عيب مشترك فى السيارات اليابانيه؟

[Ramy.Gamal]

بسم الله الرحمن الرحيم
لاحظت ان الاطارات فى السيارات اليابانيه تعد اللى حد ما نقطه ضعف فيها واضرب لكم ثلاثه امثال:
الكورولا الكاوتش التويو صوته مزعج وجزء هام من مشكله الثبات فى الكورولا لحساب نعومه العفشه
اللانسر الكاوتش bridgestone turanza er-30 or dunlop صوتهم عالى وجزء من سبب العفشه النشفه فى اللانسر لحساب الثبات
السيريون وجدت ان الكاوتش الدانلوب بتاعها مكتوب عليه temperature B وده غلط لان المناطق الحارة تحتاج temperature A مثل الشرق الاوسط واى منطقه حارة
المناطق البارده تحتاج temperature B مثل اوروبا وده اللى منزلينه فى السيريون عندنا
المناطق شديده البروده temperature c مثل روسيا وكندا
ملحوظه:مفيش اى عربيه بتنزل ولا اى مستورد بيستورد كاوتشات من الخارج بtemperature B وكله ملتزم ب traction A temperature A
مع ان كل الاطارات فى السيارات اليابانيه ذات جوده عاليه فى التحمل والعمر الافتراضى والامان العالى [/SIZE

[tutankhamoun]

متهيألي يا أستاذ رامي إن الموضوع مش كدا

يعني الكورولا ..... 1300 .......... بتستخدمها في المدن أكتر ( استخدام داخلي )
و بالتالي لما تكون العفشة ناعمة و حلوة و مريحة تبقى حاجة حلوة
و في النهاية مفيش عربية في الدنيا 100 % هاتعجب كل الناس
اللي بيعجب حضرتك في المنتج أ .......... بيعجبني في المنتج ب و هكذا

كل واحد له أحتياجاته
و أنا أعتقد ..................... أن الموضوع عادي و مش مشكلة

بس هي النقطة بتاعة السيريون
لو كدا فعلا يبقى غلط ................. المفروض التوكيل ينبه الشركة الأم على الموضوع ده
بلدنا حر ..................... و لازم لها الكاوتش بتاع البلاد الحر


و الموضوع عامل زي الكاوتش المصري
ناس كتيرة بتفضل ماشية به و مفيش مشكلة
و ناس تانية موسوسة بتغيره على طول من غير تجربة
حسب أنت حاسس بأيه و أرتحت لأيه

و تحياتي الحارة

[omar91119]

فعلا موضع الكوتشتات فى السيارات اليابنى مشكله والمفروض يدروسوا الموضع ده لانها حاجه وحشه فى حقهم

[mrdiver]

متهيألي يا أستاذ رامي إن الموضوع مش كدا

يعني الكورولا ..... 1300 .......... بتستخدمها في المدن أكتر ( استخدام داخلي )
و بالتالي لما تكون العفشة ناعمة و حلوة و مريحة تبقى حاجة حلوة
و في النهاية مفيش عربية في الدنيا 100 % هاتعجب كل الناس
اللي بيعجب حضرتك في المنتج أ .......... بيعجبني في المنتج ب و هكذا

كل واحد له أحتياجاته
و أنا أعتقد ..................... أن الموضوع عادي و مش مشكلة

بس هي النقطة بتاعة السيريون
لو كدا فعلا يبقى غلط ................. المفروض التوكيل ينبه الشركة الأم على الموضوع ده
بلدنا حر ..................... و لازم لها الكاوتش بتاع البلاد الحر


[gdwl] [/gdwl][gdwl][/gdwl][gdwl]
و الموضوع عامل زي الكاوتش المصري
ناس كتيرة بتفضل ماشية به و مفيش مشكلة
و ناس تانية موسوسة بتغيره على طول من غير تجربة
حسب أنت حاسس بأيه و أرتحت لأيه
[/gdwl] واللهى يا برنس مفيش حاجة على كوكب الارض اسمها موسوس في الكوتش المصري انا مجربه بالفيرنا ال 1600 مشعايز ااولك بالكوتش المصري الاولانى كنت باخد الملف وانا افل الازاز عشان الصوت يئرف تحس انك خلاص بتمووت اول مركة اليوكهاما مقاس ال 13 برده ونفس العرض كمان حاجة تانية خالص دنا صدقت انى راكب لكزس بسبب الكوتش المصري

و تحياتي الحارة

[Ashraf A.Kader]

انا في الصني معايا بريدجستون وعامل 20000 وعمريماشتكيت منه

[MoToRiZeR]

هي بتبقي موجودة فين بالزبط عالكاوتش عشان اشوفها ؟

[Ramy.Gamal]

هي بتبقي موجودة فين بالزبط عالكاوتش عشان اشوفها ؟

هتلاقى traction A temperature A لو غير كده يبقى مش مصمم علشان الطقس بتاعنا والطرق بتاعتنا
بالنسبه لكاوتشات الصنى الحمد لله انها مفهاش مشكله وكويس انهم مخلوش كاوتشاتها مصرى ضمن 40 % تصنيع مصرى

[Ramy.Gamal]

انهارده لسه شايف كاوتش الكورولا الجنوب افريقى فى معرض. المهم لقيته ميشلان المانى

[جندى مجند]

امممم ... الهوندا بتنزل بكاوتش بريدجستون بوتنزا و أنا شايف انه كاوتش ممتاز كثبات و متانة و الى حدٍ ما هدوء بس عيبه ان سعره ناااااار

[Ramy.Gamal]

امممم ... الهوندا بتنزل بكاوتش بريدجستون بوتنزا و أنا شايف انه كاوتش ممتاز كثبات و متانة و الى حدٍ ما هدوء بس عيبه ان سعره ناااااار

ممكن حضرتك تقولى كاوتش السيتى صناعه ايه يعنى يابانى ولا تايلاندى . انا عارف ان السيفيك بتنزل بدانلوب يابانى
واحب اوضح معلومه مش معنى ان عربيه معينه بتنزل بكاوتش بريدجستون مثلا تبقى عربيه حلوة لان البريدجستون ده فيه turanza GR-80 , turanza ER-30 ,turanza my-01 ده غير الpotenza ده غير البريدجستون التايلاندى والاندونيسى والتركى