أنا زعلان

**salodas** · 03-09-2012 08:06 AM

نورمال باشا
لا أنسى هذا الأسم أبدا
ده أنت يا راجل كنت أكتر واحد محببنى فى المنتدى بنشاطك الغير عادى .
عموما إلتمس لأخاك سبعين عذرا فإن لم تجد . فلتلم نفسك .
عودا أحمدا يا نورمال باشا ولا تحرمنا من مشاركاتك الفريده

**M.Akef** · 03-09-2012 09:28 PM

لا يا معلم انت الي متبعتش احنا سألنا عليك في مواضيع كتير و محدش كان يعرف عنك حاجه :(
بس حمد لله علي سلامتك يا باشا و الحمد لله انك نورتنا تاني و اعزرنا علي اننا مدورناش كتير بس ولله كل واحد عنده مشاكله :(

**Eng.Geo** · 04-09-2012 04:19 PM

المشاركة الأصلية كتبت بواسطة normal

هما كدا بتوع عين شمس
وطول عمر بتوع ميكانيكا بيحقدوا علينا
يا عم والله ولا سافرت ولا حاجه بس كان عندي ظروف ربنا يعلم بيها
والشغل تمام والحمد لله ربما الى مهونى انى كويس فيه والحمد لله
ومش عارف توصلي دي فيلم يا جورج يا عم أبعتلي pm
على العموم أنت واحشنى أكتر وأبقى نقيلك موضوع نخش نتكلم فيه 200 مشاركه كدا لغايه منقفله زى زمان :))))))

يابني انا كهربا ... شفت انت بتنسي أزاي ؟ :d
انا لقيتك مابتخشش هبعتلك أزاي ؟ ... بس ده مايمنعش انك واحشني برضك :p
ههههههههههههههههههههههههه ... فكرتني بأيام زمان .. خش يا برنس أي حتة هتلاقيني راشق :)))))))))))

**fineart607** · 04-09-2012 04:35 PM

طب انا معرفكشى بس حبيتك والله ويارب تكون بخير وان شاء الله تكون زى الفل واتعرف عليك شكلك انسان محترم اوعى تزعل منى

**Amr A.salam** · 04-09-2012 05:58 PM

يابني انت اصلاً غيابك عن المنتدى كان سبب في أن ناس كتير غابت برضه وأولهم أنا

لا ما تاخدش في نفسك مقلب للدرجة دي ....:))

أول ما شفتك عامل موضوع ما صدقتش نفسي

مش هقول ليا عذر والكلام دة الا اني كلمتك في التليفون من سنتين تلاتة كدة :))

واحشني جداً انت والناس العتاولة اللي ردوا في موضوعك دة

لازم نتقابل يا رجالة المقابلة الجاية دي

**timtim77** · 04-09-2012 08:24 PM

المشاركة الأصلية كتبت بواسطة timtim77

welcome back ya abo naramal
miss u ya m3lem

حمد الله على سلمتك يا هندسه
ليك واحشه والله انت ونمور كيا الاعزاء
ان شاء الله نتقابل قريب

**medo_elgezy** · 05-09-2012 10:11 AM

و الله وحشنى جداااا يا هندسة و انا شخصيا بكلم الناس كلهم بس رقمك ضاع من عندى و الحمد لله انك بخير و نفسى نتجمع ان شاء الله و يبقى يوم جامد ان شاء الله

**الغزالى** · 06-09-2012 03:55 AM

تصدق .. انت كنت فى بالى من فتره قصيره وكنت عايز اخش اطلب رقمك من حد .. بس الشغل منسينى اهلى
بس حمد الله على السلامه يا على بيه .. نورت نايل موتورز
الواحد قال انت اتكلت على الله واستريحنا منك .. بس يالا حمد الله على السلامه ... :d

**Samah AbdAllah** · 06-09-2012 04:12 AM

حمدالله عالسلامة يا على
انا سألت عليك كتير جدا
خصوصا بعد الهدوء اللى اصاب قسم كيا ودائما كنت بقول فين ايام احمد سامى ونورمال والناس اللى كانت عاملة نشاط فى القسم
بس انا اتقالى انك مشغول وزهقان وزعلان وملكش نفس ولا عندك وقت تدخل
بس مش هقول مين اللى قالى :))

**م. حاتم السباعي** · 06-09-2012 06:40 AM

المشاركة الأصلية كتبت بواسطة normal

السلام عليكم

دايما بقول لصحابي لو حد زعلان مني يجري يقولي فورا أنا زعلان منك علشان كذا و كذا و كذا وياريت دا ميتكررش
وأنا بدوري مبكررش الى بيضايق صحابي علشان كدا الزعل بيقل مابينا جدا جدا
وأنا هتّبع نفس الطريقه مع أصحابي وأخواتي وأساتذتي الي اتعلمت منهم هنا فى المنتدى

طبعا الاول أنا بعتذر للأعضاء الجدد عن الموضوع كونهم ميعرفونيش ودا شىء أنا المسؤل عنه لغيابى فممكن يقولوا بسهوله متتفلق :) ودا حقهم الصراحه
أنما انا بكلم النمور وكل الى يعرفنى فى المنتدى دا

أنا زعلان وواضح أنا زعلان من أيه
زعلان لأنى غبت كتير أوي عن بيتى - أو زي متصورت انه بيتى - ومحدش من "أهل بيتي" أتصل يشوف انا مت ولا لسه عايش ولو عروض شركات الاتصالات على دقايق المحمول مش كافية والمكالمه لسه غاليه عليه الرسائل الخاصه كريم منير مش عامل عليها رسوم
لكن لا مكالمه ولا رسالة ولا ميل ولا أي شيء من أي حد!
انا والله الى حصلي نسانى المنتدى ونساني نفسي بجد لكن لما فوقت وأفتكرت ان بقالي كتير مدخلتش المنتدى استغربت ان محدش كلمني... أنا نسيت المنتدى لمشاكلي ومحدش فكّرني
مؤكد ناس فرحت لغيابي وأنا عارف كدا طيب مفيش وااااااااحد بس مفرحش :)
وعلي فكره - ولاوني مكنتش عايز أقول - أنا سألت على كل واحد غاب أو كان بيغيب عن المنتدى بمكالمه لو معايه رقمه أو برساله خاصه لو معيش
بالذات مع النمور حاولت أكتر من مره أسأل على أحمد سامي و نادر نبيل والناس القدام وبعت رسايل كتير ليهم أى نعم معبرونيش :) لكني مرتاح أني سألت على الناس الى أتعلمت منها وخدموني بموضوعتهم.
أنما واضح ان الي بيقع في المنتدى دا بيتنسي ومحدش بيفتكره :)
على كل حال دا عتاب مش عايز حد يكلمني ولا يبعتلي رسايل خاصه :))))
بس زي مقولت لما زعلت حبيت أقول لأصحابي أني زعلت وزعلت من أيه
وإن شاء الله أرجع أشارك زى الاول وأحسن وأنا عمري مبخلت بوقتى على المنتدي زى مهو عمره مبخل بخبرته عني
سلام

و عليكم السلام و رحمة الله و بركاته

لولا سلامك سبق كلامك لاكلنا لحمك قبل عظامك
ههههههههههههه
الف حمد و شكر لله علي عودتك بالسلامة للمنتدي يا بشمهندس
انت غالي جدا جدا علي قلوبنا يا نورمال باشا و يعلم الله مدي معزتك عندي
و انا عن نفسي يعلم الله اني سألت عنك كتير و مش هقول سألت مين
بس انا سألت ابو ليلي هههههههههههههه
عموما ان شاء الله نتقابل قريبا يوم المقابلة علي خير
سلام مؤقت يا جميل

الموضوع: أنا زعلان

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

زعلان

هو حد زعلان منى

زعلان قوي :(

بجد زعلان

أنا بجد زعلان منكوا

الكلمات الدلالية لهذا الموضوع

المفضلات

المفضلات

ضوابط المشاركة