الموضوع: مساعده فى شراء زجاج امامى وايريال للصنى

المشاركة الأصلية كتبت بواسطة ahmed.tv

لازم تخليه يظبط صياناته للعربية ويهتم بيها
وبخصوص الاريال اسال عليه فى شبين جنبك وشوفهم حيقولولك ايه
بس لو مش موجود .. اسالهم .. هل موجود فى مودرن ابوراوش ولالا .. عشان لو كدا وان شاء الله تمنه يكون بسيط
اكلم الادارة هناك فى ابورواش يبعتهولك مستعجل على شبين

تحياتى ليك

شكرا يااستاذ احمد وان شاء الله نسأل عليه ولو مش موجود حبلغك
كل سنه وانت طيب

المشاركة الأصلية كتبت بواسطة youssef.awad

1. حسبى الله ونعم الوكيل فى اى حد بيشترى عربية زيرو وما يهتمش بيها ولا يعملها صيانات دورية خاصة اول سنة والاستفادة من الضمان وفى الاخر ياخد خير العربية ويبيعها ويطلب اعلى سعر كمان !!!!!!
وكان المفروض من صديقك انه يعملها مقايسة كاملة فى التوكيل قبل اتمام الشراء وربنا يستر لأحسن يكون فيها حاجات كتير مبهدلة
2. بخصوص الايريال كنا اتكلمنا عنه من فترة طويلة وكان احمد زونج على ما اتذكر قال ان ثمنه فى التوكيل تقريبا 180ج وبرة اكيد هايكون ارخص من 100ج
3. بخصوص الزجاج الامامى .. مالوش غير حل واحد تركب الاصلى بتاعه من مصنع دكتور جريش بالعاشر من رمضان ورقمه 015410003 وثمنه فى المصنع حوالى 250ج فى حين ثمنه فى التوكيل هو هو ب950-1000ج بالمصنعية والضريبة
ولو مش عاوز يخبط مشوار للعاشر حاول تسأل عليه برة عند اى محل زجاج سيارات بشرط يكون جريش وثمن لا يزيد عن 300ج

انت حسيت بيه كدا ياهندسه ....اول ماشوفت العربيه حزنت عدادها 40 الف وكامله يعنى خساره صاحبها يظلمها ولا حتى صيانة الالف .........والعربيه حالتها ممتازه تقول ايه بقى؟؟؟؟؟؟؟
طبعا نصحت الدكتور صاحبها بعمل صيانه كامله فى التوكيل وان شاء الله يغير الزجاج والايريال ويبقى كله تمام
وحشنا ياهندسه وربنا يطمنا عليك

المشاركة الأصلية كتبت بواسطة ahmed.tv

وانت طيب يا عاطف باشا .. وحستنا ردك .. وزى ما قالك وليد .. مفيش غير دكتور جريش احسن واحد للزجاج
ودكتور يوسف قام بالواجب وحط رقم التليفون بتاعت دكتور جريش .. لان مذاكر الموضوعات بسم الله ماشاء الله .. ومجمع منها المفيد له وللاعضاء ..
ولو طلع تمنه اقل من 180 يبقا خير وبركة
ولو عايز تسال بره فى الحرفين كلمنى وانا اديك رقم تليفون واحد تسال عليه عنده


وحستنا تليفونك فى اى وقت وكل سنة وانت طيب

ربنا يكرمك ياباشا ويخليك للقسم كله ويجازيك خير