المشاركة الأصلية كتبت بواسطة د.هشام
بعد اذن صاحب الموضوع انا عايز أرد على السؤال
العربية حتى 140 فوق الممتازة, مش بس في الطرق الطوالي لكن في المنحنيات أيضا, انا النهاردة كنت راجع من الاسكندرية والعربية في المنحنيات حتى على 140 ماتحسش بالمنحنى خالص, وثبات ما بعده ثبات. نيجي بقا للسؤال اللي هو (ايه الاخبار بعد ال 140؟) الاجابة ان انطباعي كان مخيب جدا للامال. النهاردة كان طريق الاسكندرية مليان نقل فسرعتي كانت بتتراوح بين 100-130 , المهم جت فرصة اني أزود شوية والطريق كان رائع زي الحرير, والعربية وصلت 160 بمنتهى السهولة, أول ما العربية وصلت 160 جالي احساس غريب مش عارف أوصفه, أكن عجل العربية مش لامس الاسفلت, بصراحة كنت حسس اني راكب بورش وفجأة اتقلبت 128. هل العربية عايزة سبوبلر؟ ولا هي وزنها الخفيف ! على العموم اللي يوصل للسرعة دي بالعربية يبقى بيغامر بحياتة لان المناورة بالعربية دي على سرعة 160 شبه مستحيلة.