انا كنت عايز اسال عن قدرة البطارية الكلورايد اللي بتيجي مع موديل 2008 صني
يعنى 44 - 50 - 70
و شكرا يا شباب
عرض للطباعة
انا كنت عايز اسال عن قدرة البطارية الكلورايد اللي بتيجي مع موديل 2008 صني
يعنى 44 - 50 - 70
و شكرا يا شباب
44 ضعيفة جدا
اصل البطارية الأصلية باظت و روحت غيرتها فى توكيل كلورايد و بدلوها و دفعت 140 فرق إستهلاك , بس لما مشيت لقيت البطارية الجديدة 44 و نسيت اشوف القديمة كانت كام ,, 44 فعلا ضعيفة بس مش عارف الأصلية 44 ولا اكتر ,,,؟؟؟
البطارية الكلورايد اللى فى النيسان 44 امبير لان البطارية الاصلى اللى فى النيسان صنى اليابانى كانت باناسونيك 44 امبير برده
البطاريه بقالها معايا 3 سنين اهى و شغاله كويس
بطارية سيئة وضعيفة وكل ماواحد يشوفها يستغرب على 44امبير هى توكتك:knight::knight:
معلش يا جماعة انا بس عايز اسأل سؤال، وهو ليس سؤال استنكارى لكن سؤال استفسارى لأن انا عايز اكون رأى نهائى عن البطارية
كلمة "ضعيفة" اتكررت فى 3-4 مشاركات، فعلى اى اساس انتم حكمتم انها ضعيفة، هل لمجرد انها 44 أمبير؟ ام ان ضعفها ظهر فى حالة معينة من حالات التشغيل؟ يعنى مثلا هل حد منكم لما بيشغل التكييف بالليل بيحس ان نور العربية دخفس مثلا، او ان تشغيل المارش عدة مرات متتالية بيعمل مشكلة؟
ياريت تدلوا بدلوكم فى هذا الموضوع لأن اجاباتكم هتنور لى الطريق علشان اقطع فى موضوع البطارية برأى نهائى
الجهبز بتاعنا السبعاوي
بقى انت مستنى راينا ,,,, عيب قوي ده إحنا اللى بنستي رأيك يا باشا
انا عن نفسى قولت ضعيفة علي اساس :-
1 - عربيتى القديمة اكسنت 1300 موديل 2000 و كانت 55 امبير
2 - صاحب محل بطاريات جمب البيت قاللى كدة و ضرب مثل إن ال 127 بيركب فيها 44
3 - إنها ضربت ( باظت) بعد 5 شهور إستعمال ممكن يكون عيب تصنيع او قولت يمكن البطارية ضعيفة علية
و الله أعلم
هقول لك انا ليه بسأل السؤال ده:
بالفعل ال127 كان بيركب فيها 55 أمبير، لكنها مصممة بشكل يحتاج لهذا الحمل، يعنى تكنولوجيا المحرك قديمة وحمله ثقيل على المارش وبياخد وقت على ما يلقط ، الخ، الى جانب ان الدينامو سعته قليلة وبالتالى بيحتاج البطارية تسد عليه فى الرعات البطيئة
لكن مع التطور فى التصميم،فحمل المحرك مش عالى على المارش وبالتالى المارش، وهو اقصى حمل للبطارية مش بيستنزفها، الى جانب ان الدينامو سعته مرتفعة (0 امبير فى الصنى) وبالتالى فهو بيشيل احمال العربية(تكييف، انوار، كاسيت، مروح تبريد الخ) فى كل السرعات، ولذلك فان حتى النسخة اليابانى من العربية كانت ببطارية باناسونيك 44 امبير برضه، يعنى هى العربية مصممة اساسا للعمل ببطارية سعتها 44 أمبير، كل الناس اللى انا سألتهم هل بتعانى من اى مشاكل مع العربية سببها البطارية والجميع نفوا وجود مشاكل بسبب البطارية، اللهم ان بطارية تبوظ بسبب عيب تصنيع وفى هذة الحل فالعيب فى البطارية نفسها وليس فى كونها Undersize
تركيب بطارية اكبر لن يضر لكنه فى نفس الوقت مصاريف على الفاضى، يعن انا لو هغير البطارية لأى سبب ومش ناوى اركب اضافات كهربائية للعربية(نظام صوت مثلا)هجيب بطارية جافة 44 أمبير برضه
انا عايز اغير البطارية دى فى واحد بتاع بطاريات قالى خد بطارية جافة 70امبير
دى احسن ولن تضر العربية اتصلت بالتوكيل قالى ممكن 44امبير او 55امبيرعلى
اقصى تقدير وجافة ماشى لكن 70 امبير خطر على الضفيرة وباقى نظام الكهرباء
ارجو الافادة للضرورة القصوى من ا/سبعــــــــــــــــــــــ ــاوى لان العربية فى الدوارة
بتاخر والنور باليل ضعيف مع التكيف
:help::help::help:وشكرا
انا النهاردة عملت اختبار على بطارية العربية هقول لكم على نتائجة لأنى اعتقد انها هتحسم القضية الى حد كبير
1- قياس فولت البطارية والعربية مبطلة ولا توجد احمال 12.35 فولط
2-قياس فولت البطارية والعربية مبطلة مع تشغيل الأنوار كلها ومراوح التكييف 11.6
3-قياس فولت البطارية والعربية مدورة بدون احمال 14.35
4-قياس فولت البطارية والعربية مدورة(سلانسيه) مع تشغيل كافة الأحمال(اضاءة عالية +مصابيح انتظار+تكييف) 13.7 فولت
وده معناه ببساطة ان البطارية ال 44 أمبير شايلة كل احمال العربية الكهربية بكفائة لأن الدينامو فى السلانسيه بيشحن البطارية بأقل قدر ممكن ومع كدة الفولت مانزلش عن 13.7 مع الحمل
البطارية ال44 شايلة احمال العربية بدون مشاكل، لكن بالنسبة لصديقنا اللى عنده التكييف بيضعف النور فغالبا ان البطارية ابتدت تضعف ومجتاجة تتغير، وطالما ان التوكيل شايف ان ال 55 مناسبة ايضا يبقى اكيد هم ادرى بعربيتهم، لكن بطارية 70 اعتقد انها هتحط حمل شحن عالى على الدينامو والضفيرة، وده انا شفت مثال منه بعينى لأنى اثناء التجربة وصلت بطارية الريجاتا على التوازى مع بطارية الصنى اثناء تشغيل المحرك ولقيت الفولط نزل جدا حتى بدون احمال فيما معناه ان الدينامو بذل مجهود على علشان يشحن بطاريتين مجموعهم 100 أمبير، وهذا بالطبع سيكون مطبقا بشكل جزئى فى حالة البطارية ال70 أمبير
م/ سبعاوى
والله استاذ ورئيس قسم كمان
ربنا يخليك لينا وللمنتدى ويكثر من امثالك
مع خالص تحياتى