أنا فاهم طبعا بس قصدى ان السيراتو بقت سهلة للحرامية قوى
عرض للطباعة
ياريت العربية كانت السيراتو بتاعتى :11:.. دى العربية الهيونداى أكسنت بتاعة المداااااااااااااااااام :crying2::crying2:. عارفين يعنى أيه بتاعة المدام ؟؟؟ وكنت مستلفها منها علشان عربيتى فى التوكيل بتتصلح بسبب إنى كنت على الدايرى قبلها بيومين وكنت ماشى ورا تريله محمله قطع حديد والحبل إتقطع ولبست حته حديد فى الإكصدام جابته على الأرض .. وجت سليمة والحمد لله؟؟؟؟؟؟؟؟؟؟؟
وعلى فكرة مش فى ميدان الحجاز .. كانت فى شارع الحجاز بين ميدان المحكمة ومستشفى هليوبوليس .. أودام كافي شوب إسمه square بالظبط ... الساعة 3:30 العصر .. والسايس بتاع المنطقة دى بييجى الساعة 4:00 يعنى الحرامى عارف ميعاد السايس كويس ...
أيه أم الجرأة اللى تخلى واحد يكسر إزاز عربية العصر ياجدعاااااااااااااااااااا اااان .. أنا بشد فى شعرى
عموماً أنا عن طريق المنتدى وبعد إذن الإدارة أحب أعمل نداء إنسانى للحرامى يمكن يبقى متعلم وبيستخدم الإنترنت ( على أساس إنه بيسرق لاب توب كتير ) وأقوله :
أخى وصديقى الحرامى :hug3:أنا عايز أقولك إن الحقيبة اللى سرقتها من عربيتى مفيهاش غير 7 جنيه فضه ... خدهم بس رجعها ياجزمة
ورقى كله كله كله فيها ... طب بلاش ترجعها .. هتلاقى فيها فاتورة بتاعة كاميرا سامسونج عايز أروح أوديها الضمان تتصلح .. مش هاعرف أوديها من غير الفاتورة .. هاتللى الفاتورة ياجزمة.
هاتها وليك الحلاوة ... لو نويت ترجعها هتلاقى صندوق زبالة أمام الكافى شوب اللى إنت سرقتها من أدامه .. حطها جنبه وسيبها وعدى بعديها بساعة هتلاقينى حاططلك الحلاوة جنب الصندوق برده .. إوعى ترمى الشنطة جوة الصندوق ياجزمة ...
صديقك وأخوك وشقيقك ... صاحب العربية
ملحوظة ( الإزاز كلفنى 180 جنيه ياجزمة .. كنت قوللى إنك هاتكسره علشان تسرق وأنا كنت إديتهوملك ياجزمة )
معلش
هتلاقي الحرامي كان عامل حمله تمشيط للمنطقه
هاها ها دة حرامي ابن تيييييت دة كان سرق العربية اسهل هاهاها اللة يعينك انتا بتهزر بس شكلك من الكلام دمك بيغلي من الغيظ
الحمد لله
ههههههههههههههههههههههههه هههههههه فعلا شر البلية ما يضحك...
الحمد لله على كل شىء
واسلوبك جميل على فكره هههههههههه
على فكره أنا بهزر علشان مش عارف أعمل أيه والله.. أنا لسه حاسس بتأثير ضياع الورق من يومين .. شغلى بدأ يتعطل بطريقة غبية والناس مبتعذرش
الحمد لله على كل شئ .. وفى الأول والآخر أنا اللى غلطان لأنى سايب الشنطة بمنتهى السذاجة جوه العربية ( بس ده كان شارع الحجاز :I_angr1[1]: وصف تانى :I_angr1[1]: و 4 العصر :I_angr1[1]: وقدام كافيه شوب :I_angr1[1]:) الحمد لله.. أنا حبيت بس أحكيلكم اللى حصلى علشان الناس تستفيد وتخللى بالها كويس
أنا كنت علطول بسيب الشنطة فى العربية وكنت بقول بدل العربية مقفولة خلاص .. مفيش حد هايسرقها .. ده بالإضافة إن مفيهاش فلوس .. فياريت محدش يسيب أى حاجة فى العربية حتى ولو نظارة شمس فى الأيام اللى إحنا فيها دى ( أنا عايز أقولكم كمان إنى كنت سايب النظارة الشمس على الكرسى جنب الشنطة وثمنها أغلى 100 مرة من الشنطة وجراب النظارة كان فيه 4 كروت فيزا والبطاقة والرخص والحرامى الحمد لله سابها مخدهاش ) ... والله عمرى ماكنت أتخيل إنى أقع فى الموقف ده
لازم تتأكدو إن العربية دايماً مقفوله كويس
لو هاتبيتو العربية تحت البيت من غير جراج ... يبقى لازم أشيل فيوز من فيوزات العربية ..
وربنا يسترها علينا كلنا
عندى خبر حلو ياشباب
تقريباً والله أعلم الحرامى اللى سرق الشنطة إتمسك
وعرفت الكلام ده لما بعت واحد يجيبلى صورة من المحضر من النيابة قالوله إن المحضر فى التحقيق علشان مسكوا الحرامى .. بس المسروقات كلها فى الأحراز وبعد يومين هنقدر نروح نتعرف على الشنطة
والمفاجأة اللى سمعتها إن الحرامى دكتورررررر :L_bhuhhh[1]: ... آه والله وظيفته فى البطاقة دكتور
لا تعليق