لكل مالكي السيريون .. يبدو إن فيه مشكلة في كاوتش كل السيارات !

انا قريت الموضوع ده في المنتدي

http://www.nilemotors.net/Nile/showthread.php?t=30230

و اللي بيتكلم عن ان الكاوتشات متقسمة 3 اقسام
temp A و ده للبلاد الحارة
temp B و ده للبلاد الباردة زي اوروبا
temp c و ده للبلاد شديدة البرودة زي روسيا

و ده هتلاقيه مكتوب علي الكاوتش من الجنب هتلاقي
traction A temprature B

و بصيت علي كاوتش السيريون لقيته temp B !!
يعني غير مجهز لبلادنا الحر .. مش عارف هل دي مشكلة كبيرة بحيث تأثر علي أمان العربية بشكل كبير خاصة للناس اللي بتسافر

و لو مشكلة كبيرة يا ريت ناخد فيها خطوة بشكل جماعي .. لأن تقريبا ده الكاوتش اللي بينزل مع العربية لأنجلترا

يا ريت نعرف رد للموضوع ده من المتخصيين لأنه قلقني .

و انا متابعة باهتمام

متهيالي انجلترا تصنف بشديدة البروده

وانا أظن ان التقسيمة مش كده
لأن احنا لسنا بلاد حارة صرف
ولا بلاد باردة صرف

يعني احنا مش حارة لأن احنا مش زي الخليج نهائي
ولسنا باردة لأن احنا مش زي اوروبا ولا انجلترا

فاكيد التصنيف مش كده او ان B متوسط بين الحرارة والبرودة

شوفو بقيت العربيات زي التويوتا مثلا بتنزل A Or B وممكن نتأكد ايه اللي المفروض بينزل مصر

اقتباس:

---

المشاركة الأصلية كتبت بواسطة Dr_Smart

شوفو بقيت العربيات زي التويوتا مثلا بتنزل A Or B وممكن نتأكد ايه اللي المفروض بينزل مصر

---

كل العربيات سواء كورى او يابانى او اوروبى حتى الصينى كلها بلا استثناء بتنزل بtraction A temperature A .حتى كل تو كيلات ومستوردين كافه انواع الكاوتشات فى مصر ملتزمين ب traction A temperature A ، بمعنى ان المشكله ده خاصه بالسيريون فقط وانا شايف ان الساده الملاك للسيريون لابد من مخاطبتهم للتوكيل على الموضوع ده

http://www.nilemotors.net/Nile/showt...t=30437&page=5

أنا حذرت من الموضوع دة في حملة عوامل الأمان

Thanks
Eng.Sherif Shaker

فين بقية ملاك السيريون يا جماعة ؟ مفيش الا ابو عبد الله اللي رد
يا ريت نناقش الموضوع ده و نشوف ايه الحل عشان لو فيه حاجة المفروض نكلم التوكيل فيها نتكلم بشكل جماعي

ده الكاوتش يعني ! يعني نص امان العربية !

اقتباس:

---

المشاركة الأصلية كتبت بواسطة MoToRiZeR

فين بقية ملاك السيريون يا جماعة ؟ مفيش الا ابو عبد الله اللي رد
يا ريت نناقش الموضوع ده و نشوف ايه الحل عشان لو فيه حاجة المفروض نكلم التوكيل فيها نتكلم بشكل جماعي

ده الكاوتش يعني ! يعني نص امان العربية !

---

temp B برضه ...

طب هنعمل ايه في المشكلة دي ؟
دلوقت واضح ان ده الكاوتش بتاع انجلترا
يعني انا دلوقت عمري ما هبقي مطمن و انا مسافر ولا بجري عالدائري الصبح في الصيف !

انا شوفت بتاع التيدا فعلا لقيته A
بس حاجه غريبه جدا ان العربيه تيجي B

بس متخفشي برضه انا العربيه معايا بقالها سنه ونص وداخل على السنتين
والحمد لله مشيت كتير في الصيف ومحمل كمان ومحصلشي حاجه
بإذن الله خير

ربنا يستر و لو انها حاجة مش تمام من التوكيل ...طبعا عند التغيير يراعي اختيار الأطار المناسب .....مش ممكن كمان نكلم التوكيل يغيير العجل بتاع العربيات في الدفعات الجايه ؟

اقتباس:

---

المشاركة الأصلية كتبت بواسطة Chicco

ربنا يستر و لو انها حاجة مش تمام من التوكيل ...طبعا عند التغيير يراعي اختيار الأطار المناسب .....مش ممكن كمان نكلم التوكيل يغيير العجل بتاع العربيات في الدفعات الجايه ؟

---

ليه مش ممكن تكلموا التوكيل على موضوع الكاوتشات علشان الدفعات الجديده يراعى الموضوع ده

انا رأى ان الموضوع مفيهوش هزار و لو فية امكانية لتغيير الكاوتش يبقى ياريت خصوصا ان الكاوتش من الحاجات الى مفيهاش هزار خالص خالص

انا بصراحة معرفش مدى الخطورة بس اكيد هما مش عاملين ِa و B و C علشان يلعبو

ياريت حد خبير يقولنا مدى الخطورة

و انا حبقى اتأكد من الموضوع دة عندى برضة

و ياريت مخاطبة التوكيل فى الموضوع دة

السلام عليكم

يا جماعة مش لازم نبقى محسوكين أقوي كدة.....مهو أبو عبدالله قال إنه ماشي بيها بقالو سنة ونصف ما شاء الله وماشتكاش من حاجة!!!

خدو بالكوا الكاوتش Dunlop صنع في اليابان....إيه الي يضمنلك إن إنت لما تيجي تغير الكاوتش بنوع كوري أو تركي وماركات مشهورة إن الـTemp A يكون في نفس كفاءة الياباني؟؟!

المشكلة اني مش عارف ايه مدي خطورة الموضوع ده .
يعني هل هو خطر بحيث إن الواحد يقلق و يخلي سفرياته بالليل .. ولا عادي ولا ايه بالزبط .. يا ريت لو حد عنده اي معرفة في الموضوع ده يفيدنا

بس بإذن الله خير زي ما قال ابو عبد الله
و انا مع رأي دكتور شيكو اننا نبلغ التوكيل عشان لو في امكانية تغيير العجل في الدفعات اللي جاية

انا بقالى ساعة بدور على النت على اضرار الموضوع ده

هو بيقلل عمر الاطار, او ممكن يؤدى لانفجاره

حاولت اشوف على اساس ايه بيتحدد درجات الحرارة, مش لاقى اى حاجة فى الموضوع ده

فلازم نسأل حد خبير

انا شايف ان ا/حسين عزام, كتب يسأل مهندس نجاد فى الموضوع المثبت فى الورشة

يعنى لازم اما نكلم التوكيل, يبقى الكلام مدعوم, مش عشوائى

يعنى لما نجمع كل المعلومات, كلنا لازم نتصل بالوكيل على الرقم بتاعهم 16168

مفيش جديد يا جماعه عن الموضوع ده
طيب الواحد لو ملاه نتروجين يبقي احسن ولا ايه
وياريت لو فيه موضوع عن فوائد النتيروجين ومميزاته وعيوبه حد يديني لينك له

فوائد النيتروجين

انه بيمتص الصدمات عن الهواء العادي وده بيفرق في العافشه بتاعت العربيه طبعا وفي ثبات العربيه على الطريق
ولا يتمدد بسخونة الاطارت زي الهواء مما يقلل فرص انفجار الاطار على السرعات مما يسبب الموت اجارنا الله واياك هذا
وايضا بيقى الضغط ثابت داخل الاطر طول الوقت لا يزيد ولا ينقص مثل الهواء
لا يتسرب مثل الهواء من الكاوتش ولذلك يريحك من انك تفحصه كل فتره

يحافظ على الجنط الحديد من الصدأ

يا ريت يا جماعه اى حد من ملاك السيريون الموقرين لما يروح الصيانه فى التوكيل مينساش يقولهم على موضوع الكاوتش ومينساش كمان يقولنا ايه تعليقهم فى التوكيل على الموضوع ده

ده رد مهندس نجاد من بريدجستون علي الموضوع

اقتباس:

---

المشاركة الأصلية كتبت بواسطة negad

أعضاء المنتدى الكرام
بالنسبة للموضوع الخاص بالحرارة B فلنبدأ بتعريف الرموز A , B , C للحرارة فهذة الرموز تمثل مقاومة الاطارات للحرارة وقدرتها على اشعاع الحرارة وذلك اثناء اختبارها تحت ظروف معملية محكمة. وأعلى درجة هى A , وأقلها C وهى تمثل أقل قدر من الأداء المطلوب حسب المواصفات القياسية الفيدرالية بالولايات المتحدة الأمريكية. ومن هذا نخلص الى أن الإطارات ذات الحرارة B لا يوجد منها أى قلق أو خوف حسب ما يعتقد البعض منا إن شاء الله، وهى مناسبة للمواصفات والأجواء المصرية.

---

و الحمد لله

شكر واجب لمهندس نجاد