الموضوع: تجربتى مع المساعدين الخلفى للتريوس 2009

طبعا مع مشكلتى الرهيبة للتريوس
بالنسبة للمساعدين الخلفى
العربية اولا هيا خليجى بجد خليجى لأن والدى اشتراها من الامارات ورجع بيها ودفعلها جمارك وقشطة وكله زى الفل والكلام ده كان من زمان
العربية طبعا دفع رباعى وفيها كل الكماليات لان والدى اشتراها رقم 1
المشكلة بقى انه من حوالى تلات شهور والعربية ابتدت تتغير فى العفشة وده طبعا بسبب شوارع مصر المحروسة ماشاء الله عليها
المهم فى الفترة دى لاقيت فى صوت لما بمشى على اى حفرة بسيطة جدا تكاد لا ترى وبسمع صوت خبط زى بمش بالظبط اوى صوت الكلاكس اللى بيعمل صوت على مراحل اهو زيه بس خبط مش كلاكس طبعا يعنى بسمع صوت خبط على المدى البعيد
المهم شكيت فى الشكمان روحت اشوفة قالى ياباشا مافيش حاجة خالص فى الشكمان كله سليم والكاوتوشات سليمة طيب ياعم الصوت ده جى منين قالى روح عند سمكرى يمكن يكون حاجة سايبة فى العربية من تحت طبعا انا اتفزعت لما سمعت كلام زى دا
وروحت للسمكرى حبيبى وكشف عليها وشاف العربية من تحت وقالى ماشاء الله العربية مافيهاش حاجة وحتى ظبطلى حاجات فى العربية كنت محتاج اظبطها انه كان الباب بتاع الشنطة كان بيزيق وعمله وطلع من الكالون اللى فى الباب نفسه
وقالى روح عند واحد بتاع عفشة بس يكون نضيف المهم روحت وقالى العربية زى الفل ماشاء الله عليها ومافيش اى حاجة والعربية عفشتها الله ينور بس هوا بقى فى نفس الوقت بقى محتار اكتر منى فى الصوت اللى بيطلع ده منين
المهم قلت بقى مافيش غير الميكانيكى وروحت لواحد حبيبى اوى واول ما سمع الصوت علطول قالى مساعدين قولتله ازاى ياعم دا انا لسه جى من عند العفشجى وقالى مافيش حاجة
انا بصراحة حسيت منه انه بيفتى بس قلت خلينى معاه واشوف
المهم قالى هفكلك المساعدين اللى ورا ومش هنخسر حاجه وفككهم وفوجئت ان المساعدين مرشحين زيت ومسكت المساعد فى ايدى ولاقيت نفسى بضم المساعد بايدى عادى جدا ولا اى حاجة ولا اى خضة ولا بيعمل حاجة
المهم اشتريت 2 مساعدين خلفى الأصلى لانى حاولت ادور على مونرو مالقتش
وجبتهم ب1020ج وخليت الراجل ينزلى العشربن وجبتهم ب1000 ج وجبتهم من شارع دمشق من عند محل العالمية
وركبتهم وشكرا ولاقيت فعلا المشكلة اتحلت
اللى مستغربة بقى ان ازاى العفشجى ما يعرفش انها مشكلة مساعدين

صح كلامك مظبوط ودا للاسف الغالبية اللى موجودة فى كل الصنايعية