكر تسويقى متمير على مستوى العالم انها متخليش المشترى ابدا يحس انها مفيهاش جديد
والدليل ان السيراتو الجديدة خلصان تصميمها من زمان جدا لية منزلتش لحد دلوقتى لان الريو موجودة شوية والناس تشترى الريو اول ما تنتشر وتبقى قديمة ويبقى فى رعونة فى شراها تبدا السيراتو تنزل علشان دايما يبقى فى اقبال على مبيعات الشركة
زى الالنترا والاكسنت الاكسنت نزلت الاول ثم بعدها تقريبا ب 6 اشهر نزلت الالنترا
وبالتالى لما اقول الريو تكمل المسيرة .................اظن ان انا مغلطتش ولا ايه ؟
وشكرا طبعا ل م احمد على التوضيح
ومتاسف جدا لو مكنتش قدرت اوصل الفكرة من اول مرة واسف للاطالة
السيراتو اداء و ثبات و متور قوي و تصميم تحفة عمرها ما تتقارن بريو ابدا