زي ما واضح من العنوان
ارجو المقارنة بين سيتروين c4 رينو ميجان وسوبارو اميريزا وبيجو 307 وفورد فوكس
وممكن نضيف ليهم الاوبل فيكترا
الموديل من 2005 وحتى 2009
الهدف هو الامان والكماليات والاعتمادية(قلة العيوب) والوسع والاداء والخامات والتقفيل وفخامة التبلوه
توفر قطع الغيار خارج التوكيل وسعر اعادة البيع وسعر قطع الغيار واستهلاك البنزين مش مشكلة ان شاء الله
وارجو الرد سريعا فعلا لاني مستعجل واريد الشراء باذن الله
وشكرا
لا تنسوا الاستطلاع
ارجوا اضافة الاوبل استرا ليهم
الميجان و البيجو تقريباً زي بعض فى كل حاجة.........الميجان تفرق فى أن توكليها أحسن شوية بس
حاجة تانية كراسي البيجو ال 307 أريح من كراسي الميجان
السى 4 ممتازة برضه بس توكليها مشكلة و سعر إعادة البيع أعتقد أقل من الأتنين اللى فاتو.
أعتقد ال 3 اللى فوق كلهم واخدين 5 نجوم فى إختبارات الأمان و كلهم 6 أيرباج أو 4 على الأقل.
الفوكس حلوة برضه و ثابتة بس كمالياتها أقل من ال 3 اللى فوق....و أعتقد فيها أيرباج واحدة أو أتنين.
الأمبريزا كويسة برضه بس أضيق شوية من الميجان و مش فاكر كام أيرباج.
الأمبريزا و الفوكس كانت واحدة منهم واخدة 4 نجوم و التانية 5 نجوم فى إختبارات الأمان الأوروبية EuroNCAP بس مش فاكر مين فيهم 4 و مين 5
أكثرهم أعتمادية أعتقد الأمبريزا.
فيه حاجات كاتب قبلها أعتقد لأني مش متأكد...........يا ريت لو حد لقى معلومة غلط يصحح لي.
الفوكس 5 نجوم و الأمبريزا 4
الأوبل معنديش معلومات كفاية عنها......غير أن توكيلها كانت مش قد كده أيام ما كان معايا الفيكترا b فى 2003 أو 2002
السوبارو ..
لما عملت المقارنة دي و انا بادور على عربية رسيت على الميجان
في رأيي انسبهم الميجان و الفيكترا لأنهم بيجمعوا متوسط كذا حاجة مع بعض , بين الانتشار و اسعار قطع الغيار و العربية ك(ركوبة)
الامبريزا و البيجو اقل في قطع الغيار , البيجو اقل انتشارا بكتير
الامبريزا اعتمادية اكتر
احسن خدمة توكيل فيهم رينو (مش عارف ايه نظام فورد)
مقارنة قوية فعلا
شكرا جزيلا لكل الناس اللي ردت
وارجوا من الجميع المشاركة
لان فعلا الموضوع محير فعلا
وكل حد اساله يقول حاجة شكل
انا لو مكانك هبعد عن الميجان وال 307
رايي ال c4 كويسة جدا
علل ؟اقتباس:
المشاركة الأصلية كتبت بواسطة mody3on
+11111111111اقتباس:
المشاركة الأصلية كتبت بواسطة ahmed a.maksoud
ال 307 اعطالها كتيرة جدا ومعظم اللي معاهم العربية بيشتكوا منهااقتباس:
المشاركة الأصلية كتبت بواسطة Ahmed A.Maksoud
والميجان برضه كدة
ال c4 الشكاوي منها اقل بكتير من 307 وميجان 2
مش عارف بقى هل لان عدد ملاكها قليل اصلا ولا عشان ايه
على الرغم من ان الموضوع قُتل بحثاً قبل كدهاقتباس:
المشاركة الأصلية كتبت بواسطة mody3on
الميجان و ال 307 تقريباً واحد........و عموماً فيه أعطال محدش قال مفيش بس نسبة اللى بيشتكو من العربية أقل بكتير من نسبة اللى مش بيشتكوا.......
ال C4 إنتشارها مش زى الباقي.........و بالتالى ده ممكن يكون مأثر طبعاً.
يا جماعة الميجان مشاكلها معظمها مشاكل عادية.............الفكرة بس أن الكمبيوتر بيطلعلك رسالة تحذيرية لما يكون فيه مشكلة فى أولها علشان تلحقها..........و الناس مش واخدة على كده.
معظم الناس فاكرة أن الميجان فيها حساسات مش موجودة فى عربيات تانية..........بس الواقع أنها نفس الحساسات اللى موجودة فى العربيات التانية بس جايز تفرق فى مسميات من ماركة للتانية........و لو فرقت فى عدد الحساسات تفرق فى عدد قليل و من ضمنهم حساس المطر و حساس النور اللى لو بايظين مش هيأثرو على العربية تماماًو هتمشى عادي جداً.
كان فيه موضوع فى نيسان من فترة عن جميع الحساسات اللى فى العربية و هتلاقو فيه أن فيه عضو معانا كان مستغرب و قايل فيما معناه " كل دى حساسات......امال ليه بيقولو على الميجان كلها حساسات "
مثال علشان توضيح الرسائل التحذيرية.......على الميجان و أوكتافيا A4 الأتنين باظ فيهم ماكينة الأستوب و اللى ساعات بيتقال عليها حساس الأستوب
ده وظيفته إستشعار دوسة الفرامل علشان يسمحلك تنقل الفتيس من P ل D مثلاً.......و دى حاجة موجودة فى كل العربيات الأوتوماتيك.
فى الأوكتافيا حصلت مع صاحبي و معرفش المشكلة أيه...........مجرد أن العربية مش بتدور بس.
معايا فى الميجان طلعتلى رسالة Electronic fault بصيت على الكتالوج و عرفت أيه أسبابها و غيرت الماكينة فى التوكيل ب 150 جم بالضريبة و المصنعية و المشكلة أتحلت.
بالمناسبة العربيتين فيهم طريقة علشان تدور العربية مع وجود العيب ده برضه............بس للأسف مش فاكرهم.
موش عارف انتا بتدور ليه علي حاجة تتعبك سواء في صيانتها او اعطالها او قطع غيارها
عندك الالماني ثم الياباني عدا الامبريزا اللى موش بشوفها الا في الاعلانات فقط حتقولي ان انا مبشوفش بس والله فعلا نادرا لما بشوفها في الشارع
بص هو انا ياما شفت ناس بتشتكي من ال 307 والميجان 2اقتباس:
المشاركة الأصلية كتبت بواسطة Ahmed A.Maksoud
هنا عالمنتدى كتير وناس اعرفهم شخصيا كتير برضه
ومش في مصر بس ، هما معروفين باعتماديتهم الضعيفة
Peugeot 307 - Wikipedia, the free encyclopedia
Driver Power: Best for reliability and build quality | Auto Express
Driver Power 2012: Best compact family car | Auto Express
شوف last places
http://www.whatcar.com/car-reviews/u...ummary/23745-5
It's outstandingly safe, well equipped and good-looking, but plagued by niggling faults
ياما حصل حوارات زي دي زمان.........و كل طرف جاب لينكات للتاني.....و محدش عرف يثبت حاجة for granted
دور فى قسم رينو زمان من حوالى 4 سنين و فى المقارنات على ما أذكر برضه هتلاقى من الحوارات دى كتير.
و العربية ساعتها كانت يدوب بقالها سنتين أو تلاتة و دلوقتي بقالها سبع سنين........و معايا أتنين ميجان واحدة فى مصر و التانية فى الإمارات.........و بكل بساطة لو كانت بالمنظر الشنيع اللى بيقولوه عليها مكنتش جبتها هنا لمراتي..........خصوصاً أن هنا مش بيشتغل فيها غير التوكيل و المصنعيات عموماً غالية بغباء عن مصر..........و أكيد أنا مش غاوي دفع فلوس و خلاص......
على سيرة الحساسات (اللي انا لحد دلوقت ما عرفتش ايه فيها زيادة عن العربيات التانية فعلا)
مرة انا و بعض المعارف كنا بنتكلم , واحد من اللي بيتكلموا (معاه لوجان) , قال ان الميجان فيها 120 حساس :))))))))))
حضرتك استخدامك غير استخدام ناس تانية ، واكيد مش كل الميجانوات اللي اتباعت في العالم بايظة ، هي اعطال بتطلع في عربيات وعربيات بس بنسب اكتر من باقي فئتها مش اكتر ، وربنا يباركلك في عربياتك :)اقتباس:
المشاركة الأصلية كتبت بواسطة ahmed a.maksoud
باشا انا قبل مااجيب الاوبل كنت بفكر ف الميجان موديل 2007 او 2008 وكنت بفكر ف الاسكودا ايه فور كنت حاصر اختياراتى ف العربيتين دوول المهم شوفت الاوبل وفخامة الكراسي والتابلوه وسهولة استخدام الكاسيت وزرايره عارف حسيت انى راكب مرسيدس او بي ام وكنت بقول لنفسي ايه الميجان والاسكودا اول ماتدخل تلاقيهم اسود من جوة كله وشوفت الاوبل والابانوس اللي فيها قولت هي دي وكانت موديل 2007 مانيوال كاملة ومش هقولك ع كماليتها بقى مش تتعد فرامل ايه بي اس وايه بي دي وحساس مطر وفوجات ورى وقدام و4 ايرباج ومرايات تعتيم وجنوط حديد ودركسيون مالتي فينكشن ومرايات ضم ومعظم الحاجات دي مش موجودة ولا ف الاسكودا ولا السيتروين ولا الامبريزا ولا البيجو
ولو مش عجباك الفيكترا لضخامتها فانا ارشحلك الفوكس او الميجان او الامبريزا
شكرا لكل الناس اللي ردت وانا لي تعليق بسيييييط جدا
استخدام العربية مش كتير ابدا
مقارنه قويه بس ليه مضفش ليهم الماذدا 3؟
بيجو 307
بالنسبة لي الفيكترا بدون تردد
فوكاس و ادعيلى