الميجان 2............السيارة ذات ال 120 حساس :)

معلش يا تامر بك...........أقتبست جزء من العنوان من أحد مشاركاتك :)

طبعاً الكلام كتير على أن الميجان مليانة حساسات........نشوف مع بعض كده...........مع العلم أن الصورة فيها الحساسات الخاصة بالكماليات و ليست الميكانيكة.

http://www.nileup.com/uploads/13465307631.jpg



http://www.nileup.com/uploads/13465318201.jpg

السؤال............كم مرة ذكرت كلمة سنسور ؟

الإجابة : 3 مرات

و بما أنه دى حساسات للكماليات...........هنضيف من عندنا 10 حساسات ميكانيكية كمان ( رقم جُذافي ) يبقى المجموع 13 حساس.

مع العلم ان الحساسات الميكانيكة اللى أعرفها هى الأتي
1- حساس أوكسجين
2- حساس كامة
3- حساس شكمان
4- حساسات ABS
5- حساس ضغط الزيت
و مش فاكر تاني حالياً

السؤال التاني إجباري : أيه من الحساسات دى مش موجود فى العربيات اللى فى نفس الفئة و بنفس الكماليات ؟؟؟

ههههههههههههههههههههههه و الله حدث بالفعل و اتقالت قدامي
و بصراحة اقتبست التعليق الشهير بتاع و الله مانا رادد و ما علقتش هههههههههه

أنا فاكر إنى شفت الصور دى قبل كدا فى ملف كنت منزله

و الله العربية جميلة و انا بصراحة بفكر فيها بس خايف من ان التكنولوجيا المعقدة دى تخليها عرضة للاعطال اكتر من اى عربية تانية فى فئتها - يعنى الصورة موضحة ان فيها 23 كمبيوتر و حساس هل ده ميزة و لا عيب ؟؟

سبحان الله الميجان من العربيات اللى احبها جدا بس الصراحة اخاف منها لسبب بسيط ان اجتمع راى الغالبية على انها عربية اعطالها كتير ، صيانتها صعبة ؛ قطع غيار نادرة خارج التوكيل واتذكر صديق ليه كان راكب ميجان قديم موش فاكر موديل كام بالظبط وكان عاوز يغير يا سير كتينة يا حاجة تانية موش فاكر والله بالظبط لان الموقف من زمان شوية والله ما فى ميكانيكى عرف يعمل اى حاجة فيها وده من وجهة نظرى عيب خطير لان موش كل لما احتاج اعمل حاجة فيها اروح للتوكيل فلو كنت من اى محافظة تانية هاضطر ان اشيلها واوديها التوكيل فمينفعش طبعا لان كل واحد بيجيب العربية علشان اكيد تريحه موش تشله ؛)

والله يا جدعان العربية محترمة ومظلومة وقطع الغيار مرططة فى صقر قريش والحرفيين والميكانيكية اكتر من الهم عالى القلب .... ( على فكرة العربية مش قريبتى ومش ببيع بتاعتى)
عربية ركوبة / دقة فى الصنع والتقفيل / اوربى وحط تحتها 100 خط / أمان حدث ولا حرج / ثبت حدث ولا حرج / كماليات مش محتاجة تحطلها حاجة ( انا مكسوف اركب فيها دى فى دى حاسس انه شعبى اوى عليها)
من الاخر يا جماعة العربية عايزة اللى يهتم بيها ويطبب عليها لان المتعة والفخامة ليها ناسها يعنى عمرك مثلا ما تلاقى معلم راكب ميجان............ صح ولا انا غلطان
العربية مظلومة مظلومة

بصراحة أحسن إنها مظلومة وإن كل الإشاعات دى عليها عشان تبقى عربية مميزة هههههههههه

يا جماعة ياللى قولتو كلام فوق لو قرأتوا الحساسات دى ومعناها إيه هتلاقوها موجودة فى أى عربية فيها نفس الأمكانيات دى

العربية مش معقدة خالص خالص أنا بحب التكنولوجيا فيه حد تانى مش بيحب التكنولوجيا يبقى يركب 128 والعربية التكنولوججيا اللى فيها عادية جدا جدا أنا مش شايف حاجة غريبة الصراحة

أانا مش عاجبنى فى ميجان مكان زرار الإنتظار فى التابلوه تصميم مكانه سئ للغاية جمب زرار التشغيل الميجان عايزها فخمة بجد يبقى تركبها الهاى لاين فرش بيج بيبقى ليه شكل تانى غير الفرش القماش وغير القماش فى جلد الأسود غير كدا العربية لا غبار عليها دا أنا برغم حبى للعربية دى قل ما أجيبها بابا طبعا لا يعرف غير اللانسر والإلنترا وكان عايز يجيب سيراتو زيرو قسط
المهم أنا اللى مسكت فى العربية دى برغم إنى هشتريها مستعملة وبرغم كل ما قيل دخلت هنا المنتدى قسم رينو مش عايز أقولك انا حبيت العربية أنا حبيت الناس اللى هنا أصبحت العلاقة إنسانية شفت الميجان بقى حلوة إزاى ؟

اقتباس:

---

المشاركة الأصلية كتبت بواسطة تامر.محمد

ههههههههههههههههههههههه و الله حدث بالفعل و اتقالت قدامي
و بصراحة اقتبست التعليق الشهير بتاع و الله مانا رادد و ما علقتش هههههههههه

---

وأهو أتقال تانى يا باشا أول ما الناس شافت العدد وشافوا رأس الموضوع

أحب اضيف على الكلام دا إن الميجان فيها حساس أمامى فى الفانوس وحساس خلفى تبع الفانوس معرفش بينزل عندنا فى مصر ولا لأ

وإنت منور الزينون النور الواطى يعنى تعرفوا إن شدة الأضاءة بتزيد مع السرعة ؟؟؟؟؟؟؟؟

اقتباس:

---

المشاركة الأصلية كتبت بواسطة Ahmed A.Maksoud

معلش يا تامر بك...........أقتبست جزء من العنوان من أحد مشاركاتك :)

طبعاً الكلام كتير على أن الميجان مليانة حساسات........نشوف مع بعض كده...........مع العلم أن الصورة فيها الحساسات الخاصة بالكماليات و ليست الميكانيكة.

السؤال............كم مرة ذكرت كلمة سنسور ؟

الإجابة : 3 مرات

و بما أنه دى حساسات للكماليات...........هنضيف من عندنا 10 حساسات ميكانيكية كمان ( رقم جُذافي ) يبقى المجموع 13 حساس.

مع العلم ان الحساسات الميكانيكة اللى أعرفها هى الأتي
1- حساس أوكسجين
2- حساس كامة
3- حساس شكمان
4- حساسات ABS
5- حساس ضغط الزيت
و مش فاكر تاني حالياً

السؤال التاني إجباري : أيه من الحساسات دى مش موجود فى العربيات اللى فى نفس الفئة و بنفس الكماليات ؟؟؟

---

كالعادة طبعا موضوع مميز زى كل موضوعاتك يا أحمد، هى كعدد كتير شويه و فى sensors منهم مش موجوده فى العربيات التانيه بس زى منتا قايل ان دول كماليات زياده فى العربيه اللى متضايق منهم و باظ منهم اى حاجه مثلا و شايفها ملهاش لازمه، خلاص لو باظت سيبها بايظه و مش هتاثر على العربيه فى حاجه، مش كده ولا انا غلطان؟

حساسات الميكانيكا انا شايفها كلها مهمه جدا عشان لو باظت حاجه بتبقى عارف العيب منين فى الغالب، فدى ميزه مش عيب.

ممكن خدمه بقى يا أحمد، ياريت مشكورا تشير المانيوال ده و تحوطلنا اللينك عشان المانيوال اللى معايا هو الuser handbook و مش فيه الحاجات ديه و ياريت لو حد يكون عنده كل الmanuals بتاعت العربيه يعمل موضوع كامل يتحطوا فيه و يفيدوا الناس كلها

فى حساسات فى الاستيب ترونيك برده
على فكره يا جماعه جوز مقصات امامى تركى عامل 240 ج وتركيبه 40ج ...ده رد على كلام ان قطع غيارها غاليه ومش موجوده!!
وموجود فى صقر قريش

اقتباس:

---

المشاركة الأصلية كتبت بواسطة sherif80

و الله العربية جميلة و انا بصراحة بفكر فيها بس خايف من ان التكنولوجيا المعقدة دى تخليها عرضة للاعطال اكتر من اى عربية تانية فى فئتها - يعنى الصورة موضحة ان فيها 23 كمبيوتر و حساس هل ده ميزة و لا عيب ؟؟

---

طيب بالنسبة لموضوع أن 23 كمبيوتر و حساس دول كتير تعالى نشوفهم مع بعض
رقم 1 وحدة إتصال رئيسية أو كما يقال عنها فى مصر كنترول العربية...........موجودة فى معظم العربيات من 1908 و انت طالع.........كان معايا بى أم موديل 1984 و كان فيها.
رقم 6 حساس صدمات يمين و ده موجود فى أى عربية فيها أيرباجات
رقم 7 كمبيوتر أيرباج.........موجود فى أى عربية فيها أيرباج
رقم 9 حساس النور و المطر........مش موجود غير فى العربيات اللى فيها نفس الأوبشنز.....مساحات أوتو و نور أوتو.....و لو بايظ مش هيأثر على العربية فى حاجة.
رقم 11 مش موجود غير فى العربيات اللى نازلة بزينون أصلي.....و معتقدش كانت بتنزل مصر بالأوبشن ده.
رقم 12 موجود فى أى عربية فيها abs
رقم 13 موجود فى أى عربية فيها فتيس أوتو
رقم 14 مش موجود غير فى العربيات اللى نازلة بزينون أصلي.....و معتقدش كانت بتنزل مصر بالأوبشن ده.
رقم 16 موجود فى أى عربية أنجكشن
رقم 19 كمبيوتر الدركسيون الكهرباء............موجود فى أى عربية فيها دركسيون كهرباء
رقم 21 حساس صدمات شمال و ده موجود فى أى عربية فيها أيرباجات

و يا ريت لو أنا قولت حاجة غلط حد يصحح لي.

اقتباس:

---

المشاركة الأصلية كتبت بواسطة khaabas

سبحان الله الميجان من العربيات اللى احبها جدا بس الصراحة اخاف منها لسبب بسيط ان اجتمع راى الغالبية على انها عربية اعطالها كتير ، صيانتها صعبة ؛ قطع غيار نادرة خارج التوكيل واتذكر صديق ليه كان راكب ميجان قديم موش فاكر موديل كام بالظبط وكان عاوز يغير يا سير كتينة يا حاجة تانية موش فاكر والله بالظبط لان الموقف من زمان شوية والله ما فى ميكانيكى عرف يعمل اى حاجة فيها وده من وجهة نظرى عيب خطير لان موش كل لما احتاج اعمل حاجة فيها اروح للتوكيل فلو كنت من اى محافظة تانية هاضطر ان اشيلها واوديها التوكيل فمينفعش طبعا لان كل واحد بيجيب العربية علشان اكيد تريحه موش تشله ؛)

---

يمكن الكلام ده كان أيام الميجان 1 ما كانت لسه جديدة شوية...........دلوقتي مفيش الكلام ده

اقتباس:

---

المشاركة الأصلية كتبت بواسطة kimo1972

والله يا جدعان العربية محترمة ومظلومة وقطع الغيار مرططة فى صقر قريش والحرفيين والميكانيكية اكتر من الهم عالى القلب .... ( على فكرة العربية مش قريبتى ومش ببيع بتاعتى)
عربية ركوبة / دقة فى الصنع والتقفيل / اوربى وحط تحتها 100 خط / أمان حدث ولا حرج / ثبت حدث ولا حرج / كماليات مش محتاجة تحطلها حاجة ( انا مكسوف اركب فيها دى فى دى حاسس انه شعبى اوى عليها)
من الاخر يا جماعة العربية عايزة اللى يهتم بيها ويطبب عليها لان المتعة والفخامة ليها ناسها يعنى عمرك مثلا ما تلاقى معلم راكب ميجان............ صح ولا انا غلطان
العربية مظلومة مظلومة

---

+1111111

اقتباس:

---

المشاركة الأصلية كتبت بواسطة medori

كالعادة طبعا موضوع مميز زى كل موضوعاتك يا أحمد، هى كعدد كتير شويه و فى sensors منهم مش موجوده فى العربيات التانيه بس زى منتا قايل ان دول كماليات زياده فى العربيه اللى متضايق منهم و باظ منهم اى حاجه مثلا و شايفها ملهاش لازمه، خلاص لو باظت سيبها بايظه و مش هتاثر على العربيه فى حاجه، مش كده ولا انا غلطان؟

حساسات الميكانيكا انا شايفها كلها مهمه جدا عشان لو باظت حاجه بتبقى عارف العيب منين فى الغالب، فدى ميزه مش عيب.

ممكن خدمه بقى يا أحمد، ياريت مشكورا تشير المانيوال ده و تحوطلنا اللينك عشان المانيوال اللى معايا هو الuser handbook و مش فيه الحاجات ديه و ياريت لو حد يكون عنده كل الmanuals بتاعت العربيه يعمل موضوع كامل يتحطوا فيه و يفيدوا الناس كلها

---

إن شاء الله أرفعه و ابعتلك اللينك يا باشا..........أنت بس تأشر :)

اقتباس:

---

المشاركة الأصلية كتبت بواسطة ahmed_oth

فى حساسات فى الاستيب ترونيك برده
على فكره يا جماعه جوز مقصات امامى تركى عامل 240 ج وتركيبه 40ج ...ده رد على كلام ان قطع غيارها غاليه ومش موجوده!!
وموجود فى صقر قريش

---

حساس السولونويد............و في مقولة أخرى أو تسمية اخرى هى الأصح أسمه صمام سولونيد
أو Solenoid Valve

Solenoid valve - Wikipedia, the free encyclopedia

الموضوع ده حساس أوي :biggrin24:

اقتباس:

---

المشاركة الأصلية كتبت بواسطة medori

ممكن خدمه بقى يا أحمد، ياريت مشكورا تشير المانيوال ده و تحوطلنا اللينك عشان المانيوال اللى معايا هو الuser handbook و مش فيه الحاجات ديه و ياريت لو حد يكون عنده كل الmanuals بتاعت العربيه يعمل موضوع كامل يتحطوا فيه و يفيدوا الناس كلها

---

MECHANICAL SPECIFICATIONS OF THE VEHICLE.pdf - 4shared.com - document sharing - download

بس ده مانيوال المواصفات الميكانيكية للعربية

فيه لينك هتلاقي عليه الملف ده و ملفات تانية كتير قوى بس أسماء الملفات عبارة عن أرقام و بالتالي لازم تفتح ملف ملف علشان تشوف جواه أيه.

السلام عليكم،

عايز تكنولوجيا >>> حساسات وسويتشات
(وده مش معناه أعطال ومشاكل أكثر) :fdsa: بس هى كده..

بعيدا عن كل السنسورز بتاع الأوبشنز (parking, rain أو Dusk للزينون الـauto-leveling)

أنا بتكلم فـ حساسات الميكانيكا والكهرباء:

- عايز ABS: يبقى فيه حساسات wheel-speed و abs
- عايز ESP: هتزود yaw-sensor و G-force سنسور

- بتتكلم فـ موتور بنظام VVT متطور والتغيير فـ timing-lift عالى:
يبقى زود على حساسات الـCam-position/crank-position حساسين-3
phase-variator و stroke سنسورز

- مواتير التربو الجديدة فيها 6-7 حساسات زيادة على الـN/A الـequivalent:
طبعا MAF-less setup وبيبقى حساس MAP عـ المانيفولد + حساسين boost على خارج الكمبرويسور والإنتركوولر + intake-Temp/Pressure سنسور؟!!
دا غير حساسين متطورين أوى على طلمبات الزيت والمياه عشان التغيير فـ دورة التبريد وmonitoring الضغط والـflow :11:

- وطبعا لو فتيس جديد AMT أو Sequential بكلتش/ديوال-كلتش.. خد عندك:
حساس gear-position وسبيد
وحساسين على الطلمبة الـHigh-pressure للكلتش actuator
وحساس للـclutch-position و سويتش!! :durak:

حتى دواسات البنزين-الكهرباء الـElectric-Throttle/ drive-by-wire.. فـ الحاجات العالية زى الـbosch/siemens:
بقت الدواسة عليها 2 بوتنشيوميتير؟!!

بالنسبة للـcase بتاع الميجانII تحديدا:

- مش عايزين ننسى ان دى كانت أول عربية فـ الفئة دى.. تنزل كده (وأنا مش مقتنع أصلا ان الحساسات زيادة أو فيها تعقيد)؟؟!!!
يعنى الكلام ده موجود فـ العربيات الـpremium من أواخر التسعينات-أوائل اللألفين

لكن فـ 2005-2006 التكنولوجى دى كانت جديدة عـ المصريين.. اللى عايزين الميكانيكى يفتح الكبوت ويشتغل فـ العربية كأنها شاهين أو إكسيل؟؟!! :arab:
Rgds،

اقتباس:

---

المشاركة الأصلية كتبت بواسطة formulator

لكن فـ 2005-2006 التكنولوجى دى كانت جديدة عـ المصريين.. اللى عايزين الميكانيكى يفتح الكبوت ويشتغل فـ العربية كأنها شاهين أو إكسيل؟؟!! :arab:
rgds،

---

هى دى مربط الفرس...........للأسف معظمنا كمصريين بقينا عاوزين ناخد كل حاجة و ملناش دعوة بأى حاجة تانية فيها دفع فلوس.

أعرف واحد ماشي بلانسر بومة من 2008 وو أخر صيانة عملها للعربية كانت صيانة ال 20 ألف كم و بعد كده مفيش صيانات تماماً غير فلتر وزيت.........و العربية وصلت حوالى 190 أو 200 ألف كم و مطلعة عينه حالياً.

طيب بالنسبة لغابة الوصلات و الحساسات في الجولف دي تبقى ايه ؟ :C_laugh[1]:

http://img16.imageshack.us/img16/667...f2009800x6.jpg

الموضوع ده بيفكرني لما العربيات الاوتوماتك نزلت مصر والكراهيه الشديدة ليها ...

على فكرة في حساسات في الابواب لمعرفة إذا كانت الالواب موصدة (حلوة موصدة دي) او مفتوحة

اقتباس:

---

المشاركة الأصلية كتبت بواسطة ecybrarian

على فكرة في حساسات في الابواب لمعرفة إذا كانت الالواب موصدة (حلوة موصدة دي) او مفتوحة

---

لأ حلوة بجد وإنت مطنشنا خالص ومش بترد ع المواضيع يا باش مهندس ومقلتش عملت إيه بالسلكتين تكونش هتركب إنذار ولا هتكهربلنا العربية :)

بالنسبة للحساس اللى فى الباب دا المستشعر ( حلوة المستشعر دى ) بتاع الريموت غير كدا ممكن يكون سلوك بتلمس وتفصل مع الفتح تلمس ومع القفل تفصل وتلمس وتفصل وتفصل وتلمس بس فى النهاية حساسات برضه

على حد علمي باب اي عربية فيه زرار بيحدد الباب مقفول ولا مفتوح !

مهو هو إيه الحساس غير حاجة فيها ملف من جوا بيتأثر بالعامل الخارجى زى ملف السخان كدا بيتأثر بالحرارة ملف تانى بيتأثر بالضغط وهكذا مش شغلانة هى

اقتباس:

---

المشاركة الأصلية كتبت بواسطة mohammedaladel

لأ حلوة بجد وإنت مطنشنا خالص ومش بترد ع المواضيع يا باش مهندس ومقلتش عملت إيه بالسلكتين تكونش هتركب إنذار ولا هتكهربلنا العربية :)

بالنسبة للحساس اللى فى الباب دا المستشعر ( حلوة المستشعر دى ) بتاع الريموت غير كدا ممكن يكون سلوك بتلمس وتفصل مع الفتح تلمس ومع القفل تفصل وتلمس وتفصل وتفصل وتلمس بس فى النهاية حساسات برضه

---

ما اقدرش اطنشك يا هندسة...السكلتين دول لسه مش عارف يتعدوا ازاي من الباب للقايم..بمعنى ادق مش عارف طريقة فتح الكوتشة السوستة بتاعة التوصيلات...وبعدين مستشعر وموصدة..شكلها كدا انا وانت بنعمل سك (حلوة سك دي) لمصطلحات جديدة في المنتدى

العربيه دى شكلها وهم اوى وفخمة جدااااااااااااااااااااااا ااا وشكلها مازال مميز جدا ومن افضل تصميمات السيارات اللى اتعملت فى العالم
بس سمعتها بسبب الحساسات دى سيئه جدا
انا هموت وامتلكها وممكن اجبها بس خوفى منها فى الصيانه

انا بصراحة مش عارف مين اللي طلع الفكر ان العربيات الفرنساوي وحشة علشان مليانة حساسات

يعني البي ام و المرسيدس شغالين مانيوال مثلا


بجد العربيات بتتظلم في مصر جدا

طيب هي الفلوانس فيها نفس عدد الحساسات دي و لا لأ؟؟؟؟

فيه حساس تكييف باين و لا ايه ؟

اقتباس:

---

المشاركة الأصلية كتبت بواسطة ecybrarian

ما اقدرش اطنشك يا هندسة...السكلتين دول لسه مش عارف يتعدوا ازاي من الباب للقايم..بمعنى ادق مش عارف طريقة فتح الكوتشة السوستة بتاعة التوصيلات...وبعدين مستشعر وموصدة..شكلها كدا انا وانت بنعمل سك (حلوة سك دي) لمصطلحات جديدة في المنتدى

---

ما أنا رديت عليك فى موضوع المرايا يا باش مهندس الكاوتشة بتتفك سهلة قوى بس أفتح الموضوع الكاوتشة بيبقى فيها سهم بتجيب مفك وتحوشها من عند الحتة اللى فيها السهم

ع العموم افتح موضوع المرايا الضم بالريموت هتلاقينى رادد عليك