السلام عليكم و رحمة الله و بركاته يا شباب المنتدى الكرام

انا حبيت أعمل تقرير عن زيت ليكوى مولى بعد استخدام تقريبا أكتر من 12000 كم
الزيت طول فترة الاستخدام نقص حوالى ربع لتر أو أقل بمعنى معدل البخر بتاعه قليل جدا
تقريبا من شهر 2 اللى فات يعنى من الى 6 شهور استخدام يتخللها فتره مشيت بيها بفلتر سبور
الزيت طبعا لونه بيغمق بس لزوجته ممتازه لحد دلوقتى و ممكن اكمل بيه كمان 2000 كم بس انا قولت كفايه عليه كده
رحت امبارح اشتريت العبوه 5 لتر و سيراتك و منظف انجيكشن علشان صيانة ال 20000 و مش هغير بوجيهات و لا فلتر هوا لان الحمد لله السحب بتاع العربيه ممتاز و انا اصلا بنضفهم أول بأول
الصيانه هتكلفنى 150 جنيه بالفلتر
ثمن الزيت الخمسه لتر 295 جنيه ثمن السيراتك 130 جنيه منظف الإنجكشن 35 جنيه
لو شلت تمن السيراتك و المنظف هتلاقى فى وفر لتمن الصيانه بجانب عندى 3 لتر زيت زياده للصيانه اللى جايه و مش هحتاج اكتر من لتر واحد بس ب 70 جنيه و انا اصلا عندى لتر و نصف زيت من الغيار اللى فات (صيانة ال 10000)

المهم صوت الموتور قبل تغيير الزيت هادى جدا انا لسه هعملها بكره
و مستنى اشوف السيراتك هيعمل ايه و هيفرق فى ايه