احنا كمصريين عندنا ميزه فريده ان اى مصرى يطلع بره مصر يعرف يسوق تمام لكن اى غريب يجى يسوق جوه مصر حيحس انه مابيعرفش يسوق اساسا هههههههههه
عرض للطباعة
احمد ربنا وخللى بالك دايما من اخطاء الغير....... شوارع المحروسه عامله زى السيرك....والنيسان طول عمرها بتتميز بالفرامل الممتازه حتى من غير اى بى اس .....بس في حاجه بتلفت النظر فى الموديل الجديد لما بشوفها من وراها بحس انها عاليه عن الارض وفى نفس الوقت بحس انها بتتمرجح يعنى من اقل مطب او نقره بيأثر فيها ......دا حقيقى ولا دا نظام تعليق العفشه
انا حصل معايا موقف بس اللى معايا صني 2010 مانيوال كامله ABS , EBD , Break Assist System + AirBag For Driver side only
المهم كنت بنتمشي انا وواحد صاحبي هو معاه 3 Series 325 i 2009 وانا هو بنجري عالبحر بليل المهم قربنا من كوبري ستانلي فى اتجاه سيدي بشر الطريق قفل .. و انا كنت فى ديلة دايركت تمام لحد كده لسه بطلع منه عشان اكل غرزتي الشمال ورجلي عالبنزين و اشوف عربيه بيجو قديمة نازلة من الجنب اليمين لشارع البحر بيقطعه بالعرض قدام صاحبي فى نفس اللحظه اللى كنت مقسط للتالت و دايس 90km/h لمحت مرايتي الشمال لاقيتها قفلت روحت كابس فرامل طبعا وانا فى الحارة اللى فى النص و صاحبي قدامى واقف برجليه الاتنيه على دواسة الفرامل وبندعي على بتاع البيجو
الصراحة انا كنت فى لحظه بحسب الخساير يعنى فانوس و شبكة و ردة فى الكبوت وياعالم بقي ايه الباقي و نفس الموضوع مع صاحبي كان بيقولي انا كنت بحسب ورا فانوس و ردة فى الاكصدام .. بس الحمدلله العربيه وقفت بفارق 17 سم وده كان حاجة جميله جدا انا مركب بريدجستون بالنسبه للكاوتش و احلفلكم ان صاحبي نزل باس على كبوت عربيتي و الموضوع قلب ضحك لانه كان و انا كنت متوقعين حاجة غير كدة والحمدلله ربنا حفظنا ويحفظ طريقكم النيسان عجلة نضيفه وانا جربت كيتير و اقدر اقول بالاخص الصني اللي هى بتاعة 2005 العربيه دى نعمه و اللي مايعرفش قيمتها .. يبقي خسران كيتير الجديدة جميله بس هى اعتمادية وواسعه يعنى تقدر تقول فاميلي كار اكتر ماهى سيدان عاديه .. طولت عليكم ربنا يحفظ طريقكم
الحمد لله انك بخير يا دكتور
فعلا فرامل العربية الصنى الجديدة قوية واستجابتها قوية .. وكلامى ده عن تجربى فى التيست الدريف اللى قام بقيامته 7 اعضاء من الموقع .. وكل رائينا كان واحد .. وعن تجربة
ويمكن بعد تجربة فرامل الصنى الجديدة ونزلت منها وسوقت عربيتى التيدا وكمان سوقت عربية حسين سونستيل اخونا وزميلنا اللى معاه الصنى الشكل القديم .. مش عارف حسيت بقوة فرامل الصنى الشكل الجديد عنهم
على فكرة تيل الفرامل سعره حيزعل ناس كتير اوىىىىىىى .. لما تعرفوا تمنه .. ده طلع اغلى من تمن تيل التيدا !!
فرحنا يا استاذ احمد تمن التيل كام
انا داخل على شراء عربية فرحنى تمن التيل كام
ربنا يظمنك
هو تمن تيل التيدا كام
الف حمدلله على السلامة
وربنا يباركلك في الصني الجميلة
استر يا رب تمن التيل كام :s
أرفع القبعة لرينو