كيفيه تنظيف الماتور من الداخل

**Dr.M_baz** · 06-09-2012 03:38 PM

المشاركة الأصلية كتبت بواسطة mkmaly

اذيك يا باشا ... بص يا جميللا لو عايز تنظف غرف الاحتراق يبقى بتجيب flush engin بتاع ليكومولي بس اهم حاجه يكون الماتور عندك بحالة الزيرو عشان لو الماتور عندك قديم ونظفت غرف الاحتراق الماتور هيفوت عشان طبقة الكربون دى بتكون سده حاجات كتير متأكله وبتكون الطبقه الكربونيه عاليه فلما بتتشال بتظهر مشاكل فى الماتور دى حاجه بس اهم حاجه لما تجيبه تقرا الارشادات الى عليه قبل الاستخدام
تانى حاجه ان زيوت ليكومولي خفيفه فى نسبة اللزوجه وتتبخر بسرعه فانت جرب تغير نوع الزيت لزيوت لشيل الاصفر وشوف ايه الاخبار او خليك على نفس الزيت بس زود نسبة اللزوجه من 50 الى 60 وجرب
وبالتوفيق

**Magoda** · 06-09-2012 05:33 PM

هو ليه لما نبلاقى زيت الماتور اسود بنتخض
بالعكس
المفروض نفرح عشان كدته الزيت بيعمل شغله صح بينضف الماتور
المفروض نتخض لما نيجى نغير الزيت ونلاقيه زى ماهوه

**michohat** · 07-09-2012 12:46 AM

سبب سؤالي اني لسه معمر الموتور من سنه والمفروض انه مغسول من جوه ومتظبط فعاوز اعرف فتره سنه تلحق تسود جوه الماتور

**فادى محمد** · 10-09-2012 01:30 PM

-حضرتك هتشتري منظف كربراتير نوع نظيف ويففضل يكون امريكي
-هتدور العربيه وهي بارده هتفك العمه لو كانت كربراتير او خرطوم الهوا لو كانت رشاشات
-هتبدا ترش المنظف جوه الكربراتير او من فتحه البوابه بالراحه وواحده واحده
-هتلاحظ ان الموتور عاوز يطفي(نتيجه اختلال مكونات الحرق) عادي هتسند بايدك الشمال علي الاكسراتير وتزود للموتور علشان مايطفيش
-هتستخدم نص العبوه فقط
-الطريقه دي بتنظف رؤوس الصبابات والبساتم
-لاحظ ان حاجتين هيتوسخوا بالكربون اللي خرج من الموتور ..البوجيهات والزيت لذلك يفضل عمل الموضوع ده قبل ميعاد تغيير الزيت مباشره وبعدها نغير بوجيهات جديده
-النتيجه هتحس بيها من صوت الموتور اللي هيبقي انعم من الاول وتحس انه مرتاح ,جرب وادعي لاخوك
-الموضوع ده متجرب في اكتر من عربيه واولهم الفيكترا بتاعتي

**khaled sabry** · 17-09-2012 02:22 PM

اولا حضرتك مقلق علشان الزيت لونه غامق
ده فى حد ذاته مايقلقشى لأن الزيت من احد وظايفه انه ينضف الموتور من نواتج الاحتراق المتسربه

المشاركة الأصلية كتبت بواسطة Magoda

هو ليه لما نبلاقى زيت الماتور اسود بنتخض
بالعكس
المفروض نفرح عشان كدته الزيت بيعمل شغله صح بينضف الماتور
المفروض نتخض لما نيجى نغير الزيت ونلاقيه زى ماهوه

بعد كده موضوع الميه اللى بتتبخ فى الكربراتير كنت قريت عنه قبل كده و قالك انه اكبر غلط
و كده كده الكربون على البساتم و على السلندرات من جوه بتبقى عامله طبقه حمايه و بيبقى معمول حسابها اصلا
لكن لو حضرتك كست الكربون ده باستخدام اى وسيله حتلاقى البساتم مابقيتشى محبوكه فى السلندرات زى الاول
لو مقلق فيه سائل تنظيف بيتحط مع البنزين بعد ماتفول لنص التانك كده ده بينظف دوره البنزين - انا جربته مره وماحستشى بفرق غير انه طول ماهو موجود حتلاقى العربيه مش مظبوطه اوى زى الاول

او ممك تستخدم منظف الكربراتير العادى و ده اللى انا بعمله و بحس بفرق ملحوظ بعدها
و طريقه استخدامه مشروحه بالتفصيل

المشاركة الأصلية كتبت بواسطة hellboy

-حضرتك هتشتري منظف كربراتير نوع نظيف ويففضل يكون امريكي
-هتدور العربيه وهي بارده هتفك العمه لو كانت كربراتير او خرطوم الهوا لو كانت رشاشات
-هتبدا ترش المنظف جوه الكربراتير او من فتحه البوابه بالراحه وواحده واحده
-هتلاحظ ان الموتور عاوز يطفي(نتيجه اختلال مكونات الحرق) عادي هتسند بايدك الشمال علي الاكسراتير وتزود للموتور علشان مايطفيش
-هتستخدم نص العبوه فقط
-الطريقه دي بتنظف رؤوس الصبابات والبساتم
-لاحظ ان حاجتين هيتوسخوا بالكربون اللي خرج من الموتور ..البوجيهات والزيت لذلك يفضل عمل الموضوع ده قبل ميعاد تغيير الزيت مباشره وبعدها نغير بوجيهات جديده
-النتيجه هتحس بيها من صوت الموتور اللي هيبقي انعم من الاول وتحس انه مرتاح ,جرب وادعي لاخوك
-الموضوع ده متجرب في اكتر من عربيه واولهم الفيكترا بتاعتي

طريقه منطقيه بس تخوف بصراحه -- جربها انتا الاول

المشاركة الأصلية كتبت بواسطة hm414

الميه في الكربيراتير علطول هتطفي العربية

انا سمعت عن ناس بتنظف ببنزين
بينزل الزيت كله
بيعبي مكان الزيت بنزين
بيفصل سلوك البجيهات
بتديها مارش كذا مره وتسيبها شويه نص ساعه كده
تنزل البنززين وتستنى اما يتصفى كويس
تغير فلتر الزيت
تعبي الزيت من تاني وانتهى
وسمعت انها ليها مفعول السحر....

مجربتهاش بنفسي...

تحياتي

**michohat** · 19-10-2012 08:46 PM

روابط ذات صله
Safest way to remove carbon buildup - Ford Explorer Ranger Enthusiasts "Serious Explorations"�

Carbon Removal - DoItYourself.com Community Forums

How to Clean Carbon From Your Engine (Very Old School) | eHow.com

Great way to remove carbon on valves!!!! - D-series.org

[youtube]http://www.youtube.com/watch?v=4b6kI1RCOtE[/youtube]

**michohat** · 21-10-2012 01:47 PM

[youtube]http://www.youtube.com/watch?v=jWqN8pBHJhE[/youtube]

**Amr Axel** · 21-10-2012 02:00 PM

معتقدش ان الواحد محتاج ينضف الموتور داخليا الا لما يعدي سنين طويلة و اساسا من غير حاجة الزيت يعتبر بينضف الموتور من جوة و الشوائب يشدها ع فلتر الزيت و ده سبب ان الزيت بيطلع غامق
بالاضافة ان الزيت يطلع غامق حتي لو بعد يومين حضرتك نسيت ان فيه بنزين بيدخل و بيتحرق جوة فطبيعي الناتج عن الاحتراق هو السواد الموتور عمره ما يفضل نضيف ابدا الا لو مبتشغلش العربية ابدا :)

و فيه موضوع تاني بيعملوه لتنضيف الموتور و هو ان الميكنايكي بيفك وش السلندر و ينضف القصة ديه كلها و وش السلندر يرجع يبرق تاني و يقفل تاني و خلصت