اخر كلام ..أجيب جين2 ولا لأ

**tahayt** · 31-08-2012 05:23 PM

السلام عليكم
انا يا جماعة عاوز عربية زيرو و الجين2 عاجبانى امكانيتها و سعرها و شكلها لكن طبا انتو عارفين كلام الناس عن التوكيل و قطع الغيار ,امبارح مثلا كنت عند الميكانيكى بتاعى لقيت عندة جين2 بيصلحها بقولة اية رأيك فيها قاللى دى زبالة مالهاش قطع غيار,قولتلة امال اجيب اية قاللى هات فيرنا او لانسر ,فأنا قولت من الاخر اسأل السادة ملاكها عن اللى انا عاوزة بالظبط و ياريت تردو عليا :
1-قطع الغيار موجودة ولا ممكن مثلا العربية تقف فترة بسبب قطعة غيار ,انا مش فارق معايا قوى ان تكون قطع الغيار غالية شوية المهم انى الاقيها بسهولة
2-التوكيل بيتحمل مسؤلية عيوب الصناعة ولا بيستهبل و بيتعب الزباين
3-اعتمادية العربية كويسة يعنى اعطاها قليلة
4-هل العربية عالية ولا بتحك فى المطبات و هى محملة
ارجو الاهتمام و جزاكم الله خيرا

**Motarjim** · 31-08-2012 05:47 PM

متضامن بشدة، ومتابع باهتمام.

**tutankhamoun** · 31-08-2012 06:07 PM

المشاركة الأصلية كتبت بواسطة tahayt

السلام عليكم
انا يا جماعة عاوز عربية زيرو و الجين2 عاجبانى امكانيتها و سعرها و شكلها لكن طبا انتو عارفين كلام الناس عن التوكيل و قطع الغيار ,امبارح مثلا كنت عند الميكانيكى بتاعى لقيت عندة جين2 بيصلحها بقولة اية رأيك فيها قاللى دى زبالة مالهاش قطع غيار

مفيش غير كلمة واحدة تتقال على الميكانيكي ..... أنه فتاي أصلي .
,قولتلة امال اجيب اية قاللى هات فيرنا او لانسر ,فأنا قولت من الاخر اسأل السادة ملاكها عن اللى انا عاوزة بالظبط و ياريت تردو عليا :
1-قطع الغيار موجودة ولا ممكن مثلا العربية تقف فترة بسبب قطعة غيار ,انا مش فارق معايا قوى ان تكون قطع الغيار غالية شوية المهم انى الاقيها بسهولة

قطع الغيار موجودة ...... ممكن لو بنتكلم عن الضمان ... أحيانا القطع بتتأخر ..... بس برة التوكيل موجود أستعمال في الحرفيين و فيه جديد في محلات قطع غيار . (لو أنت من خارج القاهرة أسأل محلات قطع الغيار الأول علشان ممكن تتعب فيها )
2-التوكيل بيتحمل مسؤلية عيوب الصناعة ولا بيستهبل و بيتعب الزباين

أحسن حاجة في التوكيل أو من المميزات اللي فيه ... لو عندك عيب صناعة التغيير بيتم حتى من غير ما أنت تطلب .
بس أهم حاجة يكون عيب صناعة
مش زي واحد شفته هناك عامل خناقة ...... دخل في رصيف و خرم الرادياتير و عايزهم يغيروه ضمان !!!
3-اعتمادية العربية كويسة يعنى اعطاها قليلة

عن تجربتي كويسة

4-هل العربية عالية ولا بتحك فى المطبات و هى محملة
ارجو الاهتمام و جزاكم الله خيرا

العربية فيها
ثبات عالي ............ و مش بتحك في المطبات مع التحميل .

أنتظر تسمع آراء مختلفة من اللي مبسوط من العربية و من اللي عنده مشاكل علشان تقدر تأخد رأي محايد من عدو أطراف .

**Nistelrooy** · 31-08-2012 06:12 PM

بيقولك دي زبالة تلاقيه مش عارف يصلحها .. صعبه عليه !!!

1-قطع الغيار متوفرة ولكن التوكيل مازال يحتكر شوية حاجات وساعات كتير بيتاخر في بعض الطلبيات ولكن فية بدايل كتير واماكن تانية ممكن تشتري منها
2-التوكيل بيتحمل طبعا ولكن ساعات بيستعبط مع بعض الناس .. بس لما يلاقيك مش ساكت عن حقك وبتشهرله وبتكلم حماية المستهلك بيجيب ورا زي اي توكيل في مصر ..
حادثة قريبة في موتور عربية ساجا كان فية مشكلة وبعد شوية مماطلة غيروة لصاحب العربية .. الموتور كامل

3-العربية اعتمادية من ناحية اية بالظبط ؟

4-عالية ومش بتحك ..

بالظبط حكيت معايا مرتيين في سنتيين مرة كان معايا ناس كتير في العربية ومرة كان معايا ناس وشنط وكدا

**tahayt** · 31-08-2012 07:09 PM

شكرا يا رجالة على الردود انتم كدة طمنطونى شوية
بالنسبة للاعتمادية انا قصدى مثلا اعطالها كتير ,يعنى مثلا انا كان معايا ابيزا كنت كل 3 شهور تقريبا اغير اما موبينا او اسبراتير
اخويا مثلا معاة صنى 2007 من ساعة ماجبها مفيش اىحاجة اتغيرت فى العربية

**alaamousa** · 31-08-2012 07:16 PM

تجربة شخصية
كنت مسافر الغردقة من سنتين وكان ليا صديق لسة شاري جين 2 زيرو كاملو اتوماتيك
المهم شاء السميع اننا نسافر بيها على طريق الغردقة.....
العربية ممتازة ما شاء الله في السفر ومكسفتناش والصراحة كنا ماشين على سرعات متفاوتة
140 160 180 اقصى سرعة وده كان قبل الثورة واكيد اتظبطنا رادارات لغاية لما طلع الظابط معرفة واحد صاحبنا ومبقاش يدينا مخالفة ... كوسة طبعا ولانه اتخنق مننا فعلا من كتر السرعة لاننا كنا بنسافر بيها
مرتين تقريبا في الاسبوع رايح جاي
انا بالنسبة ليا شايف ان التكييف مش قوي بالدرجة اللي تعجبني يمكن لان الغردقة حار جدااا والرطوبة هناك عالية ولانني مسوقتش العربية غير في الغردقة فقط بس كتييير
الموقف الغريب اللي حصل ان الفتيس الاوتوماتيك باظ والعربية معملتش 5000 كيلو وبالتالي غيروه بفتيس جديد مع اننا لعبنا في الفتيس لان الجين 2 المفتاح مش بيطلع من الغير الفتيس ما يجي على p فمكناش عارفيين نقفل العربية
ملحوظة مرايات العربية دي غير مرايات انت سوقت عليها قبل كده ابعادها مختلفة تماما
اهم حاجة بالنسبة ليا في السيارة عجبتني جداااا ان العربية مافيهاش ولاعة .......
اتمنى اكون افدت حضرتك باذن الله اي استفسار تحت امرك .......

**eng.m7md.ali** · 01-09-2012 12:40 AM

المشاركة الأصلية كتبت بواسطة nistelrooy

بيقولك دي زبالة تلاقيه مش عارف يصلحها .. صعبه عليه !!!

1-قطع الغيار متوفرة ولكن التوكيل مازال يحتكر شوية حاجات وساعات كتير بيتاخر في بعض الطلبيات ولكن فية بدايل كتير واماكن تانية ممكن تشتري منها
2-التوكيل بيتحمل طبعا ولكن ساعات بيستعبط مع بعض الناس .. بس لما يلاقيك مش ساكت عن حقك وبتشهرله وبتكلم حماية المستهلك بيجيب ورا زي اي توكيل في مصر ..
حادثة قريبة في موتور عربية ساجا كان فية مشكلة وبعد شوية مماطلة غيروة لصاحب العربية .. الموتور كامل

3-العربية اعتمادية من ناحية اية بالظبط ؟

4-عالية ومش بتحك ..

بالظبط حكيت معايا مرتيين في سنتيين مرة كان معايا ناس كتير في العربية ومرة كان معايا ناس وشنط وكدا

+11111111111111
خصوصا النقطة رقم 2
لاني بعاني من كل الكلام ده

**ahmad--ezzat** · 01-09-2012 12:42 AM

بص على الصنى
اجمل وانعم وتوكيل افضل

**eng.m7md.ali** · 01-09-2012 01:51 AM

المشاركة الأصلية كتبت بواسطة ahmad--ezzat

بص على الصنى
اجمل وانعم وتوكيل افضل

هيا موتور 1500 .. 99 حصان فعلاً؟؟

-

الموضوع: اخر كلام ..أجيب جين2 ولا لأ

LinkBack

أدوات الموضوع

عرض

-

-

-

-

-

المواضيع المتشابهه

عايز أجيب مكيف جديد أجيب أنهي نوع ؟

عايز أجيب كاوتش ... أجيب نوعه أيه ؟

أجيب ريسيفر نوعه ايه و لا أجيب درييم بوكس و انه نوع برضك

لو حبيت أجيب لوجي وانضم للنادي أجيب إيه

ليه يا جماعة مكتوب فى الجرايد كلام و الحقيقة كلام تانى خلاص

الكلمات الدلالية لهذا الموضوع

المفضلات

المفضلات

ضوابط المشاركة