كيفيه تنظيف الماتور من الداخل

**hassanin_lada** · 21-10-2012 02:13 PM

القول الفصل في الموضوع ده

انت بتعمل حاجه اسمها غيار سريع بمعني انك لما يقرب معاد تغير الزيت بتروح تجيب زيت رخيص حتي لو كان التعاون وبتغير الزيت عادي بتمشي بيه يوم او يمومين بحيث يكون الزيت لف في المحرك كله وبعد كده بتروح تجيب فلتر زيت وجركن زيت من اللي انت بتستخدمه وتغير عادي .. الزيت اللي مكملش يومين هينزل مسمر شويه لان لونه مخلوط بالوساخه اللي موجوده في المتور وبكده بتعمل عملية (شطف ) للمتور

وفي كمان طريقه تاني بس انا ماجربتهاش وهي انك بتجيب مغنطيس قووي بتثبته علي فلتر الزيت من تحت وبكده هيقوم المغنطيس بسحب كل برادة الحديد والشوائب المعدنيه جوه الفلتر والمتور هيفضل نضيف والصوت المتور هيبقي انعم عن الاول بس لازم تغير الفلتر في كل مره بتغير فيها زيت عشان مايتسدش

تقبل مروري

**michohat** · 21-10-2012 02:26 PM

اللي فهمته من الناس اللي بتعمل كده
انهم مش بينظفوا دورة الزيت
دول بينظفوا دورة البنزين وبيشيلوا اي بواقي احتراق للبنزين في الموتور
انا كنت بستخدم السائل اللي بنحطه مع التفويل فى التانك
وبستخدم اسبراي تنظيف الكاربراتير

الطريقة اللي بقولوا عليها دي بتنظف مسارات البنزين داخل الموتور نفسه ( معرفش دورة البنزين ماشية ازاي جوه الماتور )
ولكنهم بيقولوا ان الموتور بيكون داير و في درجه حرارة التشغيل العاديه يعني بعد لما تسخن الموتور ( علشان الكربون اللي متكون على الاجزاء الداخليه يكون سخن معاه) ونبدأ نرش المياه ف الكربراتير مع المحافظة علي تزويد البنزين ونخلي عدد لفات الموتور فوق ال 3000 لفه
ونبخبخ مياه فى الكربراتير (بيقولوا مياه مقطره , او اسبراي W40 مخلوط مع مياه مقطره )
على حسب الكلام المفروض المياه اللي هتدخل دي هتعمل علي تكسير اي كربون موجود في الصبابات و البساتم واي جزء بيعدي عليه البنزين
وهتطلعه مع عادم الشكمان
وبيقولوا بعد ما تخلص خد العربية مشوار مثلا 10 كيلو علشان تطلع اي بواقي مياه في الكربراتير

يعني الموضوع ده بيحصل للناس اللي بتحط البنزين مغشوش بالمياه فهل الموضوع ده له اثار سلبيه غير انه بيشيل الكربون اللي ممكن يكون قافل او سادد اي تأكل او تنفيس مثلا في دواخل الموتور

وده فيديو تاني للموضوع لقيته

[youtube]http://www.youtube.com/watch?v=bv4a3k-6Z4w[/youtube]

**michohat** · 21-10-2012 02:30 PM

المشاركة الأصلية كتبت بواسطة hassanin_lada

القول الفصل في الموضوع ده

انت بتعمل حاجه اسمها غيار سريع بمعني انك لما يقرب معاد تغير الزيت بتروح تجيب زيت رخيص حتي لو كان التعاون وبتغير الزيت عادي بتمشي بيه يوم او يمومين بحيث يكون الزيت لف في المحرك كله وبعد كده بتروح تجيب فلتر زيت وجركن زيت من اللي انت بتستخدمه وتغير عادي .. الزيت اللي مكملش يومين هينزل مسمر شويه لان لونه مخلوط بالوساخه اللي موجوده في المتور وبكده بتعمل عملية (شطف ) للمتور

طريقة كويسة اعتقد وخصوصا واننا داخلين ع فصل الشتا فان عملناها ف الشتا والدنيا برد العربية مش هتسخن

وفي كمان طريقه تاني بس انا ماجربتهاش وهي انك بتجيب مغنطيس قووي بتثبته علي فلتر الزيت من تحت وبكده هيقوم المغنطيس بسحب كل برادة الحديد والشوائب المعدنيه جوه الفلتر والمتور هيفضل نضيف والصوت المتور هيبقي انعم عن الاول بس لازم تغير الفلتر في كل مره بتغير فيها زيت عشان مايتسدش

تقبل مروري

موضوع المغناطيس بفكر اعمله مع فلتر الزيت باني اشوف مغناطيس سماعه و اربطه حواليه بس مش عارف بايه ( لان حرارة الزيت ممكن تفك اللاصق )
ومستني لحد تغييره الزيت الجايه علشان اقدر اعرف طبه الزيت مغناطيس ولا لأ ولو مش مغناطيس احاول اشوف ليها طبه مقاسها بمغناطيس

**فادى محمد** · 21-10-2012 02:39 PM

بالنسبه لموضوع المغناطيس ...
الفكره دي بتستخدمها شركه مرسيدس من منتصف التسعينات
مسمار طبه الزيت اللي بتفكه اثناء الغيار ممغنط .
ممكن احنا نعمل ايه بقي؟
لما نفك المسمار نحكه بمغناطيس في اتجاه واحد لمغنطته
وبعد مانربطه مكانه نسيبه عليه من بره بالوقت المسمار
هيبقي زي المغناطيس بس ماتتوقعش منه كتير ,حاجه بسيطه

**Elawany13** · 27-10-2012 12:41 AM

ياترى حد جرب موضوع التنظيف بالمياه ؟

وياترى الكاربون اللى خرج ده من الماتور فعلاً ولا من الكاربون المترسب فى علب ومواسير الشكمان !!!

لو الكلام ده صح يبقى كده النصابين بتوع البنزين لما بيغشوه بميه بيعملوا فينا جميلة وبيساعدونا على تنظيف الماتور من الداخل