سؤال من فضلكم ...ممكن ؟

**polo61** · 29-06-2008 09:01 PM

ياجماعة هوه طبيعى تسيب مفتاح العربية لسايس الجراج حتى لو هى مكانها مش بيعطل اى عربية تانية طالعة او داخلة
انا بصراحة بعد الحاح منه سبت له المفاتيح بس متغاظة جدا خاصة بعد ماعرفت انه بيتعلم السواقة على العربيات دى بيعلمه واحد قريبه فى الجراج معاه
ارجوكم ردوا وفهمونى هو قانون يعنى سيب المفاتيح ؟
تحيتى لكم جميعا

**bee** · 29-06-2008 09:17 PM

طبعا يعني مش المفروض اسيب مفتاح العربية لاي شخص كان ..
خصوصا لحد معرفهوش
انتي تركني ركنة كويسة وتقفلي العربية وتاخدي مفتاحك
الا في اماكن معينة في فنادق كبيرة لانه مضمون محدش بيلمس العربية وبيكون المفتاح معاهم للطوارئ فقط لا غير لا قدر الله

**Xpert** · 29-06-2008 09:23 PM

مانصحكيش ... بس حضرتك تقدري تسيبي العربيه علي وضع الموور .. و لو هيا اوتوماتيك علي وضع ال N
و تسيبي فرمله اليد مش مشدوده علشان لو حب يزق العربيه قدام و وراء .. اكتر من كده يبقي ناخد العربيه معانا الشقه فوق احسن ...

**polo61** · 29-06-2008 09:24 PM

شكرا اخى bee على الرد على سؤالى
بس لو ااقول لحضرتك كانوا هايجنوا , والمفتاح معايا كل شوية يطلع السايس يقول هاتوا المفتاح وانا بصراحة كنت عايزة اعمل نسخة لهم عليه ولكن ما امكنش وكل خوفى يضيع منهم مثلا وهو مفتاح الفابريكة والعربية زيرو بقالها شهر بس
بصراحة انا اتخنقت منهم قولت يمكن كل الناس بتسيب مفاتيح عربياتهم خاصة انهم الجراج ده اول جار لنا عالطول مش معقول اروح جراج تانى بعيد مثلا
بصراحة الموضوع مضايقنى ومحرجة منهم جدا خاصة مرة لقيت اعقاب سجاير جوه العربية على الموكيت

**fahd_628** · 29-06-2008 09:25 PM

انا عمرى ما بدى المفتاح لحد حتى لو شوماخر :)

سواقين الجراج دول اسواء سواقين

بيجربو كل العربيات

و انا بشوفهم بيسوقو ازاى

و مش بعيد لو انتى مسافرة و سايبالة المفتاح تلاقية لامم اصحابة و خارجين :(

**Xpert** · 29-06-2008 09:28 PM

المشاركة الأصلية كتبت بواسطة polo61

شكرا اخى bee على الرد على سؤالى
بس لو ااقول لحضرتك كانوا هايجنوا , والمفتاح معايا كل شوية يطلع السايس يقول هاتوا المفتاح وانا بصراحة كنت عايزة اعمل نسخة لهم عليه ولكن ما امكنش وكل خوفى يضيع منهم مثلا وهو مفتاح الفابريكة والعربية زيرو بقالها شهر بس
بصراحة انا اتخنقت منهم قولت يمكن كل الناس بتسيب مفاتيح عربياتهم خاصة انهم الجراج ده اول جار لنا عالطول مش معقول اروح جراج تانى بعيد مثلا
بصراحة الموضوع مضايقنى ومحرجة منهم جدا خاصة مرة لقيت اعقاب سجاير جوه العربية على الموكيت

قوليله حضرتك بالنص : انا اسفه مقدرش اسيب المفتاح .. انا هاسيبهالك بحيث انك ممكن تزقها ... اكتر من كده لاء ...(بحزم)
ممكن لا قدر الله يخبط حاجه او حد بيها ... ممكن يعملوها التاكسي بتاعهم .. ممكن يسيبوا فيها حاجات غير شرعيه .. الواحد لازم ياخد احتياطاته ....

كفايه قوي انه لو خدها و البيه بيتعلم كده و لا قدر الله خبط حاجه او عمل مصيبه ......

بيشو ...

**polo61** · 29-06-2008 09:28 PM

شكرا اخى Xpert

شوف العربية لبنتى وكونها بنت بتحرج تدخل الجراج تركنها بتسيبها له هوه يدخلها الجراج بنفسه
وطبعا بيستهبل ومايدهاش المفتاح ... العربية مش اوتوماتيك مانيوال
انصحنى اتصرف معاهم ازاى من فضلك ؟

**Xpert** · 29-06-2008 09:31 PM

حضرتك ممكن تنزلي بنفسك تكلميهم .. قوليلهم انتو جراج بتاع عربيات ... لو هاسيب المفتاح لكم علي كول يبقي اركنها في الشارع احسن ...
العالم دي لابد ان تتعاملي معاهم بحذر ... و انزليلهم شخصياً ... قوليلهم موُروا العربيه و سيبو فرمله اليد مش مشدوده و المفتاح يرجع ..
و احنا في زمن مش بتاع كسوف .. اللي بيختشي بيتاكل حقه ...فاعتقد لازم يكون فيه حزم اكتر ..

**polo61** · 29-06-2008 09:33 PM

ايوه صح معاك حق ماجاش فى بالى انه ممكن يخبطها لكن ممكن فعلا انا كل اللى مضايقنى انهم واضح انهم تقريبا بيفتحوا المكيف ويناموا فيها لأن بتبقى ريحتها وحشة وانا نفسى حريصة على عدم تشغيل التكييف الابعد الالف كم
طيب انا هاكلمه بكره ان شاء الله
استغفر الله العظيم
معلشى طولت عليكم

**polo61** · 29-06-2008 09:36 PM

والله ما نا عارفة الناس مالها بقت كده انا كمان عندى عربيتنا القديمة واقفة فى الشارع مش عايزة ابيعها لأنه بيتعلموا عليها عشان اللى ماعندوش رخصة يطلع رخصة يعنى كل شوية ابص عليها بصراحة عينيا بقت فى وسط راسى والله انا هانزل اكلمهم دلوقتى فى الجراج

الموضوع: سؤال من فضلكم ...ممكن ؟

LinkBack

أدوات الموضوع

عرض

سؤال من فضلكم ...ممكن ؟ - انشر الموضوع فى :

-

-

-

-

-

-

المواضيع المتشابهه

ممكن مساعده من فضلكم

ممكن مساعدة من فضلكم

ممكن من فضلكم

ممكن مساعده من فضلكم

ممكن اجد اجابة من فضلكم

الكلمات الدلالية لهذا الموضوع

المفضلات

المفضلات

ضوابط المشاركة