الموضوع: ايه الفرق بين الريو الخليجى و التوكيل من حيث الامكانيات و السعر؟

المشاركة الأصلية كتبت بواسطة mohab.nabil

هى عربية كويسة بصراحة

بس انا شايف المشكلة ان بسبب الكماليات الكتير اوى اللى فيها سعرها طلع لفوق اوى

و المنافسة بقت شديدة اوى معاها

يعنى 132 سعر الهاى لاين الخليجى يجيبوا فئة كويسة من الالنترا او سيراتو او فلوينس و دول فئة اعلى

تيجى لو عايز حاجة صغيرة هاتشباك زى الريو تلاقى الكورسا الهاى لاين ارخص منها و بصراحة انا شايفها احسن

عموما العربيات اذواق و اختيارات و كل واحد بيشوف ايه اكتر عربية مناسبة ليه و اكيد محدش هيروح يدفع 132 الف و هو مش عارف هو هياخد بيهم ايه فالمسألة فى الاخر موضوع اقتناع و نصيب مكتوب لكل واحد

و بالتوفيق لكل مالكين السيارة و يا ريت لو حد منهم يعملنا تقرير جميل كده عن العربية نتعرف عليها اكتر

مين قال ان الريو بـ132 ؟ دي معلومة جديدة بس غلط لان سعر الريو هاي لاين 122 الف :)

والهاي لاين من الريو فيها abs و ebd تعال قول لي الالنترا الـfully loaded بـ156 الف ومفيهاش الا abs :)

ياريت تراجع مواصفات الالنترا ومواصفات الريو

ياجماعة مره تانية اللي معندوش العربية ميحكمش عليها لان باين ان العربية دي سر ولا ايه كل اللي مش معاه مش عارفها ونازل كلام سئ عليها رغم انها معندوش :s

المشاركة الأصلية كتبت بواسطة mohab.nabil

يا باشا مش انا اللى سعرتها و الله

انا لسه شايفها عند اوتو سمير ريان الهاتشباك اعلى فئة جنوط 17 فتحة سقف بلوتوث فرش جلد و حاجات تانية كتير و دا كان سعرها و كانت خليجى مش توكيل كمان

و انا عارف 132 الف يجيبوا فى الالنترا و السيراتو ايه برضه مش نفس كماليات الريو اه بس هيجيبوا حاجة محترمة برضه فيها abs/airbags

انا مقولتش كلام سىء يا باشا و معيبتش فى العربية و لا حكمت عليها لأنى اصلا مركبتهاش فمش هحكم عليها .. انا اتكلمت فى نقطة واحدة بس اللى هى السعر و قارنتها بالعربيات المنافسة ليها و قلت رأيى الشخصى برضه انى شايف ان فى الفئة السعرية ديه فى حاجات احسن منها

اكيد انت سمعت غلط انا اتصلت بصديق لي في التوكيل دلوقتي حالاً وقال لي هي غليت 900 جنية بس بقيت بـ122.900 قال لي اكيد سمع غلط لان لايمكن يرفع السعر كده ولو رفعه يبقي غلطان اللي يشتريها منه

وكمان خليجي يعني بطيخة مقفولة وانت وحظك انت لو رحت التوكيل هتشوف ان سعرها زي ما قلت له وهتعرف انها الافضل سعراً على الامكانيات وخصوصاً وسائل الامان لان ده كان اول شئ امامي في اختيار سيارتي