مقارنة الكبار 307 c4 ميجان وفوكس وامبريزا ::: ارجوا الرد اليوم

**Boory** · 30-08-2012 09:23 AM

زي ما واضح من العنوان
ارجو المقارنة بين سيتروين c4 رينو ميجان وسوبارو اميريزا وبيجو 307 وفورد فوكس
وممكن نضيف ليهم الاوبل فيكترا
الموديل من 2005 وحتى 2009
الهدف هو الامان والكماليات والاعتمادية(قلة العيوب) والوسع والاداء والخامات والتقفيل وفخامة التبلوه
توفر قطع الغيار خارج التوكيل وسعر اعادة البيع وسعر قطع الغيار واستهلاك البنزين مش مشكلة ان شاء الله
وارجو الرد سريعا فعلا لاني مستعجل واريد الشراء باذن الله
وشكرا
لا تنسوا الاستطلاع

**Boory** · 30-08-2012 12:02 PM

ارجوا اضافة الاوبل استرا ليهم

**Ahmed Selim** · 30-08-2012 12:18 PM

الميجان و البيجو تقريباً زي بعض فى كل حاجة.........الميجان تفرق فى أن توكليها أحسن شوية بس
حاجة تانية كراسي البيجو ال 307 أريح من كراسي الميجان

السى 4 ممتازة برضه بس توكليها مشكلة و سعر إعادة البيع أعتقد أقل من الأتنين اللى فاتو.

أعتقد ال 3 اللى فوق كلهم واخدين 5 نجوم فى إختبارات الأمان و كلهم 6 أيرباج أو 4 على الأقل.

الفوكس حلوة برضه و ثابتة بس كمالياتها أقل من ال 3 اللى فوق....و أعتقد فيها أيرباج واحدة أو أتنين.
الأمبريزا كويسة برضه بس أضيق شوية من الميجان و مش فاكر كام أيرباج.

الأمبريزا و الفوكس كانت واحدة منهم واخدة 4 نجوم و التانية 5 نجوم فى إختبارات الأمان الأوروبية EuroNCAP بس مش فاكر مين فيهم 4 و مين 5

أكثرهم أعتمادية أعتقد الأمبريزا.

فيه حاجات كاتب قبلها أعتقد لأني مش متأكد...........يا ريت لو حد لقى معلومة غلط يصحح لي.

**Ahmed Selim** · 30-08-2012 12:28 PM

الفوكس 5 نجوم و الأمبريزا 4

الأوبل معنديش معلومات كفاية عنها......غير أن توكيلها كانت مش قد كده أيام ما كان معايا الفيكترا b فى 2003 أو 2002

**تامر.محمد** · 31-08-2012 02:10 AM

لما عملت المقارنة دي و انا بادور على عربية رسيت على الميجان

في رأيي انسبهم الميجان و الفيكترا لأنهم بيجمعوا متوسط كذا حاجة مع بعض , بين الانتشار و اسعار قطع الغيار و العربية ك(ركوبة)
الامبريزا و البيجو اقل في قطع الغيار , البيجو اقل انتشارا بكتير
الامبريزا اعتمادية اكتر
احسن خدمة توكيل فيهم رينو (مش عارف ايه نظام فورد)