شكرا للمجهود
لكن فيه بعض المعلومات القديمه والمغلوطه علي الاخص اسبرانزا 516
شكرا للمجهود
لكن فيه بعض المعلومات القديمه والمغلوطه علي الاخص اسبرانزا 516
تسلم إيدك على الموضوع والمجهود
لكن واضح إن الموضوع كان قديم عشان صور الموديلات والكلام على بعضها كان في موديلات أقدم
أولأ ً ألف شكر لكل الاخوة الأفاضل أعضاء المنتدى اللى ساهموا بتعليقاتهم وبمشاهدتهم , وأن شاء الله الموضوع مفتوح لكل الأخوة الأعضاء للتعديل والأضافة بما يتوافق مع موديلات وأسعار كل عام حتى تعم الفائدة المطلوبة أن شاء الله لكل من يبحث عن سيارة جديدة ..والله الموفق.
جاكسون باشا شكراً على الموضوع
وتسلم ايديك
بس على فكرة الموضوع جديد حبتين هههههههههه
كلهم قديم قديم قديم انا قلت اغير واكتب جديد حبيب قلبي تسلم ايديك
بس شوفت بقة ياباشا جالك كلامي عن الهوندا سيتي والسيريون واليارس. ياريت الله يباركلك تحت خط تحت الكلام المكتوب عنهم وتكبر الفنط شوية وياريت تخليه بلون مميز هههههه حبيبي يا جكسون باشا الحمدالله ظهر الحق
ميدو باشا سابقاً وياريس حالياً .. ألف شكر ياباشا يارافع معنوياتى على الكلام الجميل .. بس خد بالك الهوندا سيتى المكتوب عنها فى التقرير 1300 مش 1500 فأكيد هتفرق فى الأداء كمان لصالح ال1500 طبعاً
, وهى فعلا عربية محترمة وتستاهل كل جنيه بيتدفع فيها . تصدق بالله , أنا كنت النهاردة فى سوق الجمعة للسيارات . العربية الوحيدة اللى مالقيتش ولأواحدة معروضة منها للبيع هى الهوندا سيتى بالرغم أن كان فى هناك سيفيك ولانسر وتويوتا بالهبل . فيظهر باين أن العربية دى صحابها ما بيفرتوش فيها بالساهل نظراً لحجمها الحلو وسط الزحمة وأدائها الرائع .......
مقلتليش ليه طيب. ده انا كنت هناك برضوا في سوق الجمعة
بس على فكرة شوفتلك. عربية بسم الله مشاء الله اسد. تويوتا يارس. اللون بني محروق. ( 2009). الي بيجي التابلوة بتعها بيج فاتح ونضيفة بسم الله مشاء الله فبريكة. مفاش غير خربوشين وعدادها قليل وطالب فيها صاحبها ٧٦٠٠٠ ونضيفه نضيفه استخدام بيتي لو عاوز تشوفها اديلك نمرت الراجل. وتقدر توقعها منوا ب ٧٤ كمان انتا وشطارتك بس عربية بقه اركب وادعيلي وفي عربية سيريون glx 1500 كانت ب٧٧ فضي. ونضيفة كمان بس في باب فيها محتاج يترش بس ملحقتهاش اتباعت على طول واتخطفت اكتر حاجة بكرهها في السوق التجار الي كل واحد قاعدلي لاشغاه ولا عمله ويخطفوا العربيات فلوسهم حاضرة ولاد اللذينة مش زينا لسه هنكشف ونرفع ونتفق وهاتلي شهادة مخلافات هههههه. نفسي يمنعوا التجار ينزلوا السوق يا اخي
موضوع اكثر من رائع وشرح وافي
اتمنى بس عدم التعليق على اللي مكتوب فقط لان الشخص ده يمتلك العربية
هتلاقيه داخل يهاجم وخلاص :)
شكرا يا باشا لكن احب اضيف كمان ان الالتو قطع الغيار اصبحت متوافرة و سعرها متوسط و هي سيارة منتشرة دلوقتي عن الأول
و اكبر من الماروتي سواء برة او جوة بجانب اختلاف الشكل و الصالون و التقفيل ده غير الموتور انجيشكن 12 صمام و الفتيس 5 سرعات غير المارشدير و طبيعي اي عربية لازم تتأثر مع التكييف لكن مش بالشكل الموصوف ده انا حسيت انا لعربية سلحفاة من الوصف من الأخر تتفوق ع الماروتي لكن مخدتش فرصتها اوي و لو نزلت دلوقتي شبه متأكد انها هتحقق نجاح و تنتشر زي الماروتي لكن اللي نزل بديل ليها السيلاريو اللي هي في الأصل التو سيلاريو برة لكن هنا منزلينها تحت اسم سيلاريو فقط