التكيف مش حلو خالص ؟؟

**sas5** · 29-08-2012 10:44 PM

المشاركة الأصلية كتبت بواسطة y a r i s

تمام. ياشباب انا بقول الكلام عن خبرة قديمة من قيمت عشر سنين. باظ عندي تكيف عربية كابريس في توكيل الجميح قالولي المعلومة دي.
وكان شرح المنهدس ساعتها كان لبناني. قالي المكيف لو تلاحظ. لمن تيجي تشغلوا مش تحس ان العربية همدت كده وتحس ان في حمل على المتور وكان المتور اتاخد منك. شويتين .... فتصور متور بيجري. وعدد لفاتوا سريعة وفي وسط ماهو بيجري ومتسارع تقوم تشغلوا مره وحده. وتحمل عليه. مره على مره. بتخرب المكينة او. الكمبروسور.

لذلك حتى لو العربية كانت اصيلة معاك واستحملت المخمضة الي تعملها فيها من تشغيل تكييف العربية على سرعة ١٧٠ او حتى ١٠٠ مرة على مرة بتلاحظ ان كفائة التكييف بتقل. ومره على مره تبص تلاقي الكومبروسور عندك ودع بدري بدري. وبرضو الله اعلم. يمكن خبراء التكيف يقدروا يفيدونا اكتر لان مهما كان الانسان خبير كل يوم بيتعلم شيء جديد

وهو الموضوع ده يعتبر جدلي اكتر ماهو علمي زي في ناس تقلك لامش مهم تسخن العربية. وتسوق على طول
وناس تقلك لا المفروض تسخن العربية مره وحده في اليوم فقط
والتالت يقولك لا لازم تسخنها اذا سيبتها فترة من الزمن مركونه والمتور برد .... بس هو شيء مفيد اننا نعرف الصح ونعملوا والكل يستفيد وتحياتي ليكم يا غاليين. ومستني رد الخبراء

السلام عليكم ورحمه الله
اعتقد حضرت التى تتحدث عنه كان يحدث في تكنولوجيا قديمه عندما كان الكباس يحمل على الموتور وتلاحظ ان العربيه حدث لها شى غريب عند تشغيل المكيف
اما الان التكنولوجيا الحديثه اصبح الكباس لايحمل تحميل كامل على الموتور بل الان فيه كباسات تشتغل على الكهرباء فقط.
اذكركم فقط بموضوع الباور الان الباور يعمل بالكهرباء عكس زمان الذى كان يحمل ايضا على السياره

**sas5** · 29-08-2012 10:53 PM

المشاركة الأصلية كتبت بواسطة y a r i s

هو اكيد لو غسلت السربنتينه ونضفتها هتفرق جامد. بس. فرحرارة المتور فقط ومستوى تبريدوا اما بالنسبة للسربنتينه الداخليه وهيا دي الاهم بالنسبة للتكيف هتفكها ازاي بس دي تحت التابلوة

انا جبت بخاخ كده بخمسين جنيه. بينظف السربنتينه. ( الماني ). بتشغلوا في العربية وتشغل التكيف على الاخر وتسيب العربية ربع ساعه. وبعدين تهويها بس البخاخ ده. كبيروا انو بيضيعلك ريحة العفونة. بتاعت التكييف او روائح السجاير في منو لوكي مولي وفي منو سونيكس الماني ممتاز. وبرضوا لو باشمهندس عاصم يفقعنا تقرير كده حلو من تقاريروا عن غسيل السربنتينه الداخلية بتاعت التكييف يبقى في الجون.

بس انا حاسس انك بتتكلم عن المشكلة الي بحسها انا وهيا ان رقم واحد ورقم اتنين في التكيف سرعة المروحة مش سريعة زي رقم واحد او اتنين في الكورولا او الانسر او حتى اللوجن .... ده العربية اللوجن دي برغم انها عربية زبالة الا ان التكيف بتعها على رقم واحد. بتجمد الكبينة جوا. تكيفها ابن لزينة بجد ملهوش حل فانا حاسس انك بتتكلم عن مفائة المروحة وهل هيا بتتغسل او تتنضف دي تقر تشوفها. لو فكيت درج التابلوة شيل البلاستيكاية الي ورة درج التابلوه وشوف اذا واقع حاجة من درج التابلوة عليها او فيها وساخة

يجب التفرقه بين سرعه المروحه وبين التبريد انا خلال تملكى لاكثر من سياره اصبحت الاحظ ان السياره في الجو الحار تكون سرعه المروحه رقم واحد والسرعه الثانيه بطيئه جدا ولاتدفع الهواء بعكس لما تكون السياره بارده
واضطر انا اشغل المروحه على الدرجه الثالثه او الرابعه حتى يصلنى الهواء البارد

**asemx1** · 30-08-2012 12:32 PM

عجبت لقوما قاعدين معايا فى المنصوره ولا ياتون حتى ليشربوا معى شاى .......

انا مش هقولك الا كلمه واحده كلمنى فى اى وقت 01114441014 وعدى عليا انا فى حى الجامعه وهشوفلك التكيف وهقولك تعمل ايه

**asemx1** · 30-08-2012 12:37 PM

المشاركة الأصلية كتبت بواسطة Y a r i s

مش عارف بس حضرتك شيكت على الفريون بتعها يمكن يكون نقص او اتكسر ومش بيتمدد كويس

دي نقطه النقطه التانية : اوعه تشغل تكيفك او تطفي التكييف بتاعك وانتا ماشي على سرعة اعلى من ٤٠ لان الحركة دي بتضعف التكيف بجدددددد وممكن تحرق الكومبوروسر

كلام خاطىء 100% وهذا اللبنانى يحتاج الى تنظيف للسربنتينه بتاعته علشان بتطلع روائح مش كويسه

بالعكس دا التكيف بيشتغل عند سرعات عاليه بكفائه ويحمى الكمبروسور من السخونه والحراره بتاعت السرعه البطئيه

ولو عندك سرموستات وجيت عملت التكيف على السرعه الاولى فى اى عربيه مثلا هتلاقى الكمبروسور بيطفى ويشتغل كل دقيقه او نص دقيقه تخيل انتا بقى وانتا طاير بيطفى ويشتغل ازاى
هتلاقيه كتيييييييير

تحياتى لك ... م\ عاصم جاد

**Y a r i s** · 30-08-2012 11:06 PM

المشاركة الأصلية كتبت بواسطة asemx1

كلام خاطىء 100% وهذا اللبنانى يحتاج الى تنظيف للسربنتينه بتاعته علشان بتطلع روائح مش كويسه

بالعكس دا التكيف بيشتغل عند سرعات عاليه بكفائه ويحمى الكمبروسور من السخونه والحراره بتاعت السرعه البطئيه

ولو عندك سرموستات وجيت عملت التكيف على السرعه الاولى فى اى عربيه مثلا هتلاقى الكمبروسور بيطفى ويشتغل كل دقيقه او نص دقيقه تخيل انتا بقى وانتا طاير بيطفى ويشتغل ازاى
هتلاقيه كتيييييييير

تحياتى لك ... م\ عاصم جاد

معليش تاني يا باشمهندس عاصم. وفهمنا اكتر ، هو احنا بنقول ان غلط انك تشغل التكيف وانتا ماشي بسرعه يعني انتا ماشي على سرعة مثلاً ١٢٠. وفاتح الشبابيك جيت قفلت الشبابيك وشغلت المكيف مره وحده وانتا ماشي بسرعة عالية. مش كده التكيف يعمل
( بووووووووووووووووم )

او مثلاً كنت ماشي على سرعة ١٤٠ وجيت سقعت وجي الي جمبك قالك خلاص بقة اطفي التكيف. وانتا ماشي على سرعة عاليه جداً. وجيت طفيت التكيف فجئة. على سرعة العرابية العاليه دي مش كده يبوظ. الكومبريسور. وممكن يحرقوا

**Ahmod** · 31-08-2012 02:09 PM

المشاركة الأصلية كتبت بواسطة y a r i s

مش عارف بس حضرتك شيكت على الفريون بتعها يمكن يكون نقص او اتكسر ومش بيتمدد كويس

دي نقطه النقطه التانية : اوعه تشغل تكيفك او تطفي التكييف بتاعك وانتا ماشي على سرعة اعلى من ٤٠ لان الحركة دي بتضعف التكيف بجدددددد وممكن تحرق الكومبوروسر

!!!!!! اول مرة اسمع الكلام ده !!

مش معقول يعني الواحد عشان يشغل التكييف لازم يركن على جمب ويوقف العربية ويشغل التكييف !! ؟؟

طول عمرنا الواحد بيبقى سايق ويحس بالحر يقوم مشغل التكييف !! ماشي على 20 ماشي على 200 واحد مش فارقة !!

-------

بالنسبة لصاحب الموضوع اقترح انك تروح لبتاع تكييف يشكفلك على الفيرون

بس الاول اتاكد انك بتشغل التكييف بالطريقة الصح بمعنى

انك لو موقف العربية في الشمس بقالها كتير واول ماركبت شغلت التكييف علطول وبيجيب هوا من جوة العربية !! انسى ان العربية تسقع

لو العربية واقفة في الشمس لازم الاول تتحرك بيها شوية وتفتح الشبابيك عشان تطرد الهوا السخن بعد كدة تشغل التكييف بحيث يجيب هوا من برة العربية لمدة دقائق بعدها تشغله يجيبلك هوا من جوة العربية

اما لو الجو معقول او مركونة في الضل فممكن تشغل التكييف علطول هوا من جوة العربية

يستحن انك تلغي الهوا اللى بيجي من تحت الدواسات بحيث تغلي الهوا كله مركز من فوق ودي بتتحكم فيها من الاوكر بتاعة التكييف فيها اتجاه الهوا بيطلع منين