الموضوع: العربية مكتومة لما باكبس بنزين بعد مانضفت الكربراتر

يا شباب أنا عندي مشكلة ومع إني عارف إنها ممكن تحصل من كذا حاجة بس قلت اقولكم
أنا معايا هوندا سيفك 1992 اوتوماتيك و كنت بعاني من هباب على البوجهات واستهلاك بنزين عالي وكان عندي بوجيه قاطع ومع كل ده العربية كان سحبها جامد جدا فـامبارح نضفت الكربراتر عند ياسر اللي في الساحل.... بصراحة الراجل محترم وعمل شغل في الكاربراتر وخلاه نضيف جدا وقال لي إن الكاربرتر حالته كويسة جدا وكان بس محتاج شوية نضافة. وركبه وقام ظبط كهربة العربية وظبط الاسبراتر وركبلي 4 بوجهات جداد وغيرلي سلك بوجيه لاني قالي إنه قاطع.

المهم بعد مامشيت من عنده اكبس بنزين القيها مخنوقة قوي ومابتسحبش وعداد البنزين بينط من 20 ل 40 ل 60 مش بيتحرك بسلاسة. لو طلعت من غير مكبس تطلع كويس بس برده مش طبيعي.

فـأنا مش عارف في إيه وإيه اللي بيحصل ده. ورحت للميكانيكي اللي بتعمل معاه وحكتله قال لي يبقى نفك الاسبراتر ونبص عليه من جوه. بس أنا مش مقتنع هيبوظ من يوم وليلة يعني !!
اسف لو طولت عليكم