الموضوع: شكلى هابيع الفليشيا بتاعتى وعايز تسعير لها

السلام عليكم ورحمة الله وبركاته

العربية محتاجه فردتين كاوتش واستبن العفشة متزبطة الحمد لله عند واحد محترم المحرك بياكل زيت فى السرعات الكبيرة او لما تقرص عليه فى النقلات وفى دخنة بيضاء ساعات بشوفها فى المرايه ومش عايز افتح المحرك لان مفيش معايا سيوله للصرف عليها ولو فى نيه للشراء المعاينه افضل شىء هى موديل 99 مرور الدقهلية وفحصتها فى بنزينة شيل اللى عند السوق لما اشتريتها وقال مش عامله اى خبطات غير من ادام خفيفة كدا لم تؤثر على حوض المحرك والحمد لله نضيفة من جوا وبرا وحالتها كويسه جدا نسيت كمان الفتيس كان بيسرب زيت بس بتاع العفشة قال يتزبط عادى المشكلة انا جايبها عشان تسعفنى فى البحث عن شغل او اعمل بيها شغل خاص لكن شكلى هابيعها وادور على سفر لانى اتزنقت وسرفت كل اللى معايا فى شرائها خلاف انى كنت مستلف فلوس على اللى معايا عشان اجيبها ومعاملتش حساب انى ممكن اصرف عليها بجد موضوع المستعمل ده اول شىء فيه الضمير الراجل صاحبها الاول ماكانش تقريبا بيغير ليها اى شىء والله شاكك كمان انه ماغيرش ليها حتى زيت حتى تيل الفرامل كان بيقفش لانه خلاص تهالك كسل يغيره وطبعا ماقلش على الكلام ده ياريت تسعير ليها ولو كدا اصبر لما تجينى فلوس وازبطها احسن واسيبها معايا لانى مش عايز اجيب مستعمل تانى وطبعا جديد دا عايز واحد معاه فلوس فى الغالب وفاضى لو حصل فيها شىء يروح للتوكيل انظف واحسن مع انى جايب العربية دى على اقتناع كبير ومستخسر فيها البيع كنوع المانى محترم يعنى ونسيت اسال العمرة بتتكلف كام لو هاتتزبط شميز وشنابر وبستيم وهل الشميز بيتغير ولا بيتخرط بس

والله انت بتعطينى امل كبير شكلى هاجيلك بالعربية لما تسمح الظروف ان شاء الله تعالى ونشوف هانعمل ايه